Piyer Aranol 4:2 - Bible Fulfulde Bénin New Testament

² Diga jooni faa balɗe mooɗon koriiɗe der duuniyaaru, sey goniron hande no Alla yiɗiri, ceedon e suunooji ɓannu.

Piyer Aranol 4:2 ပူးပေါင်းရင်းမြစ်များ

Matiye 12:50

Miiraaɓe am worɓe e rewɓe, e inna am woni, waɗooɓe ko *Baaba am gonuɗo dow kammu yiɗi.»

Matiye 20:4

O wi'i ɓe: ‟Jahee golloɗon, onon bo der gesa innabooje am, mi yoɓan on ko haani,”

Matiye 21:31

Der kamɓe ɗiɗo ɓen, moy nun e maɓɓe waɗi ko baaba mum yiɗi?» Ɓe toontii, ɓe bi'i: «Arano on nun.» Den, Yeesu wi'i ɓe: «E gooŋa batanmi on, jaɓooɓe ceede faada, e kaaruwaaɓe artan on naatoygo *Laamaare Alla.

Matiye 7:21

«Hinaa wi'ooɓe am “Joomiraawo, Joomiraawo” fu naatata *Laamaare Alla, sey waɗooɓe ko *Baaba am gonuɗo dow kammu yiɗi tan.

Marku 3:35

Gam gaɗoowo ko Alla yiɗi, kan woni miiraawo am e sakiike am e inna am.»

Marku 7:21

Gam diga der ɓerne neɗɗo miilooji bonɗi ƴiwata, ɗi gatta mo waɗugo ko jaasi, e guyka, e warugo neɗɗo,

Yuhaana 1:13

Ɓe laataaki ɓiɓɓe Alla diga e dingol, e yidde tagaaɗo bo bane, amma gam Alla hokkii ɓe yonki kesi.

Yuhaana 7:17

To neɗɗo e yiɗi waɗugo sago Alla, o annitan janŋinol am to Alla ƴiwi, naa bo to haalaaji am, e baawɗe am nun ƴiwi.

Roma 12:2

To on nandee e himɓe duuniyaaru nu. Amma accee Alla waylita on. Hakkillooji mooɗon laatoo kesi. Den on baawan suttontirgo ko Alla yiɗi, e ko wooɗi, e ko weli, e ko hebbi.

Roma 14:7

Gam walaa e meeɗen buuruɗo gam hoore mum, nun nun bo walaa maayoowo gam hoore mum.

Roma 6:11

Hande non, onon bo, daaree ko'e mon hande maayuɓe dow wecco hakke, den buuranon Alla sabbu Yeesu Almasiihu.

Roma 6:2

Waɗataako! Gam dow wecco hakke, en maayii. Noy kade buurirten der majje?

Roma 7:4

Hande non ɗum laatii e mooɗon onon bo, banniraaɓe am. Sabbu maayde *Almasiihu on pirtaama e tawreeta. On laatake jeyde Almasiihu mo Alla fintini diga maayɓe gam gaɗen ko fottanta Alla.

Korintu ɗiɗaɓol 5:15

O maayanii himɓe fu, gam wuuruɓe acca wuurango ko'e mum, amma ɓe buurana maayanɗo ɓe, go finti gam maɓɓe.

Efesu 2:3

En fu, hande no maɓɓe laatinoɗen. Suunooji meeɗen tokkunoɗen. Ko miilooji meeɗen kalluɗi, e jikku meeɗen yiɗi gaɗetenno. Gam sabbu jikku meeɗen ŋu, mone Alla nun haandannoo en hande no maɓɓe.

Efesu 4:17

Mii bata on, mii batitoo e inne Joomiraawo, to on nyaamee goonki mon hande heeferɓe, ɓe miilooji mum majjinta ɗum.

Efesu 5:17

Gam majjum, to on laatee ɓe walaa hakkillo, amma paamee ko Joomiraawo yiɗi.

Efesu 6:6

Ɗowtanee ɓe, hinaa yeeso maɓɓe tan, gam fottango ɓe. Amma ɗowtanee ɓe gam on maccuɓe Almasiihu, waɗooɓe ko Alla yiɗi e ɓerɗe goote.

Koloosi 1:9

Gam majjum, menen bo, diga men nani ka, men accay du'anaago on. Emen eela Alla hokka on hakkillo fu e faamu ƴiwuŋu diga e *Ruuhu mum. Den on kebban annal sago makko faa wooɗa.

Koloosi 3:3

Gam on maayi, yonki mooɗon na'on suuɗi e Almasiihu to Alla.

Koloosi 4:12

Epafaras, neɗɗo leydi mooɗon, gollantooɗo Yeesu *Almasiihu, e sanna on. Wakkati fu, o accay haɓugo gam mooɗon der du'aaje makko. O eela heɓa cemmiɗon der goonɗinki, kebbinon sago Alla.

Tesalonika Aranol 5:18

Jettee Alla der huune fu. Kanjum laatii ko Alla yiɗi gaɗon, onon hawtuɓe e Yeesu *Almasiihu.

Iburaninkeeɓe 13:21

Alla on hokka on baawɗe waɗugo booɗɗum feere feere fu, heɓa kebbinon ko o yiɗi. O waɗa der men ko fottani mo, diga e Yeesu *Almasiihu mo tedduŋal laatanii faa e baade! Aami!

Yaakuuba 1:18

Kanko yiɗi ko waɗi en ɓiɓɓe makko, o rimitorii en e haala makko gooŋaha, gam laatoɗen hande ɓikkon leɗɗe artirkon.

Piyer Aranol 1:14

Laatee hande sukaaɓe ɗowtiiɓe, to on tokkee suunooji mon ɗi gonnoɗon der muuɗum wakkati on annaano Almasiihu.

Piyer Aranol 2:1

Gam majjum boppee ko boni fu, hande jamma, fewre, munaafitaare, nawniraagu, e nyoore,

Yuhaana Aranol 2:17

Duuniyaaru e suuno mum fu heennyan, amma gaɗoowo ko Alla yiɗi, taboto faa abada.