Piyer Aranol 4:16 - Bible Fulfulde Bénin New Testament

¹⁶ Amma to o tooraama gam oo tokkii Almasiihu, to o sentir ɗum, o yetta Alla gam oo noddee goonɗinɗo Almasiihu.

Piyer Aranol 4:16 ပူးပေါင်းရင်းမြစ်များ

Golle Lilaaɓe 11:26

No o yiiti mo, o yaari mo Antiyokiya. Ɓe jooɗii ton ɓe gaɗi duuɓol eɓe golla caka eklesiya, ɓe janŋini himɓe ɗuuɓɓe. Goonɗinɓe wonɓe Antiyokiya artaa noddeego Yeesuuɓe.

Golle Lilaaɓe 26:28

Agirippa wi'i Pol: «Law hande ninni nun miiluɗaa laatinaa am Yeesuujo!»

Golle Lilaaɓe 28:22

Amma emen jiɗi bataa men ka miiluɗaa, gam emen anni diina ka tokkuɗaa ɗo yeddete nun nokku fu.»

Golle Lilaaɓe 5:41

Lilaaɓe wurtii caka dawrooɓe e ɓerne welne, gam Alla daarii ɓe, ɓe potii tooreego gam inne Yeesu.

Filippi 1:20

Mii heɗii sanne, mii woodi bo tammuwe, mi heɓataa senteene goɗɗum. Amma hande no baadey, nun jooni bo, mii anni mi teddinan Almasiihu e tinnaare, der gurnam am, baa to mii wuuri, baa to mi maayi.

Filippi 1:29

On kokkaama moƴƴere goonɗingo Almasiihu, kanjum tan bane, on kokkaama bo moƴƴere tooranaago mo,

Timote Ɗiɗaɓol 1:12

Sabbu majjum tooreteemi tooraaji ɗii ɗo, amma mi sentiray ɗum. Gam mii anni mo goonɗinmi. Mii hoolii bo o waawan ko reeni ko o halfinimmi faa nyalaane darŋal yottoo.

Yaakuuba 2:7

Kamɓe bane yennata inne Yeesu wooɗune ne noddirteɗon na?

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 4:11

Baajotooɗo fu, sey waajoo haala Alla. Jaggotooɗo bo, jaggoo e semme ne Alla hokki ɗum, gam der huune ko gaɗoton fu, teddinon Alla diga e Yeesu *Almasiihu, mo tedduŋal e baawɗe wonani faa abada! Aami

Piyer Aranol 4:14

To on jennaama gam inne Almasiihu, barke laatanto on, gam *Ruuhu tedduɗo, laatiiɗo Ruuhu Alla e wondi e mooɗon.

Piyer Aranol 4:19

Gam ɗum ɗon fu, tooreteeɓe no Alla yiɗiri, yowa yonkiiji mum dow Alla tagoowo, koolaaɗo, ɓe tokka waɗugo ko wooɗi.