Piyer Aranol 4:14 - Bible Fulfulde Bénin New Testament

¹⁴ To on jennaama gam inne Almasiihu, barke laatanto on, gam *Ruuhu tedduɗo, laatiiɗo Ruuhu Alla e wondi e mooɗon.

Piyer Aranol 4:14 ပူးပေါင်းရင်းမြစ်များ

Matiye 5:11

Barke laatanii on, to himɓe yennii on, toorii on, takki on gaccee baaɗey fu, sabbu am.

Matiye 5:16

Hande non haani jayŋol mooɗon yaynira yeeso himɓe. Den ɓe ji'an golle booɗɗe ɗe gaɗoton, ɓe teddina Baaba mooɗon gonuɗo dow kammu.»

Luka 6:22

Barke laatanii on, to himɓe wanyii on, ɓee diiwa on, ɓee jenna on, ɓee biisa inɗe mooɗon, ɗum ɗon fu gam *Ɓii neɗɗo.

Yuhaana 15:21

Amma ɓe gaɗanan on ɗum ɗum fu gam am, gam ɓe annaa liluɗo am.

Yuhaana 8:48

*Yahuduuɓe wi'i mo: «Men batay gooŋa no men bi'i a laati nun samariyaajo, aa woodi bo ginnool na?»

Yuhaana 9:28

Ɓe jenni mo, ɓe bi'i: «An woni aahiijo makko! Menen, men aahiiɓe Muusa nun.

Yuhaana 9:34

Ɓe toontii mo: «An, bumbum, der hakkeeji dimaɗaa, an janŋinta men!» Ɓe nyeebi mo yaasi.

Golle Lilaaɓe 13:45

No *Yahuduuɓe yi'i jama'aare, nawniraagu maɓɓe ummii, ɓe jeddi ka Pol waajotoo, ɓee jenna mo.

Golle Lilaaɓe 18:6

Amma ɓe calii haala makko, ɓee jenna mo, go o fiɗɗi sollaare gineeji makko, o wi'i: «To on kalkii, ka am bane, ka mooɗon nun! Mii laaɓi e mooɗon. Diga jooni mi yahan to ɓe lenyi janani.»

Golle Lilaaɓe 28:22

Amma emen jiɗi bataa men ka miiluɗaa, gam emen anni diina ka tokkuɗaa ɗo yeddete nun nokku fu.»

Golle Lilaaɓe 5:41

Lilaaɓe wurtii caka dawrooɓe e ɓerne welne, gam Alla daarii ɓe, ɓe potii tooreego gam inne Yeesu.

Korintu ɗiɗaɓol 12:10

Kanjum acci mii seyoroo tampe, e jennooje, e caɗeele e tooraaji e ɓillaaje fu, gam Almasiihu. Gam wakkati tampumi, den nun keɓammi semme.

Korintu ɗiɗaɓol 4:10

Wakkati fu, maayde Yeesu e tawaa der ɓalli amen, gam yonki makko bo yi'ee der majji.

Korintu ɗiɗaɓol 4:16

Gam daliila majjum acci ɓerɗe amen biisaaki. Baa to ɓalli amen e halka, yonkiiji amen e laatoo kesi nyalaane fu.

Galaatiya 1:24

Den ɓe teddinii Alla sabbu am.

Iburaninkeeɓe 11:26

O faamii yarugo bone gam *Almasiihu e laatii jawdi ɓuruni jawdi Misira fu manŋu, gam oo daarii riiba gonuka yeeso.

Yaakuuba 1:12

Barke laatantoo tinniiɗo der tooraaji jarbotooɗi ɗum. Gam to tinnaare makko tabitii, o heɓan tedduŋal, kan woni yonki tabitiiki, ki Alla haɓɓani yiɗuɓe ɗum alkawru.

Yaakuuba 5:11

Een bi'a tinniiɓe ɓen ɓee barkiɗinaaɓe. On nanii tinnaare Ayuba e batanee, on ji'ii bo ko Joomiraawo waɗani mo sakitiine, gam Joomiraawo laati nun mo enɗam e jom yurmeene.

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 3:14

Amma baa to on tooraama gam waɗugo ko foonnitii, on barkiɗinaaɓe. To on kulee himɓe, to on accee hakkillooji mooɗon jiɓoo!

Piyer Aranol 3:16

Amma toontee ɓe e ɗiggere, e hakkillo fukkiiŋo. Goodee miilooji ɓerɗe laaɓuɗi, den gaccotooɓe on, e yenna on, gam joonne mooɗon wooɗune der kawtal mon e *Almasiihu senta.

Piyer Aranol 4:16

Amma to o tooraama gam oo tokkii Almasiihu, to o sentir ɗum, o yetta Alla gam oo noddee goonɗinɗo Almasiihu.

Piyer Ɗiɗaɓol 2:2

Himɓe ɗuuɓɓe tokkan laabi maɓɓe kalluɗi, sabbu maɓɓe, himɓe batanan laawol gooŋa kalluka.