Piyer Aranol 4:11 - Bible Fulfulde Bénin New Testament

¹¹ Baajotooɗo fu, sey waajoo haala Alla. Jaggotooɗo bo, jaggoo e semme ne Alla hokki ɗum, gam der huune ko gaɗoton fu, teddinon Alla diga e Yeesu *Almasiihu, mo tedduŋal e baawɗe wonani faa abada! Aami

Piyer Aranol 4:11 ပူးပေါင်းရင်းမြစ်များ

Matiye 6:13

Taa accu men naata der jarbeeji, amma hisin men diga e Kalluɗo. [Gam an nun laamaare, e baawɗe, e tedduŋal fu woodani faa abada. Aami!]”

Yuhaana 13:31

No Yahuuda wurtinoo, Yeesu wi'i: «*Ɓii neɗɗo teddinaama, Alla bo teddinaama sabbu makko.

Golle Lilaaɓe 7:38

Wakkati ɓe kawti der haro, kanko laatii dariiɗo hakkune kaakiraaɓe meeɗen e malaykaajo baddunooɗo mo dow waanne Sinayi. Kanko jaɓi haalaaji gurnam, gam o hokka en ɗi.

Roma 11:36

Gam huune fu e makko ƴiwi, gam makko ɗum woni, kanko bo woodi ɗum. Tedduŋal laatanoo mo faa abada! Aami!

Roma 12:3

Alla waɗanii am moƴƴere mum. Gam majjum mii wi'a moy mooɗon fu to daaru hoore muuɗum ɓura ko laati. Amma moy fu daara hoore mum jaka no foti, e jaka goonɗinki ki Alla hokki ɗum.

Roma 16:27

Alla tan woodi faamu. Tedduŋal laatanoo mo diga e Yeesu *Almasiihu, faa abada. Aami!

Roma 3:2

Nafuwe majjum e mawni dow laabi fu. Aran, Yahuduuɓe nun Alla arti yowani haala mum.

Korintu Aranol 10:31

Gam majjum, on nyaaman nun, on jaran nun, ko gaɗoton fu de, gaɗee ɗum gam teddinon Alla.

Korintu Aranol 12:4

Dokke *Ruuhu Ceniiɗo feere feereeje nun woni, amma Ruuhu on gooto nun.

Korintu Aranol 3:10

Dow moƴƴere ne Alla waɗanimmi, daɗɗumi daɗɗa suudu, hande mahoowo annanaaɗo. Jooni goɗɗo feere e maha dow makka. Amma sey moy fu waɗa hakkillo dow no mahirta.

Korintu Aranol 6:20

gam Alla soodirii on e huune tedduɗum. Gam majjum, teddinee mo e ɓalli mooɗon.

Korintu ɗiɗaɓol 2:17

Men laataaki dartirooɓe batu Alla jawdi hande no ɗuuɓɓe waɗata. Men laati nun lilaaɓe Alla, emen bata e ɓerɗe laaɓuɗe yeeso makko, gam emen kawti e Almasiihu.

Korintu ɗiɗaɓol 9:13

To ɓe daarii no ballal mooɗon teddiri, ɓe teddinan Alla gam on kollii oon ɗowtanii *linjiila *Almasiihu. Ɓe teddinan mo bo, gam oon ceenna jawdi mooɗon e maɓɓe, e woɓɓe bo.

Efesu 1:19

On paaman bo baawɗe mawɗe, semmenteeje, ɗe o holliti dow meeɗen, enen goonɗinɓe. E baawɗe ɗen, e semme makko,

Efesu 4:29

Haanay haalaaji bonɗi e wurtoo diga e kunnuɗe mooɗon. Ko haani gaɗon woni, baton haalaaji nafooji, cemmiɗinooji goonɗinki woɓɓe, gam kettinaniiɓe on nana ko nafata ɗum.

Efesu 5:20

Jettee Alla *Baaba wakkati fu e gam huune fu, e inne Joomiraawo meeɗen Yeesu *Almasiihu.

Efesu 6:10

Ko horii wi'ugo on woni: Accee baawɗe Joomiraawo mawɗe semmiɗina on.

Filippi 1:11

On kebbinaama ɓiɓɓe foonnitaare ƴiwuɗe diga e Yeesu Almasiihu, gam inne Alla teddinee, yettee.

Filippi 2:11

kade bo himɓe fu batan wi'a, Yeesu *Almasiihu woni Joomiraawo, gam inne Alla *Baaba teddinee.

Koloosi 4:6

Sey wakkati fu haala mooɗon e laatii belka, nafoowa. Annee bo no toontortoɗon moy fu.

Tesalonika Aranol 2:4

Amma no Alla yerdike men, o yowanii am linjiila, nun nun men baajortoo ka. Men baajataako gam fottango himɓe, amma gam fottango Alla daaroowo ɓerɗe amen.

Timote Aranol 1:17

Alla gooto woni, laamiiɗo tabitiiɗo, mo maayataa, mo yi'ataake bo. Daraja e tedduŋal woodani mo faa abada abadin. Aami!

Timote Aranol 6:16

Kanko tan woni mo maayataa, jooɗiiɗo der jayŋol ŋol goɗɗo waawataa ko ɓattii. Walaa mo meeɗi yi'ugo mo, walaa baawoowo ko yi'i mo bo. Tedduŋal e baawɗe tabitiiɗe woodani mo faa abada abadin. Aami.

Titus 2:1

Amma an, accu batu maaɗa yaada e ekkitinol gooŋawol.

Titus 2:15

Kanjum haani bataa himɓe, nun bo haani baajoɗaa ɓe, pelaa ɓe e baawɗe maa fu. Taa accu goɗɗo yawee.

Iburaninkeeɓe 13:7

Ciwtoree ardiiɓe, baajiiɓe on haala Alla. Daaree no gonki maɓɓe heennyitiri, den, yemminon goonɗinki maɓɓe.

Iburaninkeeɓe 5:12

E haanunoo oon laatii janŋinooɓe diga ɗum ɓooyi, amma faa jooni oon goodi bukaata janŋineego puɗɗirɗum der haala Alla. Haanuno oon nyaama nyaamdu tekkuŋol, amma faa jooni, kosam nun musinton.

Yaakuuba 1:19

Banniraaɓe am yiɗaaɓe, gaɗee hakkillo e ɗum ɗo: Kettinee taw, demmitoɗon ko baton, to on monnee law.

Yaakuuba 1:26

Neɗɗo fu bi'uɗo hoore mum laati nun mo diina to nantay ɗenŋal mum, fewanii hoore mum, diina mum bo nafataa goɗɗum.

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 2:5

Onon bo, on laati nun hande kaaƴe ɗe yonki, garee mahireɗon suudu ruuhunkewol, gam laatoɗon waalde *limaamiiɓe seniiɓe, yaaranooɓe Alla sadakaaji ruuhunkeeji ɗi o jaɓata diga e Yeesu *Almasiihu.

Piyer Aranol 4:10

Baamoy mon heɓii dokkal Alla. Golliree ŋal gam nafon woɓɓe. Hande nun kollitirton oon gollira dokke moƴƴere feere feereeje ɗe Alla hokki on.

Piyer Aranol 4:16

Amma to o tooraama gam oo tokkii Almasiihu, to o sentir ɗum, o yetta Alla gam oo noddee goonɗinɗo Almasiihu.

Piyer Aranol 5:11

Baawɗe wonana mo faa abada! Aami.

Yahuuda 1:25

Kanko woni Alla gooto, kisinoowo en diga e Yeesu *Almasiihu, Joomiraawo meeɗen. Tedduŋal, e manŋu, e baawɗe, e laamaare, laatanii mo, diga huune fu tagaaka, non bo faa e jooni, e faa abada abadin. Aami!