Piyer Aranol 3:9 - Bible Fulfulde Bénin New Testament

⁹ To goɗɗo waɗanii on ko wooɗaa, to on battee mo, jennuɗo on bo to on jennitee ɗum: Amma barkiɗinee joomum, kanjum Alla noddani on gam donon barke.

Piyer Aranol 3:9 ပူးပေါင်းရင်းမြစ်များ

Matiye 19:29

Neɗɗo fu accuɗo wuro mum, e sakikiraaɓe mum worɓe e rewɓe, e baaba mum, ɗum bo inna mum, e sukaaɓe mum, e gese mum, gam am, o heɓan ko ɓuri ɗum, kade bo, o heɓan yonki tabitiiki.

Matiye 25:34

Den, laamiiɗo wi'an wonuɓe junŋo mum nyaamo: ‟Garee, onon ɓe *Baaba am barkiɗini, jaɓee donŋu laamaare ne ciriyanaɗon diga fuɗɗoode duuniyaaru.

Matiye 5:39

Amma min, mii wi'a on, to on battee gaɗanɗo on ko boni. To goɗɗo fiyii maa meenyo dow golal nyaamowal, hokku mo ŋal to bo.

Matiye 5:44

Amma min, mii wi'a on, jiɗee wayɓe mooɗon, du'anee tooranɓe on.

Marku 10:17

No Yeesu nanŋi laawol, gorko gom doggoy wari, jiccii yeeso mum, ƴami mo, wi'i: «Moodibbo booɗɗo, ume haani mi waɗa go mi heɓa yonki tabitiiki?»

Luka 10:25

Ɗon *moodibbo tawreeta gom ummii gam jarboo Yeesu, o ƴami mo o wi'i: «Moodibbo, ume haani mi waɗa go mi heɓa yonki tabitiiki?»

Luka 18:18

Hooreejo *Yahuduuɓe gom ƴami Yeesu wi'i: «Moodibbo geeto, ume haani mi waɗa go mi heɓa yonki tabitiiki?»

Roma 12:14

Barkiɗinee tooranɓe on, barkiɗinee, to on jaa'ee.

Roma 12:17

To goɗɗo waɗanii on ko halli, to on battee mo. Dartee waɗugo ko wooɗi yeeso himɓe fu.

Roma 8:28

Een anni bo, ko Alla waɗata fu, oo waɗa ɗum gam booɗɗum yiɗuɓe mo, kamɓe ɓe o suɓi hande no o resiri.

Roma 8:30

Ɓe o suɓi diga fuɗɗan, o noddii ɗum. Ɓe o noddi bo, o laatinii ɗum foonnitiiɓe. Ɓe o laatini foonnitiiɓe, o teddinii ɗum.

Galaatiya 3:14

Yeesu waɗii ɗum gam barke Iburahiima laatanoo ɓe lenyi janani. Goonɗinɗo Yeesu Almasiihu heɓan *Ruuhu mo Alla haɓɓani ɗum alkawal.

Efesu 4:32

Gaɗontiree ko wooɗi hakkune mon. Jurmontiree, moy fu yaafanoo bannun, hande no Alla yaaforanii on, sabbu kawtal mon e Yeesu *Almasiihu.

Tesalonika Aranol 5:15

Tinnee, gaɗaaɗo ko halli fu, to wattoo, amma wakkati fu dartee waɗugo ko wooɗi hakkune mooɗon e himɓe fu.

Iburaninkeeɓe 12:17

Oon anni ɓaawo nii, o yiɗii baabiiko barkiɗina mo, amma o salaama. O dartii e bojji, dabare no baabiiko waylitira miilo mum, amma o waaway.

Iburaninkeeɓe 6:14

O wi'i: «E gooŋa, mi barkiɗinte, mi ɗuuɗinan lenyol maa !»

Piyer Aranol 5:10

Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.