Piyer Aranol 3:7 - Bible Fulfulde Bénin New Testament

⁷ Onon worɓe bo, jooɗodee moy mon fu e debbo mum, der gondal pottuŋal. Annitee no rewɓe hewtay worɓe semme. Teddinee ɓe, gam kamɓe bo ɓe donidan e mon, yonki ki Alla hokkata der moƴƴere mum, heɓa to goɗɗum haɗu du'aaje mon.

Piyer Aranol 3:7 ပူးပေါင်းရင်းမြစ်များ

Matiye 18:19

Mii bata on kade e gooŋa: «To himɓe ɗiɗo e duuniyaaru ɗo nannantirii dow huune ko ɓe eelata, *Baaba am gonuɗo dow kammu hokkan ɓe ɗum.

Korintu Aranol 7:3

Gorko huntana debbo haaje mum, debbo bo hande nun.

Efesu 3:6

Nani ɗo no asiiri on laatori: Diga e *linjiila, ɓe lenyi janani heɓi geɗu mum der moƴƴereeji desaaɗi, hande no *Yahuduuɓe heɓiri. Ɓe laatake jokkule ɓannu gootol, ɓee goodi alkawal gootal gam ɓe kawtii e Yeesu Almasiihu.

Efesu 4:30

To on mettinee ɓerne *Ruuhu Ceniiɗo mo Alla maanorii on, gam o rinɗina on nyalaane darŋal.

Efesu 5:33

Amma onon ko yaali on woni, gorko fu yiɗa debbo mum, hande no yiɗiri hoore mum. Debbo bo teddina gorum.

Efesu 6:18

Wakkati fu gaɗee du'aaje feere feere. Eelee ballal Alla hande no Ruuhu Ceniiɗo hollitirta on. Deenee e tinnaare! To on accee du'anaago himɓe Alla.

Koloosi 3:19

Onon worɓe, jiɗee rewɓe mooɗon, to on monnanee ɓe.

Tesalonika Aranol 4:4

Haani baamoy mon fu ekkitoo jogaago ɓannu mum e laaɓal e neɗɗaaku .

Titus 3:7

O waɗii ɗum diga moƴƴere makko gam laatoɗen foonnitiiɓe, heɓa donen yonki tabitiiki, ki tammiɗen heɓugo.

Iburaninkeeɓe 1:14

Malaykaaɓe fu laati nun ruuhuuji jaggantooɗi Alla, oo lila ɗi gam ɗi gollanoo ronooɓe kisidam.

Piyer Aranol 3:1

Onon rewɓe bo, moy mooɗon fu ɗowtanoo gorko muuɗum. Gam to woɓɓe maɓɓe goonɗinay haala Alla, jikku mon waawa ko wayliti ɓe, baa to on batay woliine.