Piyer Aranol 3:18 - Bible Fulfulde Bénin New Testament

¹⁸ Gam Almasiihu e hoore mum maayi de woore, sabbu hakkeeji ɓiɓɓe Aadama. Kanko poonnitiiɗo, o maayanii en enen woofuɓe gam o yaara en to Alla. Himɓe warii mo, amma *Ruuhu Ceniiɗo fintinii mo.

Piyer Aranol 3:18 ပူးပေါင်းရင်းမြစ်များ

Matiye 27:19

Wakkati Pilaatu jooɗii e hiitoo, deekiiko lili goɗɗo, wi'a mo: «Taa naannu hoore maa der haala gorko mo walaa gacce oo, gam hanki mi toorake der koyɗool dow haala makko.»

Matiye 27:24

Pilaatu tawi waawataa ko deƴƴitini ɓe, woolo bo e ɓeydoo. Den o etti diyam, o looti juuɗe makko yeeso jama'aare, o wi'i ɓe: «Mi walaa gacce dow reƴƴitingo ƴiiƴam gorko oo. Haala mooɗon nun.»

Yuhaana 16:10

Dow foonnitaare, ɓee boofa gam mii hoota to *Baaba am, on ji'ataa am kade.

Golle Lilaaɓe 22:14

O wi'i: “Alla kaakiraaɓe meeɗen suɓi maa gam annaa ko o yiɗi, ji'aa Poonnitiiɗo, nanaa haala makko.

Golle Lilaaɓe 3:14

Amma onon, on jeddii Ceniiɗo, Poonnitiiɗo, on daartii yoofitaneego baroowo himɓe.

Roma 1:4

O hollitaama e baawɗe, diga e *Ruuhu Ceniiɗo, o laati nun *Ɓiɗɗo Alla de o fintini mo e maayɓe. Kanko woni *Almasiihu, Joomiraawo men.

Roma 4:25

Yeesu on maayi gam boofi meeɗen, o fintinaama gam laatineɗen foonnitiiɓe.

Roma 5:2

Kanko yottini en moƴƴere Alla ne gonuɗen e muuɗum jooni. Ɗum laatake gam goonɗinki meeɗen. Een juroro hoolaare heɓugo geɗu der tedduŋal Alla.

Roma 8:11

Alla fintinii Yeesu diga maayɓe. To Ruuhu makko na'on der mooɗon, den kan pintinɗo Yeesu Almasiihu diga maayɓe, hokkan ɓalli mooɗon maayooji yonki, diga e Ruuhu makko gonuɗo der mooɗon.

Roma 8:3

Tawreeta Muusa waawayno ko waɗi ɗum gam tampere ɓannu. Amma Alla waɗii ɗum. O liloy Ɓiyiiko tii etti ɓannu nanduŋol e ɓannu hakkeeɓe gam o firta ɓe diga hakke. Hande non o hiitorii hakke gollotooɗe der ɓalli meeɗen.

Korintu ɗiɗaɓol 1:24

Men jiɗaa laamanaago goonɗinki mooɗon. Gollodaago on gam seyo mon men jiɗi, gam goonɗinki mon e semmiɗi.

Korintu ɗiɗaɓol 13:4

E gooŋa nun, o tiggaama dow *leggal palaaŋal gam tampere makko, amma oo wuuri sabbu baawɗe Alla. Menen bo, der kawtal amen e makko, men tampuɓe, amma men buurdan e makko gam baawɗe Alla, on ji'an ɗum bo.

Korintu ɗiɗaɓol 5:21

Almasiihu meeɗay waɗugo hakke. Amma Alla yowii hakkeeji meeɗen fu dow makko, gam laatoɗen, foonnitiiɓe yeeso Alla diga e kawtal men e makko.

Galaatiya 1:4

Almasiihu hokkii hoore mum gam hakkeeji meeɗen. O wurtinii en diga e jamaanuuru hallunu nu. Hande non Alla Baaba meeɗen yiɗiri.

Galaatiya 3:13

*Almasiihu sooditake en diga naaloore tawreeta. O laatake naalaaɗo gam men, gam e winnii: «Ɓilaaɗo dow leggal fu laati nun naalaaɗo.»

Efesu 3:12

En kawtii e Almasiihu, en goonɗinii mo, to non, en baawan ko ɓattii Alla e hoolaare.

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Iburaninkeeɓe 10:10

En laaɓinaama e hakke, gam Yeesu *Almasiihu waɗii ko Alla yiɗi. O sakkii ɓannu makko de woore, ɗum heƴii faa e baadey.

Iburaninkeeɓe 9:14

To non, noy ƴiiƴam Almasiihu ɓurirtaa laaɓingo cuuɗiiɗum ɓerɗe meeɗen diga e golle mum baatuɗe? Gam e baawɗe *Ruuhu tabitiiɗo o hokkiri hoore makko Alla, o laatii sadaka kaa ɗo woodaa tuuni, heɓa gollanoɗen Alla mo yonki.

Iburaninkeeɓe 9:26

To hinaa non, Almasiihu toorotono de ɗuuɗɗum diga fuɗɗoode duuniyaaru. Amma jooni, o hollitake de woore tan, der heennyitirde jaamanuuji, gam o ikkina hakkeeji diga e hokkugo yonki makko.

Iburaninkeeɓe 9:28

Hande non bo, Almasiihu sakkii hoore mum de woore tan gam o ikkina hakkeeji himɓe ɗuuɓɓe. O suppitoyto de ɗiɗawre, hinaa gam hakke, amma gam o hisina hettiniiɓe mo.

Yaakuuba 5:6

On kiitake poonnitiiɗo, baruɗon mo, o saloraaki hoore makko.

Piyer Aranol 3:19

E Ruuhu on Yeesu yahi waajoroy baa e yonkiiji maɓɓaaɗi der kasu.

Piyer Aranol 4:1

*Almasiihu yarii bone der ɓannu muuɗum, onon bo goodee iri miilooji ɗin. Jaruɗo bone der ɓannu muuɗum seedi e hakke.

Piyer Aranol 4:6

Kanjum waɗi maayɓe bo waajaa *linjiila, ɓe kiitaa dow ko ɓe gaɗi, hande no himɓe fu hiitortee der ɓannu, heɓa ɓe buurda e Alla der ruuhu.

Yuhaana Aranol 1:9

Amma to en tuubanii Alla hakke meeɗen, o yaafoto en, o laaɓina en e tuuni fu. Gam kanko, o kooliniiɗo, o poonnitiiɗo.