Piyer Aranol 3:16 - Bible Fulfulde Bénin New Testament

¹⁶ Amma toontee ɓe e ɗiggere, e hakkillo fukkiiŋo. Goodee miilooji ɓerɗe laaɓuɗi, den gaccotooɓe on, e yenna on, gam joonne mooɗon wooɗune der kawtal mon e *Almasiihu senta.

Piyer Aranol 3:16 ပူးပေါင်းရင်းမြစ်များ

Matiye 5:11

Barke laatanii on, to himɓe yennii on, toorii on, takki on gaccee baaɗey fu, sabbu am.

Golle Lilaaɓe 24:16

Kan waɗi mii tinnii heɓa mii woodi ɓerne laaɓune nyalaane fu yeeso Alla e yeeso himɓe.

Golle Lilaaɓe 28:22

Amma emen jiɗi bataa men ka miiluɗaa, gam emen anni diina ka tokkuɗaa ɗo yeddete nun nokku fu.»

Roma 9:1

Ka batanmi ɗo gooŋa nun. E inne *Almasiihu, mi fewataa. Cuuɗiiɗum ɓerne am bo e seedanoo am diga e *Ruuhu Ceniiɗo no gooŋa nun batanmi.

Korintu ɗiɗaɓol 1:12

Ko laatii juro amen nani: miilooji ɓerɗe amen e seedanoo men, men gonorake der duuniyaaru e laaɓal ɓerɗe, e gooŋa, ɓurna mum hakkune mon. Men gaɗiray ɗum e faamu himɓe, amma e moƴƴere Alla.

Korintu ɗiɗaɓol 4:2

Men calake kujje cuuɗiiɗe e centiniiɗe. Men ƴoyrataa himɓe, men baylitintaa bo batu Alla. Ko men gaɗata woni, emen kollita gooŋa. Neɗɗo liinyoowo ɓerne mum fu yeeso Alla annitan gooŋa nun men batata.

Timote Aranol 1:19

Joga goonɗinki e cuuɗiiɗum ɓerne geetum. Woɓɓe hakkilanay ɗum, go goonɗinki maɓɓe halki.

Timote Aranol 1:5

Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Timote Ɗiɗaɓol 1:3

Mii yetta Alla mo cujidananmi e cuuɗiiɗum ɓerne laaɓuɗum, hande no kaakiraaɓe am waɗunoo. Emi siwtoree jemma e nyalooma fu der du'aaje am.

Titus 2:8

Haala maa laatoo gooŋaha, ka yeddataako, gam wayɓe meeɗen jiɓoo, ɓe dulla kalluka ka ɓe batani en.

Iburaninkeeɓe 13:18

Du'anee men, gam emen kooli, ɓerɗe amen e laaɓi, men tokkoto bo waɗugo ko wooɗi der becce fu.

Iburaninkeeɓe 9:14

To non, noy ƴiiƴam Almasiihu ɓurirtaa laaɓingo cuuɗiiɗum ɓerɗe meeɗen diga e golle mum baatuɗe? Gam e baawɗe *Ruuhu tabitiiɗo o hokkiri hoore makko Alla, o laatii sadaka kaa ɗo woodaa tuuni, heɓa gollanoɗen Alla mo yonki.

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 2:15

Gam ko Alla yiɗi woni, gaɗon ko wooɗi, muɓɓiron kunnuɗe himɓe batooɓe ko ɓe annaa.

Piyer Aranol 2:19

To on munyanii tooraaji ɗi kaandaa heɓugo on, gam daliila Alla, on gaɗii ko wooɗi.

Piyer Aranol 3:21

Diyam ɗam laati nun misaalu *batisi kisinan on ɗum jooni, hinaa batisi moytoojum tuuni ɓannu, amma haɓɓidingo e Alla alkawal e ɓerɗe laaɓuɗe nun, diga e pintol Yeesu Almasiihu.

Piyer Aranol 4:4

No caliɗon hawtugo e maɓɓe der fijooji kalluɗi, kanjum haaynii ɓe jooni, go ɓee biisa inɗe mon.