Piyer Aranol 2:5 - Bible Fulfulde Bénin New Testament

⁵ Onon bo, on laati nun hande kaaƴe ɗe yonki, garee mahireɗon suudu ruuhunkewol, gam laatoɗon waalde *limaamiiɓe seniiɓe, yaaranooɓe Alla sadakaaji ruuhunkeeji ɗi o jaɓata diga e Yeesu *Almasiihu.

Piyer Aranol 2:5 ပူးပေါင်းရင်းမြစ်များ

Roma 12:1

Banniraaɓe, mii eela on sabbu enɗam Alla. Kokkee mo ko'e mooɗon hande sadaka yonkinteha, ceniika, pottananka Alla. Kanjum woni sujida gooŋaha, kaanuka caafiron Alla.

Roma 15:16

O waɗii am gollantooɗo Yeesu *Almasiihu caka ɓe lenyi janani. Mii golloo hande *Limaamiijo. Mii waajoo ɓe lenyi janani *linjiila gam ɓe laatoo sadaka belanka Alla, ka *Ruuhu Ceniiɗo laaɓini.

Korintu Aranol 3:16

Faa jooni on annitay onon nun laatii suudu Alla na? On annaa *Ruuhu Alla na'on der mooɗon na?

Korintu Aranol 3:9

Gam minon men gollidooɓe e Alla, onon laatii deme makko, e suudu makko maheteeŋol.

Korintu Aranol 6:19

On annaa ɓalli mooɗon laati nun suudu *Ruuhu Ceniiɗo gonɗo der mooɗon, mo Alla hokki on na? On jeyaa ko'e mooɗon,

Korintu ɗiɗaɓol 6:16

Kawtal ŋale woni hakkune suudu Alla e tooruuje? Enen nun laatii suudu Alla yonkinteejo, hande no o wi'i: «Mi jooɗoto caka maɓɓe, mi yahan caka maɓɓe, mi laatoo Alla maɓɓe, ɓe laatoo himɓe am.»

Galaatiya 6:10

To non, de gooduɗen wakkati, en gaɗanee himɓe fu geetum, accu dun banniraaɓe meeɗen goonɗinɓe.

Filippi 1:11

On kebbinaama ɓiɓɓe foonnitaare ƴiwuɗe diga e Yeesu Almasiihu, gam inne Alla teddinee, yettee.

Filippi 2:17

Golle mooɗon laatake hande dokkal goonɗinki mon. Baa to ƴiiƴam am reƴƴitake dow dokkal mooɗon, mii seyorii ɗum, mii seyorii on bo on fu.

Filippi 4:18

Mi heɓi ballal mooɗon ŋal lilduɗon am fu e junŋo Epaforoditus, ŋal heƴii am faa ɓuri haaje am. Ŋal laatake hande wardi belɗo, hande sadaka, ɗum Alla jaɓi.

Koloosi 3:17

Ko batoton e ko gaɗoton fu, gaɗee ɗum e inne Yeesu Joomiraawo. Jettee Alla *Baaba meeɗen diga e makko.

Timote Aranol 3:15

Amma to ɓooyii mi waray, ɗerewol ŋol ɗo anninte no haani goniraa der saare Alla, laatiine eklesiya Alla yonkinteejo. Eklesiya kan laatii darŋanal, e to gooŋa darii.

Iburaninkeeɓe 3:6

Amma *Almasiihu laatike koolaaɗo der suudu Alla hande ɓiɗɗo. Enen laatii ɓe suudu makko to en tinnake een koolii, een tabbitini ko jurortoɗen faa heennyitirde.

Piyer Aranol 2:9

Amma onon, on laati nun lenyol cuɓaaŋol, on limaamiiɓe gollantooɓe Laamiiɗo, on himɓe lenyol ceniiŋol, on himɓe ɓe o suɓani hoore makko, gam baajoɗon haala golle makko geete. Kanko woni nodduɗo on, wurtini on der niwre, yaari on der jaygol mum kayniiŋol.

Piyer Aranol 4:11

Baajotooɗo fu, sey waajoo haala Alla. Jaggotooɗo bo, jaggoo e semme ne Alla hokki ɗum, gam der huune ko gaɗoton fu, teddinon Alla diga e Yeesu *Almasiihu, mo tedduŋal e baawɗe wonani faa abada! Aami

Piyer Aranol 4:17

Gam wakkati kiita faanake, Alla fuɗɗiran hiitaago himɓe muuɗum, to ka fuɗɗirii en enen, noy ɗum laatantoo himɓe ɓe jaɓay *linjiila Alla?

Kollitinki 1:6

O laatinii en laamiiɓe, e *Limaamiiɓe Alla baabiiko. Tedduŋal e Laamaare laatanoo mo, duuɓi duuɓaali. Aami.

Kollitinki 20:6

Barke e cenaaki woodani wonuɓe der pintol aranol! Maayde ɗiɗawre woodaa baawɗe dow maɓɓe. Ɓe laatanto Alla e Almasiihu *Limaamiiɓe, ɓe laamodoo e makko duuɓi ujuneere.

Kollitinki 3:12

Jaaliiɗo fu, mi waɗan ɗum darŋanal der suudu Alla am, o wurtataako e mayru abada. Mi winnan dow makko inne Alla am, e inne wanŋarde Alla am, waato *Urusaliima kesol, ƴiwoowol diga dow kammu, to Alla am. Mi winnan bo dow makko, inne am heyre.

Kollitinki 5:10

A waɗii ɓe laamiiɓe, e *Limaamiiɓe Alla, gam ɓe laamanoo duuniyaaru.»