Piyer Aranol 2:16 - Bible Fulfulde Bénin New Testament

¹⁶ Laatee rinɗinaaɓe, to on coomee ko halli der dimaaku mooɗon, gonee hande maccuɓe Alla.

Piyer Aranol 2:16 ပူးပေါင်းရင်းမြစ်များ

Matiye 23:13

«Bone laatanto on, onon *moodiɓɓe tawreeta e *Farisaaɓe, munaafitiiɓe! gam oon maɓɓana himɓe dammugal *Laamaare Alla. Onon e ko'e mon on naatataa, on accay yiɗuɓe naatugo bo, naata. [

Yuhaana 15:22

To mi warayno, to mi baddayno e maɓɓe, ɓe goodataano hakke, amma jooni, ɓe galaa accitaneego hakkeeji maɓɓe.

Roma 6:18

On dinɗinaama diga e hakke, on laatake gollantooɓe foonnitaare.

Roma 6:22

Amma jooni, on dinɗinaama e hakke. On laatike maccuɓe Alla, riiba majjum laatii laaɓineego. Heennyitirde majjum laati yonki tabitiiki.

Korintu Aranol 7:22

Gam jeyaaɗo mo Joomiraawo noddi, laatake dimo gam Joomiraawo. Dimo mo Alla noddi bo, laatake jeyaaɗo *Almasiihu.

Galaatiya 5:1

*Almasiihu firtii en gam laatoɗen rimɓe e gooŋa. Gam majjum, daree e semme, to on accee bittineɗon der baawɗe jeyaanaaku.

Galaatiya 5:13

Banniraaɓe, on noddaama gam laatoɗon rimɓe. To on ettee dimaaku mooɗon gaɗiron jiɗaaɗi yonki. Amma, moy fu jagganoo bannun e yidde.

Efesu 6:6

Ɗowtanee ɓe, hinaa yeeso maɓɓe tan, gam fottango ɓe. Amma ɗowtanee ɓe gam on maccuɓe Almasiihu, waɗooɓe ko Alla yiɗi e ɓerɗe goote.

Koloosi 3:24

Annitee Joomiraawo hokkan on riiba ka o resani himɓe makko. Gam Joomiraawo mo jaggantoɗon woni *Almasiihu.

Tesalonika Aranol 2:5

Hande no annuɗon men meeɗay baddugo on e belal ɗenŋal. Daɗey waaju amen suuɗay suuno der ɓerɗe amen. Alla woni seedeejo amen.

Yaakuuba 1:25

Amma daaroowo sariya kebbuka, dimɗinoowa, e tinnii e makka o laatoto hande golliroowo haala kan, hinaa nanoowo ka tan to yawtii, yeggita. Alla waɗan golle joomum barke.

Yaakuuba 2:12

Batee, gaɗon hande himɓe ɓe sariya dimɗinoowa hiitoto.

Piyer Ɗiɗaɓol 2:19

Ɓee kaɓɓana ɓe alkawal no ɓe dinɗan, amma kamɓe e ko'e maɓɓe ɓee laatii maccuɓe suunooji kalluɗi. Gam moy fu laati nun maccuɗo ko jaalii ɗum.

Yahuuda 1:4

Gam himɓe halluɓe naati caka mooɗon e ƴoyre. Ɓee darta lelugo haala moƴƴere Alla men, gam ɓe nyaama goonki maɓɓe no ɓe pakkiri fu. Ɓee jedda Yeesu *Almasiihu laatiiɗo hooreejo meeɗen gooto, e Joomiraawo meeɗen. Dewte ceniiɗe bataniino halkere maɓɓe.