Piyer Aranol 2:12 - Bible Fulfulde Bénin New Testament

¹² Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 2:12 ပူးပေါင်းရင်းမြစ်များ

Matiye 10:25

E wooɗi aahiijo laatoo hande moodibbo mum, maccuɗo bo, hande joomiraawo mum. To hooreejo wuro noddaama ‟Beljebul” hakko himɓe wuro makko!»

Matiye 5:11

Barke laatanii on, to himɓe yennii on, toorii on, takki on gaccee baaɗey fu, sabbu am.

Matiye 5:16

Hande non haani jayŋol mooɗon yaynira yeeso himɓe. Den ɓe ji'an golle booɗɗe ɗe gaɗoton, ɓe teddina Baaba mooɗon gonuɗo dow kammu.»

Matiye 9:8

No jama'aare yi'i ɗum, huli, darii e teddina Alla gam o hokki himɓe baawɗe hande ɗee.

Luka 1:68

«Barke laatanii Joomiraawo Alla Isira'iila, gam o hiinnake himɓe makko, o hisinii ɓe.

Luka 19:44

Ɓe pusete an e himɓe maa wonɓe caka maa, ɓe accantaa maa hayre dow hayre, gam a annitay wakkati Alla wari faabaago maa!»

Luka 6:22

Barke laatanii on, to himɓe wanyii on, ɓee diiwa on, ɓee jenna on, ɓee biisa inɗe mooɗon, ɗum ɗon fu gam *Ɓii neɗɗo.

Yuhaana 13:31

No Yahuuda wurtinoo, Yeesu wi'i: «*Ɓii neɗɗo teddinaama, Alla bo teddinaama sabbu makko.

Golle Lilaaɓe 15:14

Simon batii no Alla suɓiri diga aran lenyi janani gam o heɓana inne makko himɓe.

Golle Lilaaɓe 24:13

Ɓe baawataa ko tabbitini ko ɓe gaccortoo am jooni.

Golle Lilaaɓe 25:7

No Pol yottii, *Yahuduuɓe ƴiwɓe *Urusaliima tummi ɗum e takka ɗum gacce bonɗe ɗuuɗɗe ɗe ɓe baawataa tabbitingo.

Golle Lilaaɓe 28:22

Amma emen jiɗi bataa men ka miiluɗaa, gam emen anni diina ka tokkuɗaa ɗo yeddete nun nokku fu.»

Roma 12:17

To goɗɗo waɗanii on ko halli, to on battee mo. Dartee waɗugo ko wooɗi yeeso himɓe fu.

Roma 13:13

En gonee hande no haani wonuɓe der nyalooma wonira. En accee deereraaku e jarɗe, accen bo jeenu e suunooji baanji baanji, accen kaɓe e nawniraagu.

Roma 14:18

Golliranoowo Almasiihu hande non, fottanan Alla, himɓe bo yettan mo.

Roma 15:9

Den ɓe lenyi janani bo teddina Alla gam enɗam makko, hande no Dewtere wi'i: «Mi maantete caka ɓe lenyi janani, mi yiman, mi teddina inne maa.»

Korintu Aranol 14:25

Miilooji ɓerne makko cuuɗiiɗi wurtinte, den o jiccoo, o sujidana Alla, o wi'a: «E gooŋa, Alla e wondi e mooɗon.»

Korintu ɗiɗaɓol 1:12

Ko laatii juro amen nani: miilooji ɓerɗe amen e seedanoo men, men gonorake der duuniyaaru e laaɓal ɓerɗe, e gooŋa, ɓurna mum hakkune mon. Men gaɗiray ɗum e faamu himɓe, amma e moƴƴere Alla.

Korintu ɗiɗaɓol 13:7

Emen eela Alla to on gaɗee kalluɗum baa seɗɗa. Hinaa gam hollitingo emen goodi gooŋa. Amma emen jiɗi gaɗon ko wooɗi, baa to e nandi hande men galaa gooŋa.

Korintu ɗiɗaɓol 8:21

Gam hinaa yeeso Joomiraawo tan men dartata ko wooɗi, amma yeeso himɓe bo.

Efesu 2:3

En fu, hande no maɓɓe laatinoɗen. Suunooji meeɗen tokkunoɗen. Ko miilooji meeɗen kalluɗi, e jikku meeɗen yiɗi gaɗetenno. Gam sabbu jikku meeɗen ŋu, mone Alla nun haandannoo en hande no maɓɓe.

Efesu 4:22

To non, ɓortee jikku mooɗon ŋu gonunoɗon e muuɗum. Kanjum woni suunooji ɓannu kalkooji yonkiiji mooɗon.

Filippi 1:27

Amma, sey no gonirɗon fotta e *linjiila *Almasiihu, gam to mi warii daarugo on, naa bo to mi waray, mi nana oon tabitii der hakkillo wooto, oon kaɓa gam goonɗinki linjiila e ɓerɗe goote,

Filippi 4:8

Banniraaɓe am, ko horii wi'ugo on woni, miilanee ko laatii gooŋa, ko foti teddineego, e poonnitiiɗum, e laaɓuɗum, e kaanuɗum yiɗeego, e ko manetee, e kaanuɗum yetteego, e ko haani maanteego.

Tesalonika Aranol 4:12

Den kan, himɓe ɓe jaɓay Alla teddinan on, on laatantaako bo goɗɗo doongal.

Timote Aranol 2:2

Du'anee laamiiɓe, e mawɓe leydi fu. Du'ee gam gonoɗen e jam, e deƴƴere der kulol Alla, heɓa himɓe ɗowtanoo neɗɗaaku men.

Timote Aranol 4:12

Taa accu goɗɗo yawee gam aa laatii gojankeejo. Amma laatana goonɗinɓe misaalu diga e haala maa, e gaɗu maa, e yidde maa e goonɗinki maa, e laaɓal maa.

Timote Aranol 5:10

O laatoo anniraaɗo waɗugo ko wooɗi, hande jon: ummingo sukaaɓe mum hande no haani, oo laatii bernuɗo hoɓɓe, e lootuɗo koyɗe goonɗinɓe, e balluɗo toorotooɓe. Laatoo bo o waɗii gaɗuuji geeti ɗuuɗɗi.

Iburaninkeeɓe 13:18

Du'anee men, gam emen kooli, ɓerɗe amen e laaɓi, men tokkoto bo waɗugo ko wooɗi der becce fu.

Iburaninkeeɓe 13:5

To on accee yidde ceede arditanoo goonki mooɗon. Ceyoree ko gooduɗon, gam Alla e hoore mum wi'i: «Mi accataa maa, mi woppataa maa pay !»

Yaakuuba 3:13

Mo hakkillo e faamu na'on caka mooɗon na? Joomum hollita ɗum e yaadu geetol, der waɗugo gaɗu geetu e yakkinaare e hakkillo.

Piyer Aranol 2:15

Gam ko Alla yiɗi woni, gaɗon ko wooɗi, muɓɓiron kunnuɗe himɓe batooɓe ko ɓe annaa.

Piyer Aranol 3:16

Amma toontee ɓe e ɗiggere, e hakkillo fukkiiŋo. Goodee miilooji ɓerɗe laaɓuɗi, den gaccotooɓe on, e yenna on, gam joonne mooɗon wooɗune der kawtal mon e *Almasiihu senta.

Piyer Aranol 4:11

Baajotooɗo fu, sey waajoo haala Alla. Jaggotooɗo bo, jaggoo e semme ne Alla hokki ɗum, gam der huune ko gaɗoton fu, teddinon Alla diga e Yeesu *Almasiihu, mo tedduŋal e baawɗe wonani faa abada! Aami

Piyer Ɗiɗaɓol 3:11

To huune fu halkete hande non, sey annon no nyaamirton goonki mon der laaɓal, oon kuliri Alla!