Piyer Aranol 2:1 - Bible Fulfulde Bénin New Testament

¹ Gam majjum boppee ko boni fu, hande jamma, fewre, munaafitaare, nawniraagu, e nyoore,

Piyer Aranol 2:1 ပူးပေါင်းရင်းမြစ်များ

Matiye 15:7

Onon munaafitiiɓe! *Esaaya waɗii annabaaku dow mooɗon, wi'i:

Matiye 23:28

Onon bo, hande non laatiɗon. Dow gite himɓe, oon nandi hande foonnitiiɓe, amma der mooɗon e hebbi munaafitaare, e luudaare.

Matiye 24:51

Joomiiko hiitoto mo kiita naawuka, o heɓa riiba e munaafitiiɓe. Den o wullan, o ƴakkontira nyiiƴe.»

Matiye 7:5

Munaafitiijo, ikkin legga gonuŋa der itere maa taw, den gite maa laaɓan, keɓaa no ikkinirɗaa kuɗeel gonuŋel der itere banniraawo maa.

Marku 12:15

Nani Yeesu e anni munaafitaare maɓɓe, o wi'i ɓe: «Ume waɗi ko oon tuunnanammi pittol? Gaddanee am ceede ɗen mi yi'a.»

Luka 11:44

Bone laatanto on onon! Gam oon nandi hande caabeeje ɗe goɗɗo yi'ataa, ɗe dow mum yahetee, annanaaka!»

Luka 12:1

Wakkati mum himɓe uju ujuneeje hawriti faa ɓee jaaɓontira, go Yeesu fuɗɗi baddugo aahiiɓe mum aran wi'i: «Kakkilanee ƴufinirɗum *Farisaaɓe, kan woni munaafitaare maɓɓe.

Luka 6:42

Noy baawirtaa ko wi'i banniraawo maa: ‟Banniraawo, accu mi ikkinanee kuɗool tawaaŋol der itere maa, an mo faamanay leggal tawaaŋal der ne maa?” Munaafitiijo, ikkin taw leggal tawaaŋal der itere maa, den mum, a yi'an faa laaɓa, keɓaa no cuttiranɗaa banniraawo maa kuɗool tawaaŋol der itere mum.»

Yuhaana 1:47

Yeesu yi'i Natanayel e fonnoy ɗum, wi'i: «Oo ɗo laati nun Isira'iilaajo lalley, jamma fu walaa e makko.»

Roma 1:29

Ɓe kebbi hallande iri ney fu, e deeɗi bonɗi, e suunooji, e ganyaani. Ɓee kebbi kaajal e warugo himɓe e kaɓe e nyaamugo himɓe amaana. Ɓee ƴoƴi dow dabareeji bonɗi e munaafitaaje. Ɓee nyo'a himɓe.

Korintu Aranol 14:20

Banniraaɓe, to on laatee hande sukaaɓe der hakkillo mooɗon. Amma dow hallande laatee hande sukaaɓe, dow suttontirgo huune, laatee ɓe hakkillooji mum ɓenni hande mawɓe.

Korintu Aranol 5:8

Gam majjum, en nyaamee juulɗe Paska hinaa e ƴuufinirɗum kiiɗɗum ɗum hallande e ganyaani. Amma nyaamen ɗe e conni peen ni walaa ƴuufinirɗum, laatiini alaama laaɓal e gooŋa.

Korintu ɗiɗaɓol 12:20

To mi warii to mooɗon, mii hula to mi tawu on nandaa hande no jiɗirmi. Onon bo tawiron am no on jiɗiraa. Mii hula kade to mi tawu on der jeddi e nawniraagu e mone e kaɓe e jennooje e nyoore e mawnitaare e dullere potal.

Efesu 4:31

Ikkinee ko haaɗi e gayŋu, e mone, e palmooje, e jennooje e huune ko halli fu caka mooɗon.

Tesalonika Aranol 2:3

Waaji amen tiggaaki dow boofi, to ɗum bo dow miilooji kalluɗi, men dartataa bo ƴoyrugo himɓe.

Timote Aranol 3:11

Hande non rewɓe bo, sey ɓe laatoo fotuɓe teddineego. Haanay ɓe laatoo nyo'ooɓe himɓe, amma ɓe laatoo nantiiɓe, hooliniiɓe der huune fu.

Titus 2:3

Batu rewɓe nayeeɓe bo, wonoo hande no haani rewɓe goonɗinɓe wonoroo. To ɓe laatoo nyo'ooɓe himɓe, ɗum bo horɓe bagi. Amma ɓe laatoo ekkitinooɓe ko wooɗi.

Iburaninkeeɓe 12:1

Seedeeɓe ɗuuɓɓe e fiiltitii en hande duule. Gam majjum enen bo, en boppee doongal fu, e hakke taariiɗe en e koyɗum. Den doggen e tinnaare der doggudu daɗontiree ŋol desanaɗen.

Yaakuuba 1:21

Accee huune fu ko tuuni e ko halli, jaɓee e yakkinaare haala Alla aawaaka e ɓerɗe mooɗon. Kaa woodi baawɗe hisingo yonkiiji mooɗon.

Yaakuuba 3:14

Amma to kaajal e nawniraagu cattuŋu na'on der ɓerɗe mooɗon, to on mawnitee, oon pewana gooŋa.

Yaakuuba 4:11

Banniraaɓe, to on nyo'ontiree hakkune mooɗon. Nyo'uɗo bannun, naa bo hiitii mo, ƴartake sariya Alla, hiitake ka. To aa hiitoo sariya, a ɗowtantaako ka, amma a kiitotooɗo ka nun.

Yaakuuba 4:5

To on miijee gam baanji Binni Ceniini wi'i: «Alla e yiɗi *Ruuhu mo o watti der meeɗen e nawniraagu.»

Yaakuuba 5:9

Banniraaɓe, to on gaccontiree gam daɗon hiiteego. Kiitoowo e ɓadii on, emo darii dammugal!

Piyer Aranol 2:16

Laatee rinɗinaaɓe, to on coomee ko halli der dimaaku mooɗon, gonee hande maccuɓe Alla.

Piyer Aranol 2:22

Daɗey o waɗay hakke, goɗɗo meeɗay ko nani fewre der hunnuko makko.

Piyer Aranol 3:10

Hande no Binni Ceniini wi'i: «Jiɗɗo wuurugo guurnam geetam, yi'a nyalaaɗe geete, sey waawa ɗenŋal mum dow ko halli, hunnuko mum acca batugo pewe.

Piyer Aranol 4:2

Diga jooni faa balɗe mooɗon koriiɗe der duuniyaaru, sey goniron hande no Alla yiɗiri, ceedon e suunooji ɓannu.

Piyer Aranol 4:4

No caliɗon hawtugo e maɓɓe der fijooji kalluɗi, kanjum haaynii ɓe jooni, go ɓee biisa inɗe mon.

Kollitinki 14:5

Fewre meeɗay wurtaago e kunnuɗe maɓɓe, ɓe galaa gacce.