Piyer Aranol 1:8 - Bible Fulfulde Bénin New Testament

⁸ Yeesu on, baa no on ji'ay mo, oon jiɗi mo, baa no on ji'ataa mo jooni, e nun oon goonɗini mo. Ɗum hebbinii ɓerɗe mooɗon seyo ŋo tedduŋal, ɓuruŋo bataneego.

Piyer Aranol 1:8 ပူးပေါင်းရင်းမြစ်များ

Matiye 10:37

«Jiɗuɗo baaba mum, ɗum bo inna mum faa ɓurinimmi, joomum fotay laataago mo am. Jiɗuɗo ɓiɗɗo mum gorko naa bo debbo, faa ɓurinimmi, joomum fotay laataago mo am.

Yuhaana 14:15

«To oon jiɗi am, on tokkan ooda am.

Yuhaana 14:21

Jogiiɗo oodaaji am ko tokki ɗi, kanko nun woni jiɗɗo am. Jiɗuɗo am, *Baaba am yiɗan ɗum. Min bo, mi yiɗan mo, mi wirnitanto ɗum min e hoore am.»

Yuhaana 14:24

Neɗɗo fu mo yiɗaa am, gollirtaa haala am. Haala ka nanoton ka, ka am bane, haala Baaba lilɗo am nun.

Yuhaana 16:22

Onon bo hande nun ɓerɗe mon e biisii jooni, amma en jiidaan kade. Ɓerɗe mon welan, goɗɗo waawataa ko ikkini belɗum ɓerɗe mooɗon.

Yuhaana 20:29

Yeesu wi'i mo: «Gam a yi'ii am, a goonɗinii: Barke wonana ɓe ji'ay go goonɗini.»

Yuhaana 8:42

Yeesu wi'i ɓe: «To Alla nun laatinoo Baaba mooɗon, maa on jiɗiino am, gam to Alla ƴiwmi, ko garumi. Mi wadday hoore am, amma kanko lilimmi.

Golle Lilaaɓe 16:34

O yaari Pol e Silaasi suudu makko, o hokki ɓe nyaamdu. Kanko e himɓe wuro makko fu ɓerne maɓɓe weli sanne gam ɓe goonɗinii Alla.

Roma 14:17

Gam *Laamaare Alla laataaki gam nyaamɗe e jarɗe, amma ne laati nun foonnitaare, e jam, e seyo ɗum *Ruuhu Ceniiɗo hokkata.

Roma 15:13

Alla mo tammuwe hebbina ɓerɗe mooɗon seyo e jam gam goonɗinki mon. Tammuwe mooɗon ɓeydoo der ɓerɗe mooɗon diga e baawɗe *Ruuhu Ceniiɗo!

Korintu Aranol 16:22

Neɗɗo fu mo yiɗaa Joomiraawo, o naalaaɗo! Maranata, yaa Joomiraawo Yeesu, war!

Korintu ɗiɗaɓol 1:22

Kanko maanii en e maanorɗum makko, o wattii *Ruuhu makko der ɓerɗe meeɗen, gam tabbitingo o hokkan en moƴƴereeji ɗi o resani en.

Korintu ɗiɗaɓol 12:4

Ton o nani batu ka neɗɗo waawataa ko bati, ka goɗɗo fotay batugo.

Korintu ɗiɗaɓol 4:18

Der ko yi'etee bane hakkillo amen woni, amma der ko yi'ataako. Gam ko yi'etee, yawtan, amma ko yi'ataako, tabitinto faa abada.

Korintu ɗiɗaɓol 5:7

Gam e goonɗinki jahirten, en jahataa dow ko yi'etee.

Korintu ɗiɗaɓol 9:15

Yettoore laatanoo Alla gam dokkal makko ɓuruŋal bataneego!

Galaatiya 5:22

Amma ko *Ruuhu Ceniiɗo rimata woni: yidde, seyo, jam, munyal, neɗɗaaku, yurmeene, goonɗinki,

Galaatiya 5:6

To goɗɗo hawtii e Yeesu Almasiihu, juulnol e dullere juulnol fu laataaki goɗɗum. Ko nafata woni, goonɗinki gollotooki e yidde.

Efesu 3:19

Mii eela Alla annina on yidde Almasiihu ɓurune faamu fu, gam laatoɗon hebbuɓe, Alla bo hebba der mooɗon.

Efesu 6:24

Yiɗuɓe Joomiraawo meeɗen Yeesu Almasiihu fu, e yidde ne heennyataa, moƴƴere Alla laatanoo ɗum.

Filippi 1:25

Mii hoolii, mii anni mi wonoto e duuniyaaru taw, mi wonda e mooɗon on fu, gam ɓeydoɗon yeeso, ɓerɗe mooɗon wela gam goonɗinki,

Filippi 3:3

Gam enen woni julniiɓe e gooŋa, enen saafirooɓe Alla e *Ruuhu, jurortooɓe Yeesu *Almasiihu, ɓe koolaaki ko'e mum.

Filippi 4:4

Wakkati fu, ceyee der kawtal mooɗon e Joomiraawo, mii batitoo ka kade, ceyee!

Iburaninkeeɓe 11:1

Goonɗinki laati nun hoolaago a heɓii huune ko keɗiɗaa e wara, e tabbitingo kujje ɗe a yi'ay.

Iburaninkeeɓe 11:27

Diga e goonɗinki o wurtori leydi Misira, o hulay mone laamiiɗo. O darii e semme, hande oo yi'a Alla mo yi'ataake.

Piyer Aranol 1:6

Oon ceyorii ɗum, baa no jooni doole tooraaji feere feere e tampina on der wakkati seɗɗa.

Piyer Aranol 2:7

Onon goonɗinɓe, hayre nee e woodi tedduŋal dow mooɗon, amma dow ɓee ɗo goonɗinay, Dewtere wi'i dow maɓɓe: «Hayre ne mahooɓe woppi Kayre laatii ɓurune fottugo der gooraare suudu,

Piyer Aranol 5:4

To Duroowo mawɗo yottake, on meelete meetalol tedduŋal ŋol hiiɗɗataa.