Piyer Aranol 1:7 - Bible Fulfulde Bénin New Testament

⁷ Tooraaji ɗin nun foonnata goonɗinki mon. Hande no kanŋeeri ni tabitintaako lootirtee der yiite, hande non goonɗinki mon ɓuruki kanŋeeri saman faa to woɗɗi, foonnirtee, ki heɓan maanteego, e tedduŋal, e manŋu, nyaanne Yeesu *Almasiihu suppitoytoo.

Piyer Aranol 1:7 ပူးပေါင်းရင်းမြစ်များ

Matiye 19:28

Yeesu wi'i ɓe: «E gooŋa batanmi on, to huune fu laatinaama kesum, *Ɓii neɗɗo jooɗoto e kittaal laamaare tedduŋal makko. Den, onon sappo e ɗiɗo tokkuɓe am, on jooɗoto dow kittaaje sappo e ɗiɗi, kiitoɗon lenyi Isira'iilaaɓe sappo e ɗiɗi.

Matiye 25:21

Joomiiko wi'i mo: ‟Golle maa wooɗii sanne, an gollotooɗo geeto, koolaaɗo. No a laatike koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!”

Matiye 25:23

Joomiiko wi'i mo: ‟Golle maa wooɗii sanne, an gollotooɗo geeto, koolaaɗo. No a laatike koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!”

Luka 12:33

Cippee ko gooduɗon, cakkon talakaaɓe ceede mum, gaɗanee ko'e mooɗon suuɗirde ceede ne heennyataa, e jawdi ni heennyataa dow kammu. Ton, gujjo waawataa ko ɓattii, gilɗi bo waawataa ko biisi ni.

Luka 17:30

Non non nun ɗum laatortoo der nyalaane ne Ɓii neɗɗo suppitoytoo.

Yuhaana 12:26

To goɗɗo e yiɗi jagganaago am, sey tokkammi. To gonmi fu, ɗon jagganiiɗo am bo wonata. *Baaba teddinan neɗɗo jaggantooɗo am.»

Yuhaana 5:44

Noy baawirton ko goonɗini, onon teddinontirooɓe hakkune mooɗon, go accuɗon daartugo tedduŋal Alla?

Golle Lilaaɓe 8:20

Amma Piyer toontii mo, wi'i: «Alla halkee, an e ceede maa, gam a miilii dokkal Alla ceede nun soodirtee!

Roma 2:10

Manŋu e tedduŋal e jam laatanto waɗooɓe ko wooɗi fu, aran, Yahuduuɓe, den ɓe lenyi janani.

Roma 2:29

Yahuduujo e gooŋa, woni laatiiɗo ɗum diga der. Juulnol gooŋakuwol bo woni ŋol Ruuhu waɗata der ɓerne, hinaa ŋol tawreeta waɗata. Iri Yahuduujo on, Alla nun manata ɗum, himɓe bane.

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Roma 8:19

Ko tagaa fu e haaɓi yi'a wakkatiire ne o hollitinta tedduŋal ɓiɓɓe makko.

Korintu Aranol 3:13

Nyalaane darŋal, Almasiihu sumpitan golle moy fu, gam moy fu yiite foonnan golle mum, gam yiite hollan no golle moy fu wa'i.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Yaakuuba 1:12

Barke laatantoo tinniiɗo der tooraaji jarbotooɗi ɗum. Gam to tinnaare makko tabitii, o heɓan tedduŋal, kan woni yonki tabitiiki, ki Alla haɓɓani yiɗuɓe ɗum alkawru.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.

Piyer Aranol 1:5

O reenirii on e baawɗe makko gam on goonɗinii mo. O reenii on gam o hokka on kisidam ciriyiiɗam hollitaago der wakkati cakitiiki.

Piyer Aranol 2:4

Ɓattee Joomiraawo, laatiiɗo hayre yonkinteere, ne himɓe woppi, goodune saman, ne Alla suɓi.

Piyer Aranol 2:7

Onon goonɗinɓe, hayre nee e woodi tedduŋal dow mooɗon, amma dow ɓee ɗo goonɗinay, Dewtere wi'i dow maɓɓe: «Hayre ne mahooɓe woppi Kayre laatii ɓurune fottugo der gooraare suudu,

Piyer Aranol 4:12

Banniraaɓe am yiɗaaɓe, to on accee tooraaji buluɗi keɓanɗi on gam foonnugo on haaynoo on, hande huune koɗum.

Piyer Aranol 4:13

Amma to oon kawti e *Almasiihu der toora mum, ceyee oon belbelta booɗum to tedduŋal makko suppitoyke.

Piyer Aranol 5:1

Jooni emii badda *dottiiɓe eklesiya wonɓe caka mon, gam min bo mii dottiijo hande maɓɓe. Mi seedake tooraaji *Almasiihu, mi wonoto der tedduŋal ŋal o hollitoyta.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.

Piyer Ɗiɗaɓol 1:4

Diga e baawɗe ɗen keɓuɗen moƴƴereeji mawɗi, tedduɗi, ɗi gaɗanaɗen alkawal mum. O waɗii ɗum gam kawton e makko, nandon mo, gam daɗon suunooji duuniyaaru kalkooji.

Piyer Ɗiɗaɓol 3:14

Gam majjum, onon banniraaɓe am yiɗaaɓe, tinnee laatoɗon ɓe galaa gacce, e tuuni yeeso Alla. Goodee jam der kawtal mon e makko, oon keɗorii nyalaane nen.

Yahuuda 1:24

Alla waawan reenugo on e perge, faa o darna on yeeso tedduŋal makko e seyo, on galaa gacce.

Kollitinki 1:7

Daaree, oo warida e duulere. Himɓe fu yi'an mo, baa yuwunooɓe mo, lenyi duuniyaaru fu simoto gam makko. Ɗum laatoo hande non! Aami .

Kollitinki 2:10

Taa hulu toora ɓadiika tawugo maa. Daa Seyɗan maɓɓan woɓɓe mon der kasu, gam poonneɗon, on toorete faa balɗe sappo. Laata koolaaɗo faa maayde, mi hokkete keɓal jaalorgal, waato yonki.

Kollitinki 3:10

A jogake haala am, a munyii sanne. Gam majjum, min bo, mi reenete der wakkati ɓillaare garanoore duuniyaaru gam foonna himɓe.

Kollitinki 3:18

Ka batan maa mi nani: Soodu to am, kanŋeeri laaɓiniraani yiite, gam laatoɗaa jom jawdiijo. Soodu gineeji daneeji ɓornoɗaa, gam senteene funtu maa to yi'oo. Kade bo, soodu lekki gite mooma, gam ji'aa.