Piyer Aranol 1:3 - Bible Fulfulde Bénin New Testament

³ En jettee Alla, *Baaba Joomiraawo men Yeesu *Almasiihu, dimitoriiɗo en e enɗam mum mawɗam. E pintol Yeesu Almasiihu diga maayɓe, o hokkiri en tammuwe gooŋaare.

Piyer Aranol 1:3 ပူးပေါင်းရင်းမြစ်များ

Yuhaana 1:13

Ɓe laataaki ɓiɓɓe Alla diga e dingol, e yidde tagaaɗo bo bane, amma gam Alla hokkii ɓe yonki kesi.

Roma 12:12

Ceyoree ko kooliɗon on keɓan, munyanee tooraaji, tinnee e waɗugo du'aaje.

Roma 15:13

Alla mo tammuwe hebbina ɓerɗe mooɗon seyo e jam gam goonɗinki mon. Tammuwe mooɗon ɓeydoo der ɓerɗe mooɗon diga e baawɗe *Ruuhu Ceniiɗo!

Roma 4:25

Yeesu on maayi gam boofi meeɗen, o fintinaama gam laatineɗen foonnitiiɓe.

Roma 5:10

Wakkati laatinoɗen wayɓe Alla, o weldinii en e hoore makko diga e maayde Ɓiyiiko. Jooni en beldii e makko, to non non en keɓan hisineego gam yonki Ɓiyiiko.

Roma 8:11

Alla fintinii Yeesu diga maayɓe. To Ruuhu makko na'on der mooɗon, den kan pintinɗo Yeesu Almasiihu diga maayɓe, hokkan ɓalli mooɗon maayooji yonki, diga e Ruuhu makko gonuɗo der mooɗon.

Roma 8:24

En kisinaama, amma een keɗii taw. To een ji'a huune ko tammihiɗen heɓugo, ɗum laataaki kade tammuwe. Moy nun tammihintoo ko yi'i?

Korintu Aranol 13:13

Den, huune tati woni ko tabitii, goonɗingo, e heɗaago moƴƴere Alla, e yidde. Amma yidde ɓuri ɗum ɗum fu mawnugo.

Korintu Aranol 15:20

Amma e gooŋa, *Almasiihu fintii, o laatake arano der maayɓe fintooɓe.

Korintu ɗiɗaɓol 1:3

Barke laatanoo Alla *Baaba Yeesu *Almasiihu Joomiraawo meeɗen. Oo laatii Baaba enɗotooɗo, Alla deƴƴitinoowo ɓerɗe der huune fu.

Galaatiya 6:16

Tokkuɓe laawol ŋol fu, Alla hokku ɗum jam e enɗam, kamɓe e Isira'iilaaɓe ɓe Alla.

Efesu 1:17

Mii eela Alla Joomiraawo meeɗen Yeesu *Almasiihu, *Baaba mo tedduŋal, hokka on *Ruuhu mum kokkoowo hakkillo. Ruuhu on hollita on Alla hande no o laati.

Efesu 1:3

Yettoore laatano Alla, laatiiɗo *Baaba Yeesu *Almasiihu Joomiraawo meeɗen. Gam kawtal meeɗen e Almasiihu, o barkiɗinii en e hokkugo en barke ruuhunkeeje feere feereeje, ƴiwuɗe dow kammu.

Efesu 1:7

Moƴƴere Alla e mawni: Diga e kawtal men e *Almasiihu, en pirtaama, jaafaɗen, sabbu ƴiiƴam makko deƴƴitiiɗam.

Efesu 2:4

Amma enɗam Alla walaa kaddi, o yiɗii en e yidde mawne.

Efesu 3:20

Alla gollotooɗo der meeɗen e baawɗe mum, waɗana en ɓura ko eeleten, e ko miileten fu.

Koloosi 1:23

Amma, sey tiiɗon, daroɗon e semme der goonɗinki, laatoɗon ɓe dimmataako. To on boɗɗodee e *linjiila, laatiika tammuwe meeɗen. *Linjiila ka nanuɗon, waajaama der duuniyaaru ɗo. Min Pol, kanka nun laatiimi gollotooɗo mum.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Tesalonika Aranol 1:3

Emen ciwtora on yeeso Alla *Baaba meeɗen e golle mooɗon ɗe gaɗuɗon gam goonɗinki mooɗon. Emen ciwtora bo no tinnoriɗon gam yidde, e no munyirɗon der tammuwe mooɗon der Joomiraawo meeɗen Yeesu *Almasiihu.

Tesalonika Aranol 4:13

Banniraaɓe, emen jiɗi paamon haala maayɓe gam to ɓerɗe mooɗon biisoo hande himɓe ɓe walaa tammuwe.

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Timote Aranol 1:14

Moƴƴere Joomiraawo ɗuuɗanii am puy. O hokkii am goonɗinki e yidde ƴiwune diga e Yeesu Almasiihu.

Titus 2:13

Hande non keɗortoɗen nyalaane barkiɗinaane, ne tammihiɗen. Nyalaane nen, Yeesu *Almasiihu, Alla meeɗen mawɗo, Kisinoowo en, hollitinto e tedduŋal.

Iburaninkeeɓe 3:6

Amma *Almasiihu laatike koolaaɗo der suudu Alla hande ɓiɗɗo. Enen laatii ɓe suudu makko to en tinnake een koolii, een tabbitini ko jurortoɗen faa heennyitirde.

Yaakuuba 1:18

Kanko yiɗi ko waɗi en ɓiɓɓe makko, o rimitorii en e haala makko gooŋaha, gam laatoɗen hande ɓikkon leɗɗe artirkon.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.

Piyer Aranol 1:21

Diga e makko goonɗinɗon Alla, pintinɗo mo diga e maayde, hokki mo tedduŋal, gam goonɗinki mon e tammuwe mon fu daroo dow Alla.

Piyer Aranol 1:23

On dimitaaɓe de ɗiɗawre, hinaa e awdi nyoloori, amma e awdi ni nyolataa, e haala Alla yonkinteha, tabitiika.

Piyer Aranol 2:2

hande no sukahon keccon yiɗiri kosam ɗam jillontiraaka, nun haani onon bo jiɗiron haala Alla, gam mawnon der makka, kison.

Piyer Aranol 3:15

Teddinee *Almasiihu Joomiraawo der ɓerɗe mooɗon. Wakkati fu ciriyee toontaago ƴamuɗo on daliila tammuwe mooɗon.

Piyer Aranol 3:21

Diyam ɗam laati nun misaalu *batisi kisinan on ɗum jooni, hinaa batisi moytoojum tuuni ɓannu, amma haɓɓidingo e Alla alkawal e ɓerɗe laaɓuɗe nun, diga e pintol Yeesu Almasiihu.

Piyer Aranol 3:5

Hande nun rewɓe seniiɓe ɓe diga den, yowuɓe tammuwe mum dow Alla, wooɗiniri ko'e mum. Ɓee ɗowtanii worɓe maɓɓe.

Yuhaana Aranol 2:29

No oon annii Alla laati nun gooŋaajo, annee bo mo gaɗu mum foonnitii fu, laati nun ɓiyiiko.

Yuhaana Aranol 3:3

Gooduɗo tammuwe nen dow Almasiihu, laaɓinan hoore mum hande no kanko Almasiihu o laatori laaɓuɗo.

Yuhaana Aranol 3:9

Laatiiɗo ɓinŋel Alla fu, waɗataa hakke, gam awdi Alla na'on der makko. Joomum waawataa ko tokkii waɗugo hakke, gam Alla laatii baaba makko.

Yuhaana Aranol 4:7

Banniraaɓe am yiɗaaɓe, jiɗontiree, gam yidde ƴiwi e Alla. Gooduɗo yidde fu laati nun ɓinŋel Alla, e anni Alla bo.

Yuhaana Aranol 5:1

Goonɗinɗo Yeesu woni *Almasiihu fu laati nun *Ɓiɗɗo Alla. Jiɗuɗo baaba fu, e yiɗi ɓiɗɗo bo. A yiɗataa baaba, banyaa ɓiɗɗo.

Yuhaana Aranol 5:18

Een anni laatiiɗo ɓinŋel Alla tokkataako waɗugo hakkeeji, amma *Ɓiɗɗo Alla e reeni mo, *Ibiliisa kalluɗo meemataa mo.

Yuhaana Aranol 5:4

gam laatiiɗo mo Alla fu, jaaloto kujje duniyaaru. E goonɗinki meeɗen jaalortoɗen kujje duniyaaru.