Piyer Aranol 1:22 - Bible Fulfulde Bénin New Testament

²² Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.

Piyer Aranol 1:22 ပူးပေါင်းရင်းမြစ်များ

Yuhaana 15:17

Ko resanmi on woni, jiɗontiree.»

Yuhaana 15:3

Onon, jooni on laaɓuɓe gam waaju mo baajiimi on.

Yuhaana 17:17

Senu ɓe e gooŋa maa. Haala maa woni gooŋa.

Yuhaana 17:19

Mii sena hoore am gam maɓɓe gam kamɓe bo ɓe laatoo senaaɓe der gooŋa.

Golle Lilaaɓe 15:9

O waɗay cuttontirol gom hakkune meeɗen e maɓɓe, gam o laaɓinii ɓerɗe maɓɓe e goonɗinki.

Golle Lilaaɓe 6:7

Haala Alla e sankitoo yaago yaago, goonɗinɓe e ɓeydoo sanne der *Urusaliima. Kade bo *Limaamiiɓe ɗuuɓɓe laatake goonɗinɓe.

Roma 1:5

Diga e makko keɓumi moƴƴere laataago lilaaɗo, gam mi waɗa himɓe caka lenyi fu goonɗina mo, ɗowtanoo mo, ɓe teddina inne makko.

Roma 2:8

Amma yiɗuɓe jeddi, e saliiɓe gooŋa, e tokki ko halli, mone e tikkere Alla yanan dow maɓɓe.

Roma 8:13

To oon tokki jiɗaaɗi ɓannu, on maayan. Amma to on barii ɗi diga e *Ruuhu Alla, on buuran.

Korintu ɗiɗaɓol 6:6

Emen kolla men laati nun gollantooɓe Alla diga e *laaɓal amen, e annal, e munyal, e neɗɗaaku, e ballal *Ruuhu Ceniiɗo, e yidde ne walaa munaafitaare.

Galaatiya 3:1

Onon ɓe Galaatiya, on galaa hakkillo! Moy jammii on? On laaɓinanaamaa haala Yeesu *Almasiihu, tiggaaɗo dow *leggal palaaŋal.

Galaatiya 5:5

Menen, e men keɗi Alla laatina men foonnitiiɓe diga e goonɗinki. Kanjum men keɗi e baawɗe *Ruuhu Ceniiɗo.

Galaatiya 5:7

On puɗɗii doggudu mooɗon no wooɗiri. Moy haggi on, haɗi on ɗowtanaago gooŋa?

Efesu 4:3

Tinnee oon laatii gootum hakkune mon, diga e jam mo *Ruuhu Ceniiɗo hokkata on.

Filippi 1:9

Ko eelananmi on Alla woni, ɓeydoɗon yeeso yeeso, dow yidde, e dow annal, e suttontirgo gooŋa e fewre,

Tesalonika Aranol 3:12

Joomiraawo mawnina yidde mon, ɗuuɗina ne hakkune mon yaago e himɓe, ne laatoo hande no yidde amen laatorii dow mooɗon!

Tesalonika Ɗiɗaɓol 1:3

Banniraaɓe, e haani men jetta Alla wakkati fu gam mooɗon. Eɗum fotti, gam goonɗinki mooɗon e ɓeydoo yeeso yeeso, kade bo yidde ne goodontirɗon hakkune mooɗon e ɓeydoo der moy mooɗon.

Tesalonika Ɗiɗaɓol 2:13

Banniraaɓe, yiɗaaɓe Joomiraawo, menen, doole men jetta Alla wakkati fu gam mooɗon. Alla suɓii on diga fuɗɗoode, gam kison diga e *Ruuhu Ceniiɗo laaɓinɗo on, gam on goonɗinii gooŋa.

Timote Aranol 1:3

Wakkati jahannoomi Maseduwaan, mi batiino maa jooɗoɗaa Efesu. Himɓe woɓɓe na'on ɗon e janŋina ekkitinol feerewol. Haɗu ɓe ɗum.

Timote Aranol 1:5

Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Timote Aranol 4:12

Taa accu goɗɗo yawee gam aa laatii gojankeejo. Amma laatana goonɗinɓe misaalu diga e haala maa, e gaɗu maa, e yidde maa e goonɗinki maa, e laaɓal maa.

Timote Aranol 5:2

Rewɓe manŋusuuɓe, baddu ɗum hande inniraaɓe maa, saaŋooɓe bo, hande sakikiraaɓe maa. Waɗu ɗum e miilooji laaɓuɗi.

Timote Ɗiɗaɓol 1:14

Joga geetum ɗum kalfinaɗaa e ballal *Ruuhu Ceniiɗo gonuɗo der meeɗen.

Iburaninkeeɓe 11:8

Diga e goonɗinki nun Iburahiima ɗowtoranii noddoore Alla, o yahi leydi ni Alla wi'i o ronan, o yawti, o annaa toy o yahata.

Iburaninkeeɓe 13:1

Tinnee jiɗontiree hakkune mon, gam on laati nun banniraaɓe.

Iburaninkeeɓe 5:9

Alla laatinii mo kebbuɗo, gam majjum o laatanii ɗowtaniiɓe mo fu daliila kisidam tabitiiɗam.

Iburaninkeeɓe 6:10

Gam Alla laataaki mo fonnitaaki. O yeggitintaa gaɗu mon, e yidde ne kollitinɗon gam inne makko. On kollitii yidde nen e golle ɗe gaɗuɗon, e ɗe gaɗoton faa hanne gam himɓe Alla.

Iburaninkeeɓe 9:14

To non, noy ƴiiƴam Almasiihu ɓurirtaa laaɓingo cuuɗiiɗum ɓerɗe meeɗen diga e golle mum baatuɗe? Gam e baawɗe *Ruuhu tabitiiɗo o hokkiri hoore makko Alla, o laatii sadaka kaa ɗo woodaa tuuni, heɓa gollanoɗen Alla mo yonki.

Yaakuuba 1:21

Accee huune fu ko tuuni e ko halli, jaɓee e yakkinaare haala Alla aawaaka e ɓerɗe mooɗon. Kaa woodi baawɗe hisingo yonkiiji mooɗon.

Yaakuuba 4:8

Ɓattee Alla, kanko bo o ɓattoto on. Onon hakkeeɓe, laaɓinee juuɗe mooɗon, onon waɗuɓe ɓerɗe ɗiɗi, laaɓinee ɓerɗe mooɗon!

Piyer Aranol 1:2

Alla *Baaba suɓii on hande no o resirnoo, o seni on e *Ruuhu makko, gam ɗowtanoɗon Yeesu Almasiihu, mo ƴiiƴam mum laaɓini on. Alla ɗuuɗinana on moƴƴere e jam!

Piyer Aranol 2:17

Teddinee himɓe fu, jiɗee banniraaɓe goonɗinɓe, kulee Alla, teddinee laamiiɗo.

Piyer Aranol 3:1

Onon rewɓe bo, moy mooɗon fu ɗowtanoo gorko muuɗum. Gam to woɓɓe maɓɓe goonɗinay haala Alla, jikku mon waawa ko wayliti ɓe, baa to on batay woliine.

Piyer Aranol 3:20

Kanji woni ruuhuuji himɓe ɓe ɗowtanaakino Alla der jaamanu Nuuhu, baa no o munyanii ɓe. De Nuuhu seɓunoo laana diyam mum, himɓe seɗɗa tan naati ŋa, kamɓe jeetato daɗi diyam ɗam.

Piyer Aranol 3:8

Ɓaawo majjum, on fu laatee wooduɓe miilo wooto, jurmontiree, jiɗontiree hande mawniraaɓe e miiraaɓe, enɗontiree, leesinee ko'e mon.

Piyer Aranol 4:17

Gam wakkati kiita faanake, Alla fuɗɗiran hiitaago himɓe muuɗum, to ka fuɗɗirii en enen, noy ɗum laatantoo himɓe ɓe jaɓay *linjiila Alla?

Piyer Aranol 4:8

Ko ɓuri fu, jiɗontiree e yidde hebbune, gam yidde e yaafoo hakkeeji ɗuuɗɗi .

Piyer Ɗiɗaɓol 1:7

dow kulol Alla, banniraagu, dow banniraagu, yidde.

Yuhaana Aranol 3:11

Habaru nanuɗon diga fuɗɗoode nani: Jiɗontiren hakkune meeɗen.

Yuhaana Aranol 3:23

Ooda ka o hokki en woni, goonɗinen inne Yeesu *Almasiihu, *Ɓiɗɗo makko, kade bo jiɗontiren hakkune meeɗen hande no o ƴamiri en.

Yuhaana Aranol 4:12

Walaa meeɗuɗo yi'ugo Alla abada. Amma to en jiɗontirii hakkune men, Alla e hawti e meeɗen, yidde makko e hebbi der men.

Yuhaana Aranol 4:20

Bi'uɗo e yiɗi Alla, go e wanyi banniraawo mum laati nun pewoowo. Gam mo yiɗay banniraawo mum ji'eteeɗo, waawataa ko yiɗi Alla mo yi'ataake.

Yuhaana Aranol 4:7

Banniraaɓe am yiɗaaɓe, jiɗontiree, gam yidde ƴiwi e Alla. Gooduɗo yidde fu laati nun ɓinŋel Alla, e anni Alla bo.

Kollitinki 2:4

Amma ko pelan maa mi woni, a accii yidde maa arandeere.