Piyer Aranol 1:20 - Bible Fulfulde Bénin New Testament

²⁰ Alla suɓii mo diga duuniyaaru tagaaka, amma o hollitii mo der jaamanuuji cakitiiɗi gam mooɗon.

Piyer Aranol 1:20 ပူးပေါင်းရင်းမြစ်များ

Matiye 25:34

Den, laamiiɗo wi'an wonuɓe junŋo mum nyaamo: ‟Garee, onon ɓe *Baaba am barkiɗini, jaɓee donŋu laamaare ne ciriyanaɗon diga fuɗɗoode duuniyaaru.

Golle Lilaaɓe 2:23

Neɗɗo on, mo jowanaɗon juuɗe, nunnun Alla resirnoo ɗum e annal mum manŋal, ko accuɗon heeferɓe tiggi mo e palaaŋal, baruɗon mo.

Roma 3:25

Kanko nun Alla laatini sadaka moytoojum hakkeeji goonɗinɓe ƴiiƴam makko. Hande non Alla hollitiri foonnitaare mum e munyal mum dow hakkeeji gaɗanooɗi hiitaaka.

Roma 8:29

Himɓe ɓe Alla anni diga aran, o suɓii ɓe diga fuɗɗoode ɓe nanda e Ɓiyiiko. Den Ɓiyiiko laatoo afo caka banniraaɓe ɗuuɓɓe.

Galaatiya 4:4

Amma no wakkati ki Alla resi hebbi, o lilii Ɓiɗɗo makko. Ɓiɗɗo on rimaama e debbo, o umminaama ley baawɗe tawreeta,

Efesu 1:10

To wakkati warii, Alla hebbinan ko resuno waɗugo, o hawritan ko woni dow kammu e dow leydi fu, o waɗa Almasiihu laatoo hooreejo majjum.

Efesu 1:4

Diga duuniyaaru tagaaka, Alla suɓii en sabbu Almasiihu, gam laatoɗen seniiɓe, ɓe walaa gacce yeeso makko.

Efesu 3:11

Non o resunoo o waɗa diga ɓooyɗum, ko o hebbini ɗum diga e Joomiraawo meeɗen Yeesu Almasiihu.

Efesu 3:9

Mi heɓii bo dokkal faamingo no Alla taguɗo huune fu hebbinirta ko o resuno o waɗa, cuuɗinooɗum diga den.

Koloosi 1:26

Kanjum woni asiiri cuuɗaninooɗo himɓe diga den, der jaamanuuji ɗuuɗɗi, amma jooni, Alla hollitii ɗum himɓe mum.

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Iburaninkeeɓe 1:2

Amma der nyalaaɗe cakittiiɗe ɗee ɗo, o baddii en diga e Ɓiyiiko. E makko Alla tagiri duuniyaaru e kammu. Kanko nun bo Alla suɓi laatoo donoowo huune fu.

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Iburaninkeeɓe 9:26

To hinaa non, Almasiihu toorotono de ɗuuɗɗum diga fuɗɗoode duuniyaaru. Amma jooni, o hollitake de woore tan, der heennyitirde jaamanuuji, gam o ikkina hakkeeji diga e hokkugo yonki makko.

Piyer Aranol 1:2

Alla *Baaba suɓii on hande no o resirnoo, o seni on e *Ruuhu makko, gam ɗowtanoɗon Yeesu Almasiihu, mo ƴiiƴam mum laaɓini on. Alla ɗuuɗinana on moƴƴere e jam!

Yuhaana Aranol 1:2

Yonki kin hollitaama, men ji'ii ki, emen ceedanoo ki. Emen baajoo on haala yonki tabitiiki gonunooki to Alla *Baaba, kanki men kollitaa.

Yuhaana Aranol 3:5

Oon anni *Almasiihu wari gam moytugo hakkeeji, kanko mo walaa hakke.

Yuhaana Aranol 3:8

Gaɗoowo hakke fu laati nun neɗɗo *Ibiliisa, gam Ibiliisa e waɗa hakke diga fuɗɗoode. Gam majjum *Ɓiɗɗo Alla wari gam halka golle Ibiliisa.

Kollitinki 13:8

Himɓe wonuɓe e duuniyaaru, ɓe inɗe mum winnaaka der dewtere yonki diga fuɗɗoode duuniyaaru, sujidanan bisaa ŋan. *Jawgiyel kiisanooŋel nun woodi dewtere nen.