Piyer Aranol 1:2 - Bible Fulfulde Bénin New Testament

² Alla *Baaba suɓii on hande no o resirnoo, o seni on e *Ruuhu makko, gam ɗowtanoɗon Yeesu Almasiihu, mo ƴiiƴam mum laaɓini on. Alla ɗuuɗinana on moƴƴere e jam!

Piyer Aranol 1:2 ပူးပေါင်းရင်းမြစ်များ

Matiye 24:22

To nyalaaɗe ɗen ɓuytaakano juutugo, goɗɗo hisataano. Amma Alla ɓuytii ɗe sabbu suɓaaɓe mum.

Matiye 24:24

Gam almasiihuuɓe e annabiiɓe fewrekuuɓe waraan. Ɓe gaɗan kaayeefiiji mawɗi, e haaynaareeji ɗuuɗɗi, gam ɓe majjina baa e suɓaaɓe, to waɗoto.

Matiye 24:31

Walaldu mawnu fuurete. O lilan malaykaaɓe makko der gooraaje leydi naay, lettugal e gorgal, soɓɓiire e hoore fuɗo, gam hawritingo suɓaaɓe makko wonuɓe der duuniyaaru fu.

Marku 13:20

To Joomiraawo ɓuytayno nyalaaɗe ɗen, baa goɗɗo daɗataano, amma sabbu suɓaaɓe makko, o ɓuytii ɗe.

Marku 13:22

Gam almasiihuuɓe fewrekuuɓe e annabiiɓe fewrekuuɓe waran, ɓe gaɗa kaayeefiiji e haaynaareeji, ɓe majjina baa e suɓaaɓe, to ɓe baawi.

Marku 13:27

O lilan malaykaaɓe makko ɓe kawrita suɓaaɓe makko fu diga gooraaje leydi naay, diga haggoode duuniyaaru, faa haggoode kammu .»

Luka 18:7

Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na?

Golle Lilaaɓe 15:18

diga fuɗɗoode, wi'i ”.»

Golle Lilaaɓe 2:23

Neɗɗo on, mo jowanaɗon juuɗe, nunnun Alla resirnoo ɗum e annal mum manŋal, ko accuɗon heeferɓe tiggi mo e palaaŋal, baruɗon mo.

Golle Lilaaɓe 20:32

«Jooni, mi halfinii on e juuɗe Alla, mi halfinii on e der haala moƴƴere makko baawoowa mawningo on, hokka on geɗu, caka cuɓaaɓe makko fu.

Roma 1:5

Diga e makko keɓumi moƴƴere laataago lilaaɗo, gam mi waɗa himɓe caka lenyi fu goonɗina mo, ɗowtanoo mo, ɓe teddina inne makko.

Roma 1:7

Mii sanna on on fu, onon wonɓe Roma, yiɗaaɓe Alla, seniiɓe ɓe o noddi. Alla *Baaba meeɗen, e Joomiraawo meeɗen Yeesu *Almasiihu, hokka on moƴƴere e jam.

Roma 11:2

Alla woppay himɓe muuɗum ɓe o suɓi diga fuɗɗoode. Oon anni ko Dewtere bati wakkati annabi Eliya wullani Alla gam Isira'iilaaɓe, e wi'a:

Roma 11:28

Dow wecco *linjiila *Yahuduuɓe laatake ɓe Alla wanyi, gam mooɗon. Amma dow wecco cuɓol Alla, ɓe laati nun yiɗaaɓe gam kaakiraaɓe maɓɓe.

Roma 15:16

O waɗii am gollantooɗo Yeesu *Almasiihu caka ɓe lenyi janani. Mii golloo hande *Limaamiijo. Mii waajoo ɓe lenyi janani *linjiila gam ɓe laatoo sadaka belanka Alla, ka *Ruuhu Ceniiɗo laaɓini.

Roma 16:19

Amma onon, himɓe fu e anni habaru ɗowtaare mooɗon. Gam majjum mii seyorii on. Amma mii yiɗi laatoɗon hakkilɓe dow waɗugo ko wooɗi, laatoɗon bo laaɓuɓe dow waɗugo ko halli.

Roma 16:26

Amma jooni ɗum hollitake. Dewte annabiiɓe e seedoo ka. Alla tabitiiɗo batii ka anninee himɓe lenyi janani fu, gam ɓe goonɗina, ɓe ɗowtoo.

Roma 8:13

To oon tokki jiɗaaɗi ɓannu, on maayan. Amma to on barii ɗi diga e *Ruuhu Alla, on buuran.

Roma 8:33

Moy nun gaccoto ɓe Alla suɓi? Walaa! Gam Alla nun laatinta ɓe foonnitiiɓe!

Korintu Aranol 1:30

Kanko hawti en e Yeesu *Almasiihu, go Yeesu laatanii en annal Alla, der makko keɓuɗen gooŋaaku e laaɓineego e rinɗineego diga hakke.

Korintu Aranol 6:11

Woɓɓe mooɗon laatakeno hande non, amma jooni on lootaama, cenaɗon, on laatinaama foonnitiiɓe e baawɗe inne Joomiraawo meeɗen Yeesu *Almasiihu, e *Ruuhu Alla meeɗen.

Korintu ɗiɗaɓol 10:5

e mawnitaare fu, haɗoore himɓe annugo Alla. Emen baylita miilooji himɓe fu, men bittinaa ɗi, ɗi ɗowtanoo Almasiihu.

Koloosi 3:12

Alla suɓii on laatini on himɓe mum yiɗaaɓe. Gam majjum, goodee yurmeene mawne, e neɗɗaaku, e ɓuytugo hoore, e ɗiggere, e munyal.

Tesalonika Ɗiɗaɓol 2:13

Banniraaɓe, yiɗaaɓe Joomiraawo, menen, doole men jetta Alla wakkati fu gam mooɗon. Alla suɓii on diga fuɗɗoode, gam kison diga e *Ruuhu Ceniiɗo laaɓinɗo on, gam on goonɗinii gooŋa.

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Iburaninkeeɓe 10:22

Gam majjum, en ɓattee Alla e ɓerɗe goote, e goonɗinki kebbuki, laatoo ɓerɗe meeɗen laaɓinaama e ko gaccotoo en, ɓalli men lootiraama e diyam ceniiɗam.

Iburaninkeeɓe 11:28

Diga e goonɗinki, o waɗiri juulɗe *Paska, o wi'i, ƴiiƴam miccee e dammuɗe gam to malaykaajo maayde meema afuɓe Isira'iila.

Iburaninkeeɓe 12:24

On garii to Yeesu beldinɗo himɓe e Alla der alkawal kesal, e to ƴiiƴam mum miccaaɗam, ɓuruɗam ɗam Habiila.

Iburaninkeeɓe 5:9

Alla laatinii mo kebbuɗo, gam majjum o laatanii ɗowtaniiɓe mo fu daliila kisidam tabitiiɗam.

Piyer Aranol 1:14

Laatee hande sukaaɓe ɗowtiiɓe, to on tokkee suunooji mon ɗi gonnoɗon der muuɗum wakkati on annaano Almasiihu.

Piyer Aranol 1:19

On cooditiraama e ƴiiƴam *Almasiihu tedduɗam, Almasiihu nanduɗo e jawgiiri ni walaa elande, ni walaa tuuni.

Piyer Aranol 1:20

Alla suɓii mo diga duuniyaaru tagaaka, amma o hollitii mo der jaamanuuji cakitiiɗi gam mooɗon.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.

Piyer Aranol 2:9

Amma onon, on laati nun lenyol cuɓaaŋol, on limaamiiɓe gollantooɓe Laamiiɗo, on himɓe lenyol ceniiŋol, on himɓe ɓe o suɓani hoore makko, gam baajoɗon haala golle makko geete. Kanko woni nodduɗo on, wurtini on der niwre, yaari on der jaygol mum kayniiŋol.

Piyer Ɗiɗaɓol 1:2

Alla ɗuuɗinana on moƴƴere e jam gam oon anni mo, kanko e Joomiraawo meeɗen Yeesu.

Yuhaana Ɗiɗaɓol 1:1

Min *dottiijo, winni ɗerewol ŋol, mi winnanii maa an debbo mo Alla suɓi. Mi sannii maa an e ɓiɓɓe maa fu, onon ɓe jiɗum der gooŋa. Min tan bane yiɗi on, annuɓe gooŋa fu e yiɗi on,

Yuhaana Ɗiɗaɓol 1:13

Sukaaɓe miiraawo maa mo Alla suɓi sannii maa.

Yahuuda 1:2

Alla ɗuuɗinana on enɗam e jam, e yidde!