Piyer Aranol 1:10 - Bible Fulfulde Bénin New Testament

¹⁰ Annabiiɓe waɗii annabaaku dow moƴƴere ne desanaɗon, ɓe dartii, ɓe biɗitii gam faamugo haala kisidam ɗam.

Piyer Aranol 1:10 ပူးပေါင်းရင်းမြစ်များ

Matiye 13:17

E gooŋa batanmi on, annabiiɓe ɗuuɓɓe, e foonnitiiɓe ɗuuɓɓe yiɗiino yi'a ko ji'oton, amma ɓe ji'ay. Ɓe jiɗiino ɓe nana ko nanoton, amma ɓe nanay.»

Matiye 26:24

E gooŋa *Ɓii neɗɗo dillan hande no Dewte bati dow makko. Amma bone woodani jammiiɗo mo! To o rimaakano, ɗum ɓurananno mo wooɗugo.»

Luka 10:24

Gam mii bata on, annabiiɓe e laamiiɓe ɗuuɓɓe yiɗii yi'ugo ko ji'oton ɗo, amma ɓe ji'ay ɗum, ɓe jiɗii nanugo ko nanoton, amma ɓe nanay ɗum.»

Luka 24:44

O wi'i ɓe: «Nani ka batunoomi on wakkati gondunoomi e mon: ‟Ko bataa dow am der dewte Muusa, e der dewte annabiiɓe, e der Jabuura fu, e haani hebba.”»

Yuhaana 5:39

Oon biɗitoo Dewte gam oon miiji ɗe kokkan on yonki tabitiiki. Kanje seedantoo am.

Yuhaana 7:52

Ɓe bi'i mo: «An bo a Galilinkeejo na? Wiɗita Dewte, a yi'an walaa annabiijo ƴiwuɗo *Galili.» [

Golle Lilaaɓe 10:43

Annabiiɓe fu batii haala makko, ‟wi'i goonɗinɗo mo fu heɓan yaafuye hakkeeji muuɗum sabbu inne makko”.»

Golle Lilaaɓe 17:11

Ɓee ton e ɓuri Yahuduuɓe wonɓe Tesalonika neɗɗaaku. Ɓe jaɓii haala kan e ɓerɗe belɗe, ɓee biɗitoo Dewte nyalaane fu, gam ɓe daara to ka Pol waajii ɓe e laatii gooŋa.

Golle Lilaaɓe 28:23

Ɓe taƴani mo nyalaane ɓe bittoyta. No nyalaane nen yottii, ɗuuɓɓe wari, hawriti wuro to o weeri. Diga subaka faa kiikiiɗe oo waajoo ɓe haala *Laamaare Alla. Tawreeta Muusa e dewte annabiiɓe o etti o durwiri no o waawiri fu gam ɓe goonɗina Yeesu.

Golle Lilaaɓe 7:52

Annabiijo moy woni mo kaakiraaɓe mooɗon tooray? Ɓe barii artunooɓe batugo haala garki Gooŋaajo, kanko jammiɗon baruɗon ɗum jooni.

Iburaninkeeɓe 11:13

Der goonɗinki ɓe fu, ɓe maayi. Ɓe keɓay ko Alla haɓɓani ɓe alkawal. Amma ɓe ji'ii ɗum, ɓe ceyorii ɗum diga woɗɗi. Den ɓe bati no kamɓe ɓe laati nun hoɓɓe e jananɓe der duuniyaaru.

Iburaninkeeɓe 11:40

gam Alla e yiɗi hokkugo en ko ɓuri wooɗugo, heɓa to ɓe jottoo to kebbuɗum woni hinaa e men.

Piyer Aranol 1:11

*Ruuhu *Almasiihu gonɗo der maɓɓe, hollii ɓe ɗum diga wakkati majjum waray, o sappake ɓe tooraaji Almasiihu, e tedduŋal ɗi ŋal waddata. Annabiiɓe ɓen dartii faamugo dey ɗum waɗata, e no ɗum waɗirta.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.