Piyer Aranol 1:1 - Bible Fulfulde Bénin New Testament

¹ Min Piyer lilaaɗo Yeesu *Almasiihu winnani on, onon ɓe Alla suɓi laatiiɓe hoɓɓe e sankitii der leyɗe ɗee ɗo: Pontus e Galaatiya e Kapadosiya e Asiya e Bitiniya.

Piyer Aranol 1:1 ပူးပေါင်းရင်းမြစ်များ

Matiye 10:2

Inɗe *lilaaɓe sappo e ɗiɗo ɓen woni: Simon noddeteeɗo Piyer, e minyum Andere. Yaakuuba ɓii Jebede, e minyum Yuhaana.

Matiye 24:22

To nyalaaɗe ɗen ɓuytaakano juutugo, goɗɗo hisataano. Amma Alla ɓuytii ɗe sabbu suɓaaɓe mum.

Matiye 4:18

No Yeesu woosotoo takkol fonŋo maayo *Galili, o yi'i suuɓotooɓe liƴƴi ɗiɗo, Simon, noddeteeɗo Piyer, e minyum Andere, e faɗɗa taaruuji mum der maayo.

Luka 18:7

Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na?

Yuhaana 11:52

Leydi nin tan bane haani o maayana, amma gam o hawrita ɓiɓɓe Alla sankitiiɓe fu laatoo jama'aare woore.

Yuhaana 7:35

*Yahuduuɓe ƴamontiri, wi'i: «Toy o yahata ko en baawataa ko yiiti mo? O yahan to himɓe meeɗen feroyɓe to Yunaninkeeɓe,* o janŋina Yunaninkeeɓe na?

Golle Lilaaɓe 18:2

O tawi ton *Yahuduujo bi'eteeɗo Akilas, neɗɗo leydi bi'eteeni Pontus. Ɓooyay gorko on e debbo muuɗum Pirisilla ƴiwi Itali, gam Kalawdiyus laamiiɗo resiino Yahuduuɓe fu wurto Roma . Pol yahi to maɓɓe.

Golle Lilaaɓe 18:23

No o waɗi ton balɗe seɗɗa, o witti o woosoy leydi Galaatiya e leydi Firigiya, oo semmiɗina goonɗinɓe fu.

Golle Lilaaɓe 19:10

Ɗum waɗii nunnun duuɓi ɗiɗi, faa wonɓe Asiya, diga Yahuduuɓe e ɓe lenyi janani fu, nani haala Joomiraawo.

Golle Lilaaɓe 6:9

Amma woɓɓe der waajorde wi'eteene waajorde rinɗinaaɓe, e ƴiwɓe Sirene e Aleksandiriya e Silisiya e Asiya, ummii e yeddontira e Etiyen,

Golle Lilaaɓe 8:4

Cankitinooɓe ɓen e woosoo e waajoo *linjiila.

Korintu Aranol 16:19

Himɓe eklesiyaaji leydi Asiya fu sannii on. Akilas e Pirisikiila, e goonɗinɓe Yeesu hawritintooɓe der wuro maɓɓe fu e sanna on sanne e inne Joomiraawo.

Korintu ɗiɗaɓol 1:8

Banniraaɓe, emen jiɗi anningo on tooraaji ɗi men keɓi der leydi Asiya. Tooraaji ɗin sattii faa yiɗi ɓura semme amen. Men miilayno du wonaago e yonki.

Galaatiya 1:2

Min e banniraaɓe wonduɓe e am fu, emen binnana on ɗerewol ŋol, onon himɓe eklesiyaaji leydi Galaatiya.

Efesu 2:12

Wakkati mum, on goodaano *Almasiihu, on kawtaano e Isira'iilaaɓe, on galaano der alkawalji ɗi Alla haɓɓuno. On keɗaakino goɗɗum yeeso, on goodaano bo Alla der duuniyaaru.

Efesu 2:19

Hande non, on laataaki kade hoɓɓe, ɗum bo jananɓe. On laatodake ɓe genni goori e himɓe Alla, oon himɓe wuro Alla.

Timote Ɗiɗaɓol 1:15

Aa anni, himɓe leydi Asiya fu accii am, Figelus e Hermogenes na'on der maɓɓe.

Iburaninkeeɓe 11:13

Der goonɗinki ɓe fu, ɓe maayi. Ɓe keɓay ko Alla haɓɓani ɓe alkawal. Amma ɓe ji'ii ɗum, ɓe ceyorii ɗum diga woɗɗi. Den ɓe bati no kamɓe ɓe laati nun hoɓɓe e jananɓe der duuniyaaru.

Yaakuuba 1:1

Ɗerewol ŋol ƴiwii e am, min Yaakuuba, maccuɗo Alla e maccuɗo Yeesu *Almasiihu Joomiraawo, yahugo e lenyi sappo e ɗiɗi cankitiiɗi nokkuuje fu, jam wona e mon!

Piyer Aranol 2:11

Banniraaɓe am yiɗaaɓe, on laati nun hoɓɓe e jananɓe. Gam majjum mii eela on, boɗɗodee jiɗaali ɓannu dartooji halka yonkiiji mooɗon.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.

Kollitinki 1:11

Daane nen e wi'a: "Ko ji'ataa, winnu ɗum der ɗerewol, lildaa eklesiyaaji jeeɗiɗi ɗii ɗo: Efesu e Samirna e Pergamu e Tiyatira, e Sardis, e Filadelfiya e Lawdikiya."