Marku 9:31 - Bible Fulfulde Bénin New Testament

³¹ gam oo janŋina aahiiɓe makko, oo wi'a: «*Ɓii neɗɗo wattete e juuɗe himɓe, ɓe bara mo, amma balɗe tati ɓaawo maayde makko, o fintan.»

Marku 9:31 ပူးပေါင်းရင်းမြစ်များ

Matiye 16:21

Diga wakkati mum, Yeesu fuɗɗi faamingo aahiiɓe mum wi'i e haani o yaha *Urusaliima. Ton dottiiɓe e *limaamiiɓe, e *moodiɓɓe tawreeta tooroyta mo puy, ɓe bara mo. Amma nyalaane tatawre, o fintan.

Matiye 20:28

Hande non, *Ɓii neɗɗo waray gam jagganeego, amma, jagganaago himɓe waddi mo, o hokkitira yonki makko gam sooditaago ɗuuɓɓe.»

Matiye 26:2

«Oon anni balɗe ɗiɗi nun horii go *juulɗe Paska waɗa, *Ɓii neɗɗo bo wattete e juuɗe himɓe, ɓe tigga mo dow *leggal palaaŋal.»

Matiye 27:63

Ɓe bi'i mo: «Joomiraawo, men ciwtorii pewoowo on batiino diga e wuuri, wi'i, fintan nyalaane tatawre.

Marku 10:34

Ɓe jaancan mo, ɓe tuuta mo joode, ɓe piya mo looci, ɓe bara mo. Amma ɓaawo balɗe tati, o fintan.»

Marku 8:31

O fuɗɗi janŋingo ɓe o wi'i: «Doole *Ɓii neɗɗo tooree tooraaji ɗuuɗɗi, *dottiiɓe e hooreeɓe *limaamiiɓe e *moodiɓɓe tawreeta woppan mo, o waree, ɓaawo balɗe tati o finta.»

Marku 9:12

O toontii ɓe o wi'i: «Gooŋa nun, Eliya artan wara taw, moƴƴina huune fu. Den ume waɗi ko Binni Ceniini e wi'a: ‟*Ɓii neɗɗo toorete tooraaji ɗuuɗɗi, o yawnee?”

Luka 24:26

Haanay *Almasiihu tooroo hande nun den o naata der tedduŋal makko na?»

Luka 9:44

«Onon, nanee ka batanmi on faa wooɗa: *Ɓii neɗɗo wattoyte der juuɗe himɓe.»

Yuhaana 10:18

Goɗɗo ittantaa am ki, min hokkata ki e hoore am. Mii woodi baawɗe hokkitirgo ki, mii woodi bo baawɗe heɓitaago ki. Ooda kaa ɗon keɓumi e Baaba am.»

Yuhaana 2:19

Yeesu toontii ɓe, wi'i: «Pusee suudu Alla ŋol ɗo, mi mahitinto ŋol der balɗe tati.»

Yuhaana 3:14

Hande no Muusa ɓiliri boddi janni dow leggal der ladde haro, hande non Ɓii neɗɗo bo ɓilirtee,

Timote Ɗiɗaɓol 2:12

To en munyanii tooraaji, en laamodoto e makko bo, to en calike mo, kanko bo o saloto en.