Marku 8:34 - Bible Fulfulde Bénin New Testament

³⁴ Ɓaawo majjum, o noddi jama'aare e aahiiɓe makko, o wi'i ɓe: «Jiɗɗo tokkugo am fu, acca miilango hoore mum, etta palaaŋal mun, tokkanmi .»

Marku 8:34 ပူးပေါင်းရင်းမြစ်များ

Matiye 10:38

Mo ettay leggal mum palaaŋal tokkimmi, joomum fotay laataago mo am.

Matiye 16:24

Den Yeesu wi'i aahiiɓe mum: «Jiɗuɗo tokkugo am fu, acca miijaanaago hoore mum, etta leggal mum palaaŋal, tokkammi. ,

Matiye 27:32

No ɓe burtoto siire, ɓe potti e gorko bi'eteeɗo Simon mo Sirene. Soogeeji dooli mo o roono *leggal Yeesu palaaŋal.

Marku 10:21

Ɗon Yeesu daari mo, yiɗi mo, wi'i: «Huune woore tan jaccu maa: Yahu sippu ko gooduɗaa fu, kokkaa ceede mum talakaaɓe. Den a heɓan jawdi dow kammu, ɓaawo mum, garaa tokkaa am.»

Marku 7:14

Ɓaawo majjum, Yeesu nodditii jama'aare, wi'i ɓe: «Kettinanee am on fu, paamon:

Luka 13:24

«Tinnee, naatiron dammugel ŋel yaajaa, gam mii bata on, himɓe ɗuuɓɓe daartan naatugo, amma ɓe baawataa.

Luka 14:33

Hande nun bo, goɗɗo mon waawataa ko laatii aahiijo am, to joomum wanyay ko woodi fu.

Luka 18:22

No Yeesu nani ka wi'i mo: «Gootum tan jaccu maa, sippu jawdi maa fu, ceennanaa talakaaɓe ceede mum, den mum, a heɓan jawdi gonni der kammu, ɓaawo mum garaa tokkaa am.»

Luka 20:45

Den himɓe fu e hettinanii Yeesu, go o bati aahiiɓe makko o wi'i:

Luka 9:23

O bati ɓe kade ɓe fu o wi'i: «To goɗɗo e yiɗi yaadugo e am, joomum acca miijanaago hoore mum, etta palaaŋal mum nyalaane fu, tokkanmi.

Yuhaana 10:27

Baali am e nana daane am. Mii anni ɗi, ɗii tokkimmi.

Yuhaana 19:17

O wurtii oo roonii palaaŋal makko faa o yottii nokkuure noddeteene «Le'al hoore» e ne wi'e e Iburaninkeere: «Golgota.»

Golle Lilaaɓe 14:22

ɓee cemmiɗina ɓerɗe goonɗinɓe, ɓe baajii ɓe ɓe daroo der goonɗinki, ɓe bi'i: «Sey e tooraaji ɗuuɗɗi naatirten *Laamaare Alla.»

Roma 6:6

Een anni jikku meeɗen kiinŋu tiggidaama e makko dow *leggal palaaŋal. Ɗum waɗaama, heɓa ɓannu meeɗen hakkewol halka, gam to en laatoo kade maccuɓe hakke.

Roma 8:17

To een laatii ɓiɓɓe Alla, en donan ko Alla resani himɓe mum. En donidan ɗum e *Almasiihu. To en toorodike e makko, en donidan bo tedduŋal e makko.

Korintu Aranol 15:31

Banniraaɓe, nyalaane fu der hunnuko maayde nun gonumi. Amma e nun fu mii juroro on gam daliila kawtal mooɗon e Joomiraawo meeɗen Yeesu *Almasiihu.

Korintu Aranol 8:13

Gam majjum to nyaamdu nun doƴƴata banniraawo am, mi ƴakkataa kade tew abada, gam to mi doƴƴu mo.

Korintu Aranol 9:19

Mii dimo dow himɓe fu, amma mi laatinii hoore am jaggantooɗo himɓe fu, gam mi heɓana *Almasiihu ɗuuɓɓe maɓɓe.

Galaatiya 2:20

Min bane wuurata, Almasiihu nun wuuri der am. Guurnam ɓannu buuranmi jooni, e goonɗinki *Ɓiɗɗo Alla nun buuranmi, kanko jiɗɗo am faa hokkitiri hoore mum gam am.

Galaatiya 5:24

Laatiiɓe ɓe Yeesu *Almasiihu tiggii ɓalli mum e jiɗaaɗi yonki, e suuno mum fu dow *leggal palaaŋal.

Galaatiya 6:14

Min kan, mi jurortaako goɗɗum to hinaa leggal Joomiraawo meeɗen Yeesu Almasiihu palaaŋal. Diga e maggal duuniyaaru tiggaa gam am, min bo tiggaami gam mayru.

Filippi 3:10

Min kan, sago am woni annugo Almasiihu e baawɗe pintol mum, mi heɓa geɗu am der toora makko faa mi nanda mo der maayde makko,

Filippi 3:7

Ɗum ɗon fu daarunoomi hande riiba, amma jooni mi daarii ɗum baanji gam Almasiihu.

Koloosi 1:24

Jooni, ɓerne am e weli gam tooraaji ɗi keɓammi gam mooɗon. Hande non, kebbiniranmi ko horii der tooraaji *Almasiihu gam ɓannu mum, laatiiŋol eklesiya makko.

Koloosi 3:5

Gam majjum, baree suunooji duuniyaaru gonuɗi der mooɗon, hande jon, baadi jayni, e coɓuɗum, e yidde baanjaare, e suunooji kalluɗi, e suuno woodugo huune fu. Ɗum ɗon fu, laati nun caafol tooruuje.

Tesalonika Ɗiɗaɓol 3:11

Gam men nani woɓɓe caka mon yiɗaa gaɗaaŋal, sey naatugo haalaaji ɗi yaalay ɗum.

Titus 2:12

Moƴƴere nen e ekkitina en accen wonaago der dullere kulol Alla, e suunooji duuniyaaru. Nee ekkitina en bo laatoɗen hakkilɓe, e foonnitiiɓe, e hulooɓe Alla der duuniyaaru nuu ɗo.

Iburaninkeeɓe 13:13

To non, en burtee taween mo yaasi wanŋarde, jaɓen senteene ne o sentinaa!

Piyer Aranol 4:1

*Almasiihu yarii bone der ɓannu muuɗum, onon bo goodee iri miilooji ɗin. Jaruɗo bone der ɓannu muuɗum seedi e hakke.

Piyer Aranol 4:13

Amma to oon kawti e *Almasiihu der toora mum, ceyee oon belbelta booɗum to tedduŋal makko suppitoyke.

Piyer Ɗiɗaɓol 1:14

Gam mii anni mi ɓooyataa e duuniyaaru ɗo kade, hande no Joomiraawo meeɗen Yeesu *Almasiihu anninirinmi ɗum.

Yuhaana Aranol 3:16

No annitirɗen ko woni yidde nun, *Almasiihu hokkitirii yonki mum gam meeɗen. To nun enen bo, e haani kokkitiren yonkiiji meeɗen gam banniraaɓe men.

Kollitinki 2:10

Taa hulu toora ɓadiika tawugo maa. Daa Seyɗan maɓɓan woɓɓe mon der kasu, gam poonneɗon, on toorete faa balɗe sappo. Laata koolaaɗo faa maayde, mi hokkete keɓal jaalorgal, waato yonki.