Marku 8:12 - Bible Fulfulde Bénin New Testament

¹² Yeesu uumi der der, wi'i: «Gam ume waɗi ko himɓe hanne e daarta holleego maane? Mii bata on e gooŋa: on keɓataa maane gom!»

Marku 8:12 ပူးပေါင်းရင်းမြစ်များ

Matiye 12:38

Ɓaawo majjum, woɓɓe der *moodiɓɓe tawreeta e *Farisaaɓe, wi'i Yeesu: «Moodibbo, emen jiɗi gaɗanaa men kaayeefi.»

Matiye 16:4

Himɓe jaamanuuru hallunu, coɓuɓe, e daarta kaayeefi. Ɓe ji'ataa kaayeefi gom, to hinaa kaayeefi Yonas.» Ɓaawo majjum, o acci ɓe, o yawti.

Marku 3:5

Yeesu daari ɓe e mone, yoorugo ko'e maɓɓe biisi ɓerne makko, o wi'i gorko on: «Foortu junŋo maa!» O foorti ŋo, ŋo yanɗiti.

Marku 6:6

Haynaare waɗi mo sabbu dullere goonɗinki maɓɓe. Ɓaawo mum, Yeesu e woosito der genniije piiltitiiɗi ton, oo janŋina.

Marku 7:34

Ɓaawo majjum, o tiggitii dow, o uumi, o wi'i paho on: «Efata! Kan woni sukkita!»

Marku 8:13

Ɓaawo majjum, o acci ɓe, o naati laana diyam, o joli fonŋo far to.

Marku 9:19

Yeesu wi'i ɓe: «Onon ɓe galaa goonɗinki! Faa dey gondanmi e mooɗon? Faa dey munyananmi on? Gaddanee am suka on!»

Luka 19:41

No Yeesu faanii *Urusaliima, holliri ni, o wulli gam mayri,