Marku 6:51 - Bible Fulfulde Bénin New Testament

⁵¹ O naati laana kan, o tawi ɓe, ko hennu kol darii. Ɓe jiɓii sanne.

Marku 6:51 ပူးပေါင်းရင်းမြစ်များ

Matiye 8:10

No Yeesu nani ka, haaynaare nanŋi ɗum, wi'i tokkuɓe ɗum: «E gooŋa batanmi on, mi yi'ay iri goonɗinki kii ɗo dow goɗɗo, baa der Isira'iilaaɓe.

Marku 1:27

Jama'aare fu haaynaare nanŋi ɗum, e ƴamontira: «Ume nun ɗum ɗon? Janŋinol kesol nun. Oo umura e baawɗe baa e ginnaaji eɗi ɗowtanoo mo.»

Marku 2:12

Ɗon maa ɗon gorko on ummii etti daago mum, hooti. Himɓe fu darii e daara mo, ɓe fu haaynaare nanŋi ɓe, ɓee jetta Alla, ɓee bi'a: «Men meeɗay ko yi'i hande ɗum ɗo abada.»

Marku 4:39

O ummii, o falmi hennu kol, o wi'i: «Jeeɗa, maayo bo, deƴƴu.» Hennu kol deƴƴi, jam mawɗo waɗi.

Marku 4:41

Ɓe kuli kulol cattuŋol ɓe bi'ontiri: «Moy nun iri gorko oo ɗo, faa hennu e maayo fu e ɗowtanoo mo?»

Marku 5:42

Ɗon maa ɗon suka on ummii e yaha. Duuɓi makko waɗii sappo e ɗiɗi. Himɓe ɓen haaynaare nanŋi ɗum sanne.

Marku 6:32

Ɓe jahi ɓe naatoy laana diyam, kamɓe tan feere maɓɓe, ɓe jawti far ladde.

Marku 7:37

Haynaare waɗi ɓe puy, ɓee bi'a: «Golle makko fu e wooɗi. Oo waɗa pahiɗinɓe nana, muumiɗinɓe bo bata.»

Yuhaana 6:21

Ɓe eeli mo o naata e laana kan. Ɗon maa ɗon ɓe jottii fonŋo to ɓe poonnii.