Marku 6:14 - Bible Fulfulde Bénin New Testament

¹⁴ *Eroodu, laamiiɗo, nani haala Yeesu e batee, gam inne Yeesu walaa fu to yahay. Woɓɓe e wi'a Yuhaana gaɗoowo *batisi nun finti, kan waɗi oo woodi baawɗe waɗugo haaynaareeji.

Marku 6:14 ပူးပေါင်းရင်းမြစ်များ

Matiye 9:31

Amma no ɓe burtii, ɓe jahi ɓee cankita habaru makko der leydi nin fu.

Marku 1:28

Ɗon maa ɗon habaru makko sankitii der leydi Galili fu.

Marku 1:45

Amma kanko, o yawti, o yahi oo sankita habaru ko mo waɗanaa. Ɗum waɗi faa Yeesu waawataa naata genni gom himɓe e yi'a ɗum, o darii ladde, himɓe ƴiwi nokkuuje fu e wara to makko.

Marku 8:28

Ɓe toontii mo, ɓe bi'i: «Woɓɓe e wi'a Yuhaana gaɗoowo batisi nun, woɓɓe bo e wi'a annabi *Eliya nun, woɓɓe e wi'a kade, gooto der annabiiɓe nun.»

Luka 13:31

Wakkati mum *Farisaaɓe woɓɓe wari to Yeesu, wi'i mo: «Dillu diga ɗo, yahu nokkun, gam *Eroodu e yiɗi warugo ma.»

Luka 3:1

Wakkati Tiber, laamiiɗo Roma waɗi duuɓi sappo e joy der laamaare, Ponsu Pilaatu e laatii hooreejo leydi Yahudiya. *Eroodu bo e laatii hooreejo leydi Galili, mawniiko Filippu e laatii hooreejo Ituriya e Tarakonitis, go Lisaniyaasi e laatii hooreejo Abilenu.

Luka 7:17

Habaru Yeesu sankitii der Yahudiya e der ci'on piiltitiikon ton fu.

Luka 9:19

Ɓe toontii mo: «Woɓɓe e wi'a, an woni Yuhaana gaɗoowo batisi, woɓɓe bo e wi'a, an woni Eliya, woɓɓe bo e wi'a, annabiiɓe arandeeɓe gom nun gooto mum fintii.»

Tesalonika Aranol 1:8

diga to mooɗon haala Joomiraawo sankitii hinaa der leydi Maseduwaan e Akaya tan. Amma habaru goonɗinki mooɗon dow Alla sankitake toy fu, faa doole bane men batana ki.

Iburaninkeeɓe 2:4

Alla semmiɗinii seedaaku maɓɓe e waɗugo maaneeji, e kaayɗiniiɗum, e kaayeefiiji feere feere. Alla hollitii ɗum bo e seennango ɓe *Ruuhu Ceniiɗo hande no o yiɗiri.