Marku 5:7 - Bible Fulfulde Bénin New Testament

⁷ o halɓi e semme, o wi'i: «Yeesu, *Ɓiɗɗo Alla mo dow, ume jiɗuɗaa waɗugo am? Mi eelee gam Alla, taa tooram!»

Marku 5:7 ပူးပေါင်းရင်းမြစ်များ

Matiye 16:16

Simon Piyer toontii mo, wi'i: «An woni *Almasiihu, *Ɓiɗɗo Alla yonkinteejo.»

Matiye 26:63

Amma Yeesu toontaaki gokka. Hooreejo limaamiiɓe on wi'i mo: «Mii eele e inne Alla yonkinteejo, batu men to an nun woni *Almasiihu, *Ɓiɗɗo Alla.»

Matiye 4:3

Ɗon Jarbotooɗo on ɓattii mo, wi'i: «To a laati nun *Ɓiɗɗo Alla, batu kaaƴe ɗee ɗo waylitoo peen.»

Matiye 8:29

Ɓe darii ɓee bata e semme, ɓee bi'a: «An *Ɓiɗɗo Alla, ume jiɗuɗaa waɗugo men? A warii ɗo gam tooraa men diga wakkati waɗay na?»

Marku 1:24

wi'i: «Yeesu mo Nasaratu, ume faali maa e amen? A warii gam halkugo men na? Mii anni mo laatiɗaa, a laati nun ceniiɗo, ƴiwuɗo to Alla!»

Marku 14:61

Amma oo jeeɗi, o toontaaki gokka. Hooreejo limaamiiɓe on ƴamitii mo kade, wi'i: «An woni *Almasiihu *Ɓiɗɗo Alla Barkiɗinaaɗo na?»

Marku 3:11

Wakkati on to wooduɓe ginnaaji yi'i mo, jiccoto nun e bata e semme e wi'a: «An a laati nun *Ɓii Alla!»

Marku 5:6

No o hollirii Yeesu, o doggoy, o sujidani ɗum,

Marku 5:8

O batii ka gam Yeesu wi'ii: «An ginnool bonkol, wurta e makko.»

Luka 1:32

O laatoto mawɗo, o noddete *Ɓiɗɗo Alla Towuɗo. Alla Joomiraawo hokkan mo laamaare maamiiko Dawda.

Luka 4:34

«O wi'i hey! Ume jiɗanɗaa men an Yeesu Nasaratuujo? A warii gam kalkaa men na? Mii anni mo laatiɗaa, a laati nun Ceniiɗo ƴiwuɗo to Alla!»

Luka 6:35

Amma, jiɗee wayɓe mon, gaɗanee ɓe geetum, nyallee ɓe, to on miijee yoɓiteego. On keɓan joddi mawni, on laatoto ɓiɓɓe Alla Towuɗo, gam kanko oo moƴƴana ɓe annaa gaɗu e halluɓe.

Luka 8:28

No o yi'i Yeesu, o huuɓi, o yani ley koyɗe mum o bati e semme o wi'i: «Ume jiɗuɗaa waɗango am, an Ɓiɗɗo Alla Towɗo? Mii sawrinee taa tooram!»

Yuhaana 20:31

Ɗii ɗo winnaama gam goonɗinon Yeesu laati nun Cuɓaaɗo, *Ɓii Alla, gam to on goonɗinii mo, keɓon yonki sabbu makko.

Golle Lilaaɓe 16:17

O tokki men, menen e Pol, oo bata e semme oo wi'a: «Himɓe ɓee ɗo laati nun gollanooɓe Alla mo dow, ɓee baajoo on laawol kisinoowol.»

Golle Lilaaɓe 19:13

*Yahuduuɓe woɓɓe woositintooɓe e riiwa ginnaaji, daarti wurtinirgo ɗi e inne Yeesu Joomiraawo, wi'i: «E inne Yeesu mo Pol waajoto haala muuɗum, burtee!»

Golle Lilaaɓe 8:36

Ɓe tokki laawol maɓɓe faa ɓe jottii diyam. Semmenteejo on wi'i: «Diyam nani! Ko haɗatanmi waɗeego *batisi?» [

Roma 16:20

Alla kokkoowo jam muunyitan *Seyɗan yeeso seɗɗa ley koyɗe mooɗon. Moƴƴere Joomiraawo meeɗen Yeesu wonda e mooɗon!

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Iburaninkeeɓe 7:1

Malkisadaka on laati nun laamiiɗo siire wi'eteene Salaam. Oo laatii bo *Limaamiijo Alla towuɗo. Wakkati Iburahiima wartata diga konu ŋu o jaalii laamiiɓe, den Malkisadaka fotti e makko, barkiɗini mo .

Yaakuuba 2:19

A goonɗinii Alla laati nun gooto na? E wooɗi! Amma baa ginnaaji bo e goonɗini ɗum faa ɗii diwna sabbu kulol!

Piyer Ɗiɗaɓol 2:4

Baa malaykaaɓe waɗunooɓe hakke, Alla accay ɗum, o haɓɓii ɓe e callalluuji, o faɗɗi der niwre jahannama, faa nyalaane darŋal.

Yuhaana Aranol 3:8

Gaɗoowo hakke fu laati nun neɗɗo *Ibiliisa, gam Ibiliisa e waɗa hakke diga fuɗɗoode. Gam majjum *Ɓiɗɗo Alla wari gam halka golle Ibiliisa.

Yahuuda 1:6

Ciwtoree bo malaykaaɓe, saliiɓe ko darii to Alla resani ɗum, ɓe acci darande maɓɓe. Gam majjum Alla maɓɓi ɓe der kasu tabitiiŋu, e der niwre, faa nyalaane darŋal, ko ɓe kiitee.

Kollitinki 12:12

Gam majjum, kammu e jooɗiiɓe der mum, belbeltee! Amma leydi e maayo, bone woodani on! Gam *Seyɗan jippanake on e mone mawne, gam oo anni wakkati seɗɗa horanii mo.»