Marku 4:31 - Bible Fulfulde Bénin New Testament

³¹ Laamaare Alla e nandi e ɓinŋel mutaadihi. Ɓinŋel mutaadihi ɓuri awdiiji leydi fu faanɗugo.

Marku 4:31 ပူးပေါင်းရင်းမြစ်များ

Marku 4:30

Yeesu tokkii wi'ugo: «Ume nanditinirten *Laamaare Alla? E ballool ŋole paaminirten ŋu?

Marku 4:32

Amma to ŋel aawaama, ŋel mawnan ŋel waɗan licce mawɗe, ŋel ɓura awdiiji kara fu mawnugo, faa pooli kammu jooɗoo ley ɗoogi maggel.»

Luka 17:6

Joomiraawo toontii ɓe wi'i: «To oon goodunoo goonɗinki hande ɓinŋel mutaadihi, on baawan ko wi'i leggal ŋal ɗo: ‟Ɗoppita, tiggoɗaa der maayo!” ŋal ɗowtanto on.»

Golle Lilaaɓe 19:20

Hande nun haala Joomiraawo sankitortoo yaago yaago, go baawɗe makka e ɓeydoo.

Golle Lilaaɓe 2:41

Jaɓuɓe haala makko waɗanaa *batisi. Nyalaane nee ɗon, himɓe ujune tato ɓeydaa e maɓɓe.

Golle Lilaaɓe 21:20

No ɓe nani ɗum, ɓe maanti Alla. Ɓe bi'i Pol: «Banniraawo, a yi'ii *Yahuduuɓe ujuneeje ɗuuɗɗe goonɗini, ɓe fu ɓee tinnii tokkugo tawreeta Muusa.

Golle Lilaaɓe 4:4

Ɗuuɓɓe der nanuɓe waaju ɓen laatii goonɗinɓe, limgal maɓɓe waɗi hande himɓe ujune joyo.

Golle Lilaaɓe 5:14

Goonɗinɓe Joomiraawo, worɓe e rewɓe e ɓeydo der maɓɓe yaago yaago,

Kollitinki 11:15

Malaykaajo jeeɗiɗaɓo fuuri walaldu mum. Den daaɗe towɗe nanaa dow kammu, e wi'a: «Baawɗe laamanaago duuniyaaru fu laatanike Joomiraawo meeɗen e *Almasiihu mum. O laamoto faa abada!»