Marku 4:20 - Bible Fulfulde Bénin New Testament

²⁰ Amma woɓɓe e nandi e awdi januni e leydi geeri, kamɓe woni nanuɓe haala kan, jaɓi ka. Ɓe diman ɓikkol: Woɓɓe laso e sappo, woɓɓe lasooji tati, woɓɓe hewre.»

Marku 4:20 ပူးပေါင်းရင်းမြစ်များ

Matiye 13:23

Amma goɗɗo e nandi e awdiiri caamuni to leydi geeri. To o nanii haala Alla, o faama ka. Kanko o riman ɓikkon. Gokkon hewre, gokkon lasoy tati, gokkon bo laso e sappo.»

Matiye 13:8

Gonni bo yani e leydi geeri, ni fuɗi, ni rimi ɓikkol: Gonni rimi gite hewre, gonni lasoy tati, gonni bo laso e sappo.

Marku 4:8

Gonni bo yani to leydi geeri, ni fuɗi, ni mawni, ni rimi. Gonni waɗi gite laso e sappo, gonni lasooji tati, gonni hewre.»

Luka 8:15

Awdiiri caamuni dow leydi geeri laatii hande nanuɓe haala Alla, ko jaɓi ka e ɓerɗe geete, laaɓuɗe, e tinnaare maɓɓe ɓe diman ɓikkon.»

Yuhaana 15:16

Onon bane suɓimmi, min suɓi on go desumi on jahon, dimoon ɓiɓɓe, ɓiɓɓe mooɗon taboo, den Baaba hokkan on huune fu ko eelirton e inne am.

Yuhaana 15:2

Liccal takkiiŋal e am fu, to rimataa, o saltoto ɗum, liccal dimoowal fu, o saaɓanoo ɗum gam ŋal ɓeyda rimugo.

Roma 7:4

Hande non ɗum laatii e mooɗon onon bo, banniraaɓe am. Sabbu maayde *Almasiihu on pirtaama e tawreeta. On laatake jeyde Almasiihu mo Alla fintini diga maayɓe gam gaɗen ko fottanta Alla.

Filippi 1:11

On kebbinaama ɓiɓɓe foonnitaare ƴiwuɗe diga e Yeesu Almasiihu, gam inne Alla teddinee, yettee.

Koloosi 1:10

Hande non, on buuran der goonki pottananki Joomiraawo der huune fu. On tabitinto waɗugo ko wooɗi feere feere, on ɓeydoto annugo Alla.

Tesalonika Aranol 4:1

Ko horii wi'ugo on banniraaɓe, on ekkitake diga e amen no jahirton ko pottanon Alla. Nunnun jahirton bo. Amma jooni, emen eela on emen eelitoo gam sabbu kawtal mon e Joomiraawo Yeesu, ɓeydee yahugo yeeso yeeso.

Piyer Ɗiɗaɓol 1:8

To huune ɗum fu oon jogii ɗum no wooɗi, ko e ɗum ɓeydo der mooɗon, ɗum wallan on ɓeydaago yeeso yeeso der annugo mooɗon Joomiraawo meeɗen Yeesu *Almasiihu.