Marku 2:16 - Bible Fulfulde Bénin New Testament

¹⁶ *Moodiɓɓe tawreeta e *Farisaaɓe yi'i Yeesu e nyaamda e jaɓooɓe ceede faada e hakkeeɓe, ɓe ƴami aahiiɓe makko ɓe bi'i: «Ume waɗi ko moodibbo mooɗon e nyaamida e duwaaniiɓe, e hakkeeɓe?»

Marku 2:16 ပူးပေါင်းရင်းမြစ်များ

Matiye 18:17

To o salike hettinanaago ɓe, den batu ka Eklesiya. To o salike hettinanaago Eklesiya bo, den fu daaree mo hande keefeero, ɗum bo jaɓoowo ceede faada.

Matiye 5:46

To oon jiɗi yiɗuɓe on tan, riiba kaye keɓoton? Baa jaɓooɓe ceede faada bo e waɗa hande non!

Matiye 9:11

No *Farisaaɓe yi'i ɗum, ɓe bi'i aahiiɓe makko: «Gam ume moodibbo mooɗon nyaamidinta e jaɓooɓe ceede faada, e waɗooɓe hakke?»

Marku 2:15

No Yeesu nyaamata der suudu Leewi, jaɓooɓe ceede, e hakkeeɓe hande maɓɓe e jooɗii, e nyaamida e makko, e aahiiɓe makko. Gam himɓe ɗuuɓɓe e tokkunoo mo.

Marku 2:7

«Iri kay gorko on batata ni? O batii kalluka! Moy waawata ko yaafii hakkeeji to hinaa Alla tan?»

Luka 18:11

Farisaajo on darii e du'oo der ɓerne mum e wi'a: ‟Yaa Alla, mi yettii maa gam mi laataaki hande no himɓe horiiɓe, laatiiɓe wuyɓe, ɓe laataaki foonnitiiɓe, waɗooɓe jeenu, mi yettii maa gam mi laataaki hande jaɓoowo ceede faada oo ɗo.

Luka 19:10

Gam *Ɓii neɗɗo wari daartugo, hisina ko majji.»

Luka 19:7

Yi'uɓe ɗum fu e dumbitoo e wi'a: «Neɗɗo on yahii weeroygo wuro hakkeejo!»

Luka 5:30

*Farisaaɓe e *moodiɓɓe tawreeta yanti e dumbitoo, ko ɓe ƴami aahiiɓe Yeesu ɓe bi'i: «Gam ume nun ko oon nyaamda, oon jarida bo e jaɓooɓe ceede faada e hakkeeɓe?»

Golle Lilaaɓe 23:9

Woolo manŋo ummii darii. *Moodiɓɓe tawreeta woɓɓe der waalde Farisaaɓe ummii e yeddontira e semme, e wi'a: Walaa fu ko boni ko men ji'i e gorko oo. Waɗoto ruuhu nun naa bo malaykaajo baddi mo!

Korintu Aranol 2:15

Gooduɗo Ruuhu Alla e suttontira huune fu, amma kanko e hoore makko, walaa cuttontiroowo haala makko.

Iburaninkeeɓe 12:3

Miilanee Yeesu munyuɗo, e tooraaji ɗi hakkeeɓe toori mo, gam to on tampee, ɓerɗe mooɗon biisoo.