Marku 15:14 - Bible Fulfulde Bénin New Testament

¹⁴ Pilaatu ƴami ɓe wi'i: «Ko boni ume o waɗi?» Ɓe ɓeydi woolo e semme ɓe bi'i: «Tiggu mo dow *leggal palaaŋal!»

Marku 15:14 ပူးပေါင်းရင်းမြစ်များ

Matiye 27:19

Wakkati Pilaatu jooɗii e hiitoo, deekiiko lili goɗɗo, wi'a mo: «Taa naannu hoore maa der haala gorko mo walaa gacce oo, gam hanki mi toorake der koyɗool dow haala makko.»

Matiye 27:4

o wi'i ɓe: «Mi waɗii hakke, mi jammike mo walaa gacce!» Ɓe toontii mo, ɓe bi'i: «Ko faalii men? Haala maa nun!»

Matiye 27:54

Hooreejo soogeeji deenuɗo Yeesu, e soogeeji mum, yi'i dimmaaɗe leydi e ko waɗi fu. Ɓe kuli puy, ɓe bi'i: «E gooŋa, o laati nun *Ɓiɗɗo Alla!»

Marku 15:13

Ɓe boolitii e semme, ɓe bi'i: «Tiggu mo dow leggal palaaŋal!»

Marku 15:15

No Pilaatu e yiɗi welingo ɓerɗe jama'aare, o yoofitani ɓe Barabbas, ɓaawo majjum o wi'i Yeesu fiyee looci, o hokki mo soogeeji tigga mo dow leggal palaaŋal.

Luka 23:21

Amma ɓe fu, ɓee kuuɓa e semme ɓee bi'a: «Tiggu mo dow palaaŋal! Tiggu mo dow palaaŋal!»

Luka 23:4

Pilaatu bati hooreeɓe *Limaamiiɓe, e jama'aare wi'i: «Mi yi'ay gacce gom der neɗɗo oo.»

Luka 23:41

Enen, kiita men laati nun deydey, gam ko gaɗuɗen nun joɓeteɗen, amma kanko, o waɗay ko halli gom.»

Luka 23:47

Soogeeru Roma gom nu ɓoggi, no yi'i ko waɗi, teddini Alla, wi'i: «Din din, neɗɗo oo laati nun poonnitiiɗo.»

Yuhaana 18:38

Pilaatu ƴami mo: «Gooŋa, ume nun ɗon?» Ɓaawo o bati ka, o wurti kade, o tawoy *Yahuduuɓe yaasi, o wi'i ɓe: «Mi heɓay gacce baa goote ɗe nanŋiranmi gorko oo.

Yuhaana 19:6

No hooreeɓe *Limaamiiɓe e reenooɓe yi'i mo, ɓe bati dow ɓe bi'i: «Tiggu mo! Tiggu mo!» Pilaatu wi'i ɓe: «Nanŋee mo onon bo, tiggon mo, gam min kan, mi heɓay gacce e makko.»

Golle Lilaaɓe 13:28

Baa no ɓe keɓay gacce baa goote ɗe ɓe barirta mo, ɓe eeli Pilaatu wara mo.

Golle Lilaaɓe 19:34

Amma no ɓe anniti o Yahuduujo nun, ɓe fu ɓee boola, faa ko waɗata janɗe ɗiɗi, ɓee bi'a: «Artemis Efesunkeeɓe laati nun mawɗo!»

Iburaninkeeɓe 7:26

Hooreejo *Limaamiiɓe hande oo ɗon nun haanani en. Oo laatii ceniiɗo, mo walaa gacce, ko soɓi fu walaa e makko. Oo seenniri e hakkeeɓe, o ɓantaama faa dow to ɓuri kammu towugo.

Piyer Aranol 1:19

On cooditiraama e ƴiiƴam *Almasiihu tedduɗam, Almasiihu nanduɗo e jawgiiri ni walaa elande, ni walaa tuuni.