Marku 12:29 - Bible Fulfulde Bénin New Testament

²⁹ Yeesu toontii mo wi'i: «Umuroore ɓurune manŋu nani: ‟Kettinee, ɓiɓɓe Isira'iila, Alla Joomiraawo meeɗen tan woni Joomiraawo.

Marku 12:29 ပူးပေါင်းရင်းမြစ်များ

Matiye 10:37

«Jiɗuɗo baaba mum, ɗum bo inna mum faa ɓurinimmi, joomum fotay laataago mo am. Jiɗuɗo ɓiɗɗo mum gorko naa bo debbo, faa ɓurinimmi, joomum fotay laataago mo am.

Matiye 23:9

To on noddee goɗɗo ‟Baaba” e duuniyaaru ɗo, gam *Baaba gooto tan gooduɗon, kanko woni gonuɗo dow kammu.

Luka 10:27

O toontii o wi'i: «E haani jiɗaa Joomiraawo Alla maaɗa e ɓerne maa fu, e yonki maa fu, e semme maa fu, e miilo maa fu. Kade bo, jiɗaa banniraawo maa, hande no jiɗirɗaa hoore maa.»

Roma 3:30

Alla gooto nun woni. Kanko laatinta juulniiɓe foonnitiiɓe sabbu goonɗinki maɓɓe. Kanko bo laatinta ɓe juulnaaki foonnitiiɓe sabbu goonɗinki maɓɓe.

Korintu Aranol 8:4

Dow ƴakkugo tew caafiranaaɗum tooruuje, een anni tooruure laataaki goɗɗum der duuniyaaru, Alla gooto tan woni.

Galaatiya 3:20

Amma to neɗɗo gooto nun, haaje hakkunneejo walaa. Nani bo Alla kan laati nun gooto.

Timote Aranol 1:5

Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Timote Aranol 2:5

Alla gooto nun woni. Tawaaɗo hakkune makko e himɓe bo gooto nun, kanko woni Yeesu *Almasiihu, laatiiɗo neɗɗo.

Yaakuuba 2:19

A goonɗinii Alla laati nun gooto na? E wooɗi! Amma baa ginnaaji bo e goonɗini ɗum faa ɗii diwna sabbu kulol!

Yahuuda 1:25

Kanko woni Alla gooto, kisinoowo en diga e Yeesu *Almasiihu, Joomiraawo meeɗen. Tedduŋal, e manŋu, e baawɗe, e laamaare, laatanii mo, diga huune fu tagaaka, non bo faa e jooni, e faa abada abadin. Aami!