Marku 12:14 - Bible Fulfulde Bénin New Testament

¹⁴ Ɓe gari, ɓe bi'i mo: «Moodibbo, emen anni aa gooŋaajo. A hulataa gite goɗɗo, gam a ɓurontirtaa himɓe, aa janŋina laawol Alla e gooŋa. Batu men, e haani men joɓa laamiiɗo Roma ceede faada naa haanay? Men joɓa naa to men joɓu?»

Marku 12:14 ပူးပေါင်းရင်းမြစ်များ

Matiye 22:16

Ɓe lili aahiiɓe maɓɓe woɓɓe, e ɓe *Eroodu, ɓe bi'i mo: «Moodibbo, emen anni a laati nun gooŋaajo. E gooŋa nun janŋinirtaa laawol Alla, a hulataa bo himɓe, gam a ɓurontirtaa himɓe.

Matiye 22:17

Den, batu men ko miiluɗaa dow haala kaa ɗo: E haani men joɓa laamiiɗo Roma ceede faada naa haanay?»

Marku 12:13

Ɓe lili *Farisaaɓe woɓɓe, e himɓe dariiɓe ɓaawo *Eroodu to Yeesu gam ɓe nanŋira mo e haala makko.

Marku 12:15

Nani Yeesu e anni munaafitaare maɓɓe, o wi'i ɓe: «Ume waɗi ko oon tuunnanammi pittol? Gaddanee am ceede ɗen mi yi'a.»

Marku 14:45

Yahuuda yottii, ɓattii mo, wi'i: «Moodibbo!» Sanni mo no wooɗi,

Luka 20:22

Batu men, sariya hokkii laawol men joɓa laamiiɗo Roma ceede faada naa to men joɓu?»

Luka 23:2

Ɓe janti ɓee gaccoo mo ɓee bi'a: «Men tawii neɗɗo oo, e laawa himɓe amen, oo haɗa ɓe to ɓe joɓu laamiiɗo Roma ceede faada, go oo wi'a kanko nun laatii *Almasiihu laamiiɗo.»

Yuhaana 7:18

Batanoowo hoore mum, hoore mum nun daartanta tedduŋal. Amma daartoowo tedduŋal liloyɗo ɗum, oo ɗon gooŋa nun batata, fewre walaa e makko.

Roma 13:6

Gam majjum acci oon joɓa ceede faada. Alla ɓe gollantoo, der golle ɗen.

Korintu ɗiɗaɓol 2:17

Men laataaki dartirooɓe batu Alla jawdi hande no ɗuuɓɓe waɗata. Men laati nun lilaaɓe Alla, emen bata e ɓerɗe laaɓuɗe yeeso makko, gam emen kawti e Almasiihu.

Korintu ɗiɗaɓol 2:2

Gam to mi biisii ɓerɗe mon, moy welinta ne am, to hinaa onon ɓe biisumi ɓerɗe mum?

Korintu ɗiɗaɓol 4:1

Alla hokkii men golle ɗen sabbu enɗam mum. Gam majjum ɓerɗe amen biisaaki.

Korintu ɗiɗaɓol 5:11

Emen anni ume woni ɗowtanaago Joomiraawo. Gam majjum men dartata faamingo ɗum himɓe. Alla e anni men. Mii miili onon bo, oon anni men der cuuɗiiɗum ɓerɗe mooɗon.

Korintu ɗiɗaɓol 5:16

Gam majjum, diga jooni, men annaa kade goɗɗo dow laawol ɓannu. Baa to men anniino *Almasiihu dow laawol ɓannu, jooni, nun nun bane men anniri mo.

Galaatiya 1:10

Den kan, fottango himɓe nun daartanmi, naa fottango Alla? Mi daartan nun mi fottana himɓe na? To mii daartanno fottango himɓe, mi laatataakono maccuɗo *Almasiihu.

Galaatiya 2:6

Daaraaɓe mawɓe ɓen, baa to ume ɓe laatiino, walaa ko faalii am, gam Alla ɓurontirtaa himɓe. Mawɓe ɓen yowanay am goɗɗum.

Tesalonika Aranol 2:4

Amma no Alla yerdike men, o yowanii am linjiila, nun nun men baajortoo ka. Men baajataako gam fottango himɓe, amma gam fottango Alla daaroowo ɓerɗe amen.