Marku 10:52 - Bible Fulfulde Bénin New Testament

⁵² Yeesu wi'i mo: «Yahu, goonɗinki maa nyawtii maa.» Ɗon maa ɗon o wunti, o tokkini Yeesu der jahaaŋal muuɗum.

Marku 10:52 ပူးပေါင်းရင်းမြစ်များ

Matiye 11:5

wumuɓe e wunta, moofiɗinɓe e yaha, sesseɓɓe e nyawtee, pahiɗinɓe e nana, maayɓe e finta, talakaaɓe bo e waajee habaru *Laamaare Alla.

Matiye 12:22

Den, Yeesu waddanaa gorko bumɗo muumiɗinɗo, mo ginnool woni e mum. O nyawti mo faa muumo on e bata, e yi'a bo.

Matiye 15:28

Den, Yeesu toontii mo, wi'i: «Hey debbo, goonɗinki maa e mawni! Ɗum laatanee hande no jiɗirɗaa.» E wakkati on, ɓiyiiko yoofii.

Matiye 21:14

Wumuɓe e laƴooɓe wari to makko der suudu Alla, go o nyawti ɓe.

Matiye 8:3

Yeesu foorti junŋo mum, meemi mo, wi'i: «Mii yiɗi, nyawta!» Ɗon maa ɗon, gorko on nyawtii.

Matiye 9:22

Yeesu yeeƴitii, yi'i mo, wi'i: «Suka am, tiiɗin ɓerne maa! Goonɗinki maa nyawtii ma.» Wakkatiire nen, debbo on yoofii.

Marku 1:31

o ɓattii mo, o nanŋi junŋo makko, o ummini mo. Ɗon maa ɗon o yoofii, yontere nen acci mo, o ummii oo jagganoo ɓe.

Marku 5:34

Yeesu wi'i mo: «Ɓiyam debbo, goonɗinki maa nyawtii maa. Hootu jam! A yoofake e nyaw maa!»

Marku 8:25

Yeesu yowitii juuɗe mum e gite makko, den o nyawtii, o wunti, o yi'i huune fu deydey.

Luka 7:50

Amma Yeesu bati debbo on wi'i: «Goonɗinki maa hisinii maa, yahu e jam.»

Luka 9:48

o wi'i ɓe: «Jaɓuɗo suka oo gam inne am, jaɓii am min e hoore am, jaɓuɗo am bo, jaɓii liloyɗo am, gam laatiiɗo pettel hakkune mooɗon on fu, joomum nun ɓuri manŋu.»

Yuhaana 9:32

Daɗey nanaaka bumtinɗo dimdaaɗo e bumdan.

Yuhaana 9:39

Den Yeesu wi'i mo: «Mi waru nun der duuniyaaru mi waɗa kiita, gam wumuɓe yi'a, yi'ooɓe wuma.»

Golle Lilaaɓe 26:18

gam bumtinaa ɓe, kogitaa ɓe e niwre, ɓe gara der jayŋol, ɓe burtoo e junŋo Ibiliisa, ɓe gara to Alla, ɓe keɓa yaafeego hakkeeji, ɓe keɓa joonne maɓɓe e himɓe Alla gam ɓe goonɗinii am.”»