Marku 10:30 - Bible Fulfulde Bénin New Testament

³⁰ O heɓan ɗum de hewre der wakkati mo gonɗen jooni, diga e cuuɗi, faa e sakikiraaɓe rewɓe e worɓe, faa e inniraaɓe, sukaaɓe, e gese, o toorete bo. Der wakkati garoowi bo, joomum heɓan yonki tabitiiki.

Marku 10:30 ပူးပေါင်းရင်းမြစ်များ

Matiye 12:32

Batuɗo kalluka dow *Ɓii neɗɗo fu, heɓan yaafeego. Amma batuɗo kalluka dow Ruuhu Ceniiɗo, yaafataake der jaamanuuru nuu ɗo, e der jaamanuuru warannu.»

Matiye 13:8

Gonni bo yani e leydi geeri, ni fuɗi, ni rimi ɓikkol: Gonni rimi gite hewre, gonni lasoy tati, gonni bo laso e sappo.

Matiye 6:33

Daartee aran *Laamaare Alla, e foonnitaare makko. Den ko horii fu, on ɓeydante ɗum.

Luka 18:30

o heɓan ko ɓuri ɗum ɗuuɗugo der wakkati kii ɗo, der wakkati garoowi bo, o heɓan yonki tabitiiki.»

Yuhaana 10:23

Ley suudu Alla ɗon, Yeesu e yaha e warta ley danki Suleymaanu.

Golle Lilaaɓe 14:22

ɓee cemmiɗina ɓerɗe goonɗinɓe, ɓe baajii ɓe ɓe daroo der goonɗinki, ɓe bi'i: «Sey e tooraaji ɗuuɗɗi naatirten *Laamaare Alla.»

Golle Lilaaɓe 16:25

No caka jemma waɗi, Pol e Silaasi e du'oo, e maanta Alla. Nanŋaaɓe horiiɓe e hettinanii ɓe.

Golle Lilaaɓe 5:41

Lilaaɓe wurtii caka dawrooɓe e ɓerne welne, gam Alla daarii ɓe, ɓe potii tooreego gam inne Yeesu.

Roma 5:3

Hinaa kanjum tan, een juroro bo tooraaji meeɗen, gam een anni tooraaji riman munyal.

Roma 6:23

Riiba hakke, maayde nun. Amma kokkal Alla laati nun yonki tabitiiki der kawtal men e Yeesu Almasiihu Joomiraawo meeɗen.

Korintu ɗiɗaɓol 6:10

Ɓee biisa ɓerɗe amen, amma emen ceyii. Emen nandi hande talakaaɓe, amma emen laatina ɗuuɓɓe jom jawdiiɓe. Emen daaree hande ɓe walaa goɗɗum, amma menen woodi huune fu.

Filippi 3:8

E gooŋa, mi daarii huune fu baanji, gam mi heɓii ko ɓuri ɗum teddugo, kan woni annugo Yeesu Almasiihu Joomiraawo am. Gam makko, mi majjinii huune fu, daarumi ɗum hande buuri, gam mi heɓa mo,

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Timote Aranol 4:8

Eltugo ɓannu e nafa seɗɗa dow kujje goɗɗe. Amma takkaago Alla e nafa dow huune fu. Eɗum woodi alkawal der goonki duuniyaaru ɗo, e der goonki garoowi yeeso.

Timote Aranol 6:6

E gooŋa, goonɗinki laati nun laawol keɓal manŋal, to neɗɗo e seyorii ko woodi.

Yaakuuba 1:12

Barke laatantoo tinniiɗo der tooraaji jarbotooɗi ɗum. Gam to tinnaare makko tabitii, o heɓan tedduŋal, kan woni yonki tabitiiki, ki Alla haɓɓani yiɗuɓe ɗum alkawru.

Yaakuuba 5:11

Een bi'a tinniiɓe ɓen ɓee barkiɗinaaɓe. On nanii tinnaare Ayuba e batanee, on ji'ii bo ko Joomiraawo waɗani mo sakitiine, gam Joomiraawo laati nun mo enɗam e jom yurmeene.

Yuhaana Aranol 2:25

*Almasiihu haɓɓanii en alkawal, alkawal ŋal woni yonki tabitiiki.

Yuhaana Aranol 3:1

Daaree no Alla *Baaba yiɗiri en, faa noddaɗen ɓiɓɓe makko. Een ɓiɓɓe makko e gooŋa. Ko acci duuniyaaru annaa en woni gam nu annaa mo.

Kollitinki 2:9

Mii anni toora maa, e talakaaku maa, baa no aa jom jawdiijo. Mii anni kalluka ka wi'ooɓe e laatii *Yahuduuɓe batata dow maa. Amma fewre, ɓe laati nun jama'aare saafooɓe *Seyɗan.

Kollitinki 3:18

Ka batan maa mi nani: Soodu to am, kanŋeeri laaɓiniraani yiite, gam laatoɗaa jom jawdiijo. Soodu gineeji daneeji ɓornoɗaa, gam senteene funtu maa to yi'oo. Kade bo, soodu lekki gite mooma, gam ji'aa.