Marku 10:22 - Bible Fulfulde Bénin New Testament

²² Amma no gorko on nani haala kan, o ɓalinii, o dilli e ɓerne biisiine gam o laati nun ɗuuɗa jawdiijo.

Marku 10:22 ပူးပေါင်းရင်းမြစ်များ

Matiye 13:22

Goɗɗo e nandi e awdiiri caamuni to gi'e woni. To o nanii haala Alla, ɓillaaje duuniyaaru e yidde jawdi ɓiɗɗa ka, ka rimataa ɓikkol.

Matiye 19:22

No gojankeejo on nani haala kan, yawti e ɓerne biisiine, gam o laati nun jom jawdiijo.

Matiye 27:3

No Yahuuda jammiiɗo Yeesu yi'i o hiitaama o waree, o miijitii, o wittini ceede cardi laso e sappo ɗe o jaɓunoo to hooreeɓe *limaamiiɓe, e *dottiiɓe,

Marku 10:21

Ɗon Yeesu daari mo, yiɗi mo, wi'i: «Huune woore tan jaccu maa: Yahu sippu ko gooduɗaa fu, kokkaa ceede mum talakaaɓe. Den a heɓan jawdi dow kammu, ɓaawo mum, garaa tokkaa am.»

Marku 10:23

Yeesu daari aahiiɓe mum, wi'i: «Naatugo jom jawdiijo der *Laamaare Alla e saɗi!

Marku 6:20

Eroodu e hula Yuhaana, gam oo anni gorko on poonnitiiɗo nun, laaɓuɗo, kan waɗi oo reeni mo. Oo yiɗa nanugo haala makko, amma de o nani ka fu, sey hakkillo makko wemmoo.

Marku 6:26

Ɓerne laamiiɗo on biisii sanne, amma o yiɗay ko salanii mo, gam o hunake yeeso noddinaaɓe makko.

Luka 12:15

Go o bati ɓe o wi'i: «Kakkilee no wooɗi e suuno jawdi, gam jawdi bane wuurnata neɗɗo baa no ni ɗuuɗiri fu.»

Luka 18:23

Amma no o nani boliiɗe ɗen, ɓerne makko biisi, gam o laati nun jom jawdiijo sanne.

Korintu ɗiɗaɓol 7:10

Biisere ɓerne hande no Alla yiɗiri e wadda tuubu, tuubu bo wadda kisidam. Biisere ɓerne hande nee ɗon woodaa to mii annunoo. Amma biisere ɓerne ƴiwune e duuniyaaru, maayde nun waddata.

Efesu 5:5

E haani paamon faa wooɗa: Jeenooɓe e soɓuɓe e suunaaɓe, gam suuno laati nun saafugo tooruure, ɓee ɗon fu walaa geɗu der *Laamaare *Almasiihu e Alla.

Timote Ɗiɗaɓol 4:10

Gam Demas accii am, sabbu yidde duuniyaaru, o yahii Tesalonika. Kereskes yahii Galaatiya, Titus bo yahii Dalmatiya.