Marku 10:2 - Bible Fulfulde Bénin New Testament

² Woɓɓe caka *Farisaaɓe wari gam jarboo mo, ƴami mo: «Gorko e woodi laawol seera debbo mum na?»

Marku 10:2 ပူးပေါင်းရင်းမြစ်များ

Matiye 15:12

Go aahiiɓe makko ɓattii, wi'i mo: «Aa anni haala maaɗa kan mettinii ɓerɗe *Farisaaɓe na?»

Matiye 16:1

*Farisaaɓe e *Sadukiiɓe wari jarbaago Yeesu. Ɓe ƴami mo o waɗana ɓe kayniiɗum ƴiwuɗum diga kammu.

Matiye 19:3

Woɓɓe der *Farisaaɓe wari to makko, ƴami mo gam jarboo mo, wi'i: «Gorko e woodi laawol seera debbo mum, baa to gam daliila kaye nun na?»

Matiye 22:35

Gooto maɓɓe, laatiiɗo janŋinoowo Sariya, yiɗi jarbaago Yeesu, ƴami mo, wi'i:

Matiye 23:13

«Bone laatanto on, onon *moodiɓɓe tawreeta e *Farisaaɓe, munaafitiiɓe! gam oon maɓɓana himɓe dammugal *Laamaare Alla. Onon e ko'e mon on naatataa, on accay yiɗuɓe naatugo bo, naata. [

Matiye 9:34

Amma *Farisaaɓe wi'i: «E baawɗe hooreejo ginnaaji nun o riiwirta ginnaaji!»

Marku 10:1

No Yeesu yawti diga ɗon, o yahi leydi Yahudiya o joli maayo Urdun. Ɗon himɓe ɗuuɓɓe wari e huuritii mo, o darii oo janŋina ɓe hande no o woowi.

Marku 10:3

O toontii ɓe o wi'i: «Ume Muusa umuri on?»

Marku 8:11

Ɗon *Farisaaɓe woɓɓe wari, fuɗɗi e yeddontira e Yeesu, ɓe jarbii mo ɓe bi'i: «Waɗu maane ƴiwoore diga kammu.»

Marku 8:15

Yeesu waggini ɓe, wi'i: «Kakkilee, paamanee *ƴuufinirdi *Farisaaɓe e ni *Eroodu.»

Luka 11:39

Amma Joomiraawo wi'i mo: «Onon Farisaaɓe, oon laaɓina ɓaawo jarirkon e ɓaawo keeɗe, amma der mooɗon, oon kebbi suuno, e guyka, e hallumaru.

Luka 16:14

*Farisaaɓe yiɗuɓe ceede no nani haalaaji ɗin, yanti e jala Yeesu.

Luka 5:30

*Farisaaɓe e *moodiɓɓe tawreeta yanti e dumbitoo, ko ɓe ƴami aahiiɓe Yeesu ɓe bi'i: «Gam ume nun ko oon nyaamda, oon jarida bo e jaɓooɓe ceede faada e hakkeeɓe?»

Luka 6:7

*Moodiɓɓe *tawreeta e *Farisaaɓe e hakkilani mo naa o nyawtan goɗɗo der nyalaane siwteteene, gam ɓe keɓa laabi no ɓe gaccortoo mo.

Luka 7:30

Amma *Farisaaɓe e *moodiɓɓe tawreeta salii Yuhaana waɗana ɗum batisi, nun ɓe calorii ko Alla yiɗannoo ɓe.»

Yuhaana 11:47

Farisaaɓe ɓen e hooreeɓe *Limaamiiɓe waɗi dawriine, wi'i: «Gorko oo e waɗa kaayeefiiji ɗuuɗɗi. Noy gaɗeten?

Yuhaana 11:57

Tawi hooreeɓe *Limaamiiɓe e *Farisaaɓe batiino annuɗo to o woni fu, bata, heɓa o nanŋee.

Yuhaana 7:32

*Farisaaɓe nani ko himɓe ɓen dumbitintoo dow haala Yeesu. Hooreeɓe *Limaamiiɓe e Farisaaɓe lili reenooɓe, nanŋa mo.

Yuhaana 7:48

E woodi baa gooto der hooreeɓe, maa bo der Farisaaɓe goonɗinɗo mo na?

Yuhaana 8:6

Ɓe baddu nun ɓe ƴoyra mo, gam ɓe keɓa no ɓe gaccorii mo. Amma Yeesu jimminii, e winna e honnu mum dow leydi.

Korintu Aranol 10:9

To on jarbee Joomiraawo hande no woɓɓe maɓɓe waɗi, ko bolle halki ɓe.