Marku 10:14 - Bible Fulfulde Bénin New Testament

¹⁴ No o yi'i ɗum, o ɓernani ɓe, o wi'i: «Accee sukahon petton wara to am, to on kaɗee kon, gam nanduɓe e makkon jey *Laamaare Alla.

Marku 10:14 ပူးပေါင်းရင်းမြစ်များ

Matiye 18:10

«Kakkilee, to on jawee baa gooten der sukahon petton kon. Gam mii wi'a on, *malaykaaɓe makkon, e darii wakkati fu, dow kammu e daara yeeso *Baaba am gonuɗo dow kammu. [

Matiye 18:4

Gam majjum, leesinɗo hoore mum, hande sukayel ŋel ɗo, kanko nun ɓurata manŋu der Laamaare Alla.

Matiye 19:14

Den Yeesu wi'i ɓe: «Accee sukahon petton wara to am, to on kaɗee kon, gam *Laamaare Alla laatani nun wa'uɓe hande makkon.»

Matiye 5:10

Barke laatanii tooraaɓe gam sabbu foonnitaare, gam kamɓe nun *Laamaare Alla laatanii!

Matiye 5:3

«Barke laatanii ɓe yonki mum humpaa Alla, gam kamɓe nun jey *Laamaare Alla!

Marku 3:5

Yeesu daari ɓe e mone, yoorugo ko'e maɓɓe biisi ɓerne makko, o wi'i gorko on: «Foortu junŋo maa!» O foorti ŋo, ŋo yanɗiti.

Marku 8:33

O yeeƴitii, o daari aahiiɓe makko, o falmi Piyer, o wi'i: «Woɗɗam an *Seyɗan! Gam miilooji maa ƴiway to Alla, to himɓe ɗi ƴiwi.»

Yuhaana 3:3

Yeesu toontii mo, wi'i: «Mii batee e gooŋa: Goɗɗo waawataa ko yi'i *Laamaare Alla to rimitaaka.»

Yuhaana 3:5

Yeesu toontii mo wi'i: «Mii batee e gooŋa: To neɗɗo rimitoraaka e diyam, e *Ruuhu, o waawataa ko naati laamu Alla.

Golle Lilaaɓe 2:39

Gam alkawal Alla e laatanii on, onon e ɓiɓɓe mooɗon e woɗɗuɓe fu, ɓe Alla Joomiraawo men noddoyta, no ɓe ɗuuɗiri fu.»

Golle Lilaaɓe 3:25

Onon on ɓiɓɓe annabiiɓe, alkawal ŋal Alla haɓɓani kaakiraaɓe meeɗen e laatanii on hande no o wi'unoo Iburahiima: ‟Kookiragel maa barkiɗiniranmi lenyi duuniyaaru fu ”.

Roma 11:16

To peen artuŋa sakkaama Alla, den koriiko fu e laatanii mo. To ɗaɗi leggal e laatanii Alla, licce maggal bo e laatanii mo.

Roma 11:28

Dow wecco *linjiila *Yahuduuɓe laatake ɓe Alla wanyi, gam mooɗon. Amma dow wecco cuɓol Alla, ɓe laati nun yiɗaaɓe gam kaakiraaɓe maɓɓe.

Korintu Aranol 14:20

Banniraaɓe, to on laatee hande sukaaɓe der hakkillo mooɗon. Amma dow hallande laatee hande sukaaɓe, dow suttontirgo huune, laatee ɓe hakkillooji mum ɓenni hande mawɓe.

Korintu Aranol 7:14

Gam gorko mo goonɗinay senaama gam debbo mum, nun bo debbo mo goonɗinay senaama gam gorko mum. To hinaa nun, ɓiɓɓe maɓɓe laatataako seniiɓe, nani bo ɓee ceniiɓe.

Efesu 4:26

To mone waɗii on, to on gaɗee hakke. To on accee mone waɗa on faa naaŋe yana.

Timote Ɗiɗaɓol 1:5

Mii siwtora goonɗinki maa ki walaa munaafitaare. Maama maa Loyis e inna maa Enis e artu maa woodugo ki. Mii hoolii an bo aa woodi ki.

Timote Ɗiɗaɓol 3:15

Diga sukaaku maa, aa anni Dewte ceniiɗe. Kanje ɗe baawan ko hokku maa faamu, jiitiraa kisidam keɓeteeɗam diga e goonɗingo Yeesu *Almasiihu.

Piyer Aranol 2:2

hande no sukahon keccon yiɗiri kosam ɗam jillontiraaka, nun haani onon bo jiɗiron haala Alla, gam mawnon der makka, kison.

Kollitinki 14:5

Fewre meeɗay wurtaago e kunnuɗe maɓɓe, ɓe galaa gacce.