Marku 1:5 - Bible Fulfulde Bénin New Testament

⁵ Leydi Yahudiya e himɓe *Urusaliima fu wari, bati hakkeeji mum, tuubi, Yuhaana waɗi ɓe batisi der maayo Urdun.

Marku 1:5 ပူးပေါင်းရင်းမြစ်များ

Matiye 4:25

Jama'aare ɗuunne e tokki mo. Ɓe ƴiway maa diga leydi Galili, e ɓaadeere Genniije Sappo, e *Urusaliima, e Yahudiya, e fonŋo maayo Urdun.

Marku 1:4

Lilaaɗo on woni Yuhaana gaɗoowo *batisi. O suppitake der haro, oo bata e daane towne, oo wi'a himɓe tuuba, waɗee batisi gam hakkeeji mum yaafee.

Marku 1:6

Yuhaana, toggoore ne leeɓi jeeloobi nun ɓornii, oo haɓɓii ɓelɓelol gurol e funŋudu makko, baɓatti e juuri ladde nun o nyaamata.

Yuhaana 1:28

Ɗum ɗon fu waɗu nun Baytaniya, takkol maayo Urdun, to Yuhaana waɗannoo batisi.

Yuhaana 3:23

Yuhaana bo e waɗa batisi e siire Aynon, takkol Salim, gam ton diyam e ɗuuɗi. Himɓe e yaha ton e waɗanee batisi.

Yuhaana 5:35

Yuhaana laatike fitilla kuɓɓoowa, jaaynoowa. On jaɓii welweltugo wakkati seɗɗa e jayŋol makko.

Golle Lilaaɓe 19:18

Ɗuuggal der goonɗinɓe wari tuubi, bati ko ɓe gaɗuno.

Golle Lilaaɓe 2:38

Piyer toontii ɓe, wi'i: «Tuubee, moy mooɗon fu waɗanee *batisi e inne Yeesu *Almasiihu, gam keɓon yaafuye hakkeeji mon, den on keɓan dokkal Alla, kanŋal woni *Ruuhu Ceniiɗo.

Yaakuuba 5:16

Moy fu bata bannun hakkeeji muuɗum, eelana banniraawo muuɗum Alla, gam nyawtoɗon. Du'aare neɗɗo poonnitiiɗo e woodi baawɗe waɗugo kujje mawɗe.