Marku 1:41 - Bible Fulfulde Bénin New Testament

⁴¹ Yeesu yurmii mo, foorti junŋo mum, meemi mo, wi'i: «Mii yiɗi, nyawta!»

Marku 1:41 ပူးပေါင်းရင်းမြစ်များ

Matiye 9:36

No o yi'i jama'aare, ɓe jurminii mo, gam ɓe comii, ɓe tampi, ɓee laatii hande baali ɗi galaa duroowo.

Marku 1:40

Gorko mo ceppam wari, jiccii yeeso makko, eeli mo, wi'i: «To aa yiɗi, a waawan ko nyawtimmi!»

Marku 1:42

Ɗon maa ɗon, ceppam acci gorko on, o nyawtii.

Marku 4:39

O ummii, o falmi hennu kol, o wi'i: «Jeeɗa, maayo bo, deƴƴu.» Hennu kol deƴƴi, jam mawɗo waɗi.

Marku 5:41

O nanŋi junŋo makko, o wi'i: «Talita kuumi!» Ɗum wi'ay maa ɗon: «Suka debbo emi wi'ee: Umma!»

Marku 6:34

No o wurti e laana kan, o yi'i jama'aare ɗuunne, o yurmaa ɓe, gam ɓee nandi hande baali ɗi galaa duroowo. O darii oo janŋina ɓe kujje ɗuuɗɗe.

Iburaninkeeɓe 1:3

Kanko nun laatii jayŋol jalboowol, kollitoowol tedduŋal Alla, e no Alla laatii e gooŋa. Oo jogii huune fu diga e haala makko gooduka baawɗe. Ɓaawo o laaɓini hakkeeji himɓe, o jooɗake dow kammu, to nyaamo Alla mawɗo, mo tedduŋal.

Iburaninkeeɓe 2:17

Gam majjum, e haani o nanda e banniraaɓe makko der huune fu. Hande non o laatorii hooreejo *Limaamiiɓe mo enɗam, koolaaɗo der golle Alla, gam o moyta hakkeeji jama'aare.

Iburaninkeeɓe 4:15

Een goodii hooreejo Limaamiiɓe baawoowo enɗaago en der tampe meeɗen. Gam kanko e hoore makko o jaribaama der huune fu hande no meeɗen, amma o waɗay hakke.