Marku 1:1 - Bible Fulfulde Bénin New Testament

¹ Nani ɗo no *linjiila Yeesu *Almasiihu, *Ɓiɗɗo Alla fuɗɗiri.

Marku 1:1 ပူးပေါင်းရင်းမြစ်များ

Matiye 14:33

Tawaaɓe der laana ŋan fu, sujidani Yeesu, wi'i: «E gooŋa, a laati nun *Ɓiɗɗo Alla!»

Matiye 17:5

O heennyay batugo, ko duulel jalboowel gom wari ommi ɓe. Ɗon daane gom ƴiwi der duulel ŋel, wi'i: «Oo ɗo laatii *Ɓiɗɗo am jiɗaaɗo, mo cuɓumi. Kettinanee mo!»

Matiye 3:17

Ɗon daane gom nanaa dow kammu, e wi'a: «Oo ɗo nun laatii *Ɓiɗɗo am jiɗaaɗo, mo ceyoriimi.»

Matiye 4:3

Ɗon Jarbotooɗo on ɓattii mo, wi'i: «To a laati nun *Ɓiɗɗo Alla, batu kaaƴe ɗee ɗo waylitoo peen.»

Luka 1:35

Malaykaajo toontii mo wi'i: «*Ruuhu Ceniiɗo waran dow maa, baawɗe Alla Towuɗo suddete hande ɗoogi. Gam majjum ɓiɗɗo ceniiɗo mo dimoytaa noddetee Ɓiɗɗo Alla.

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 1:34

Yuhaana wi'i: «Min, mi yi'ii, mi seedike, kanko woni *Ɓiɗɗo Alla.»

Yuhaana 1:49

Natanayel toontii, wi'i: «Moodibbo, a laati nun *Ɓiɗɗo Alla, a Laamiiɗo Isira'iila nun.»

Yuhaana 20:31

Ɗii ɗo winnaama gam goonɗinon Yeesu laati nun Cuɓaaɗo, *Ɓii Alla, gam to on goonɗinii mo, keɓon yonki sabbu makko.

Yuhaana 3:16

Gam Alla yiɗii duuniyaaru sanne faa hokki Ɓiɗɗo mum bajjo, gam goonɗinɗo mo fu to halku, amma heɓa yonki tabitiiki.

Yuhaana 6:69

Men goonɗinii, emen anni an woni Ceniiɗo ƴiwuɗo e Alla.»

Golle Lilaaɓe 1:22

diga Yuhaana waɗata *batisi faa nyalaane Yeesu safaa dow kammu, gam joomum laatoo seedeejo pintol makko e men.»

Golle Lilaaɓe 13:24

Go o wara, Yuhaana waajakeno lenyol Isira'iila fu tuuba, ɓe gaɗanee *batisi.

Roma 8:3

Tawreeta Muusa waawayno ko waɗi ɗum gam tampere ɓannu. Amma Alla waɗii ɗum. O liloy Ɓiyiiko tii etti ɓannu nanduŋol e ɓannu hakkeeɓe gam o firta ɓe diga hakke. Hande non o hiitorii hakke gollotooɗe der ɓalli meeɗen.

Roma 8:32

Kanko, mo saloraaki Ɓiyiiko, amma o hokkitirii mo gam meeɗen en fu. Noy woni o hokkirtaa en ko o woodi fu e moƴƴere, diga e Ɓiyiiko?