Luka 9:39 - Bible Fulfulde Bénin New Testament

³⁹ Ginnool ŋol nanŋan mo nun, tifel gootel o yantan oo huuɓa, ŋol dimma mo e semme, ŋol ƴufina guufo e hunnuko makko, ŋol nawna mo, no boni ŋol yoofirta mo.

Luka 9:39 ပူးပေါင်းရင်းမြစ်များ

Marku 9:18

To ginnool ŋol ummanake mo, ŋol doƴƴan mo nun e leydi, hunnuko makko e ƴufa guufo, oo ƴakkontira nyiiƴe, o ŋaɗa konkon. Mi eelii aahiiɓe maaɗa ɓe diiwa ŋol, amma ɓe baaway.»

Marku 9:20

O waddanaa mo. No ginnool ŋol yi'i Yeesu, ŋol yiili suka on, ŋol doƴƴi, o yani oo tallitoo, hunnuko makko e ƴufa guufo.

Marku 9:26

Ginnool ŋol halɓi, dimmi suka on e semme, wurtii. Suka on e fukkii hande maayɗo, himɓe darinooɓe ɗon fu wi'i o maayii.

Luka 4:35

Yeesu falmi ginnool ŋol wi'i: «Jeeɗa, wurta bo diga gorko on!» Go ginnool ŋol doƴƴi neɗɗo on yeeso himɓe, ŋol wurtii e makko ŋol waɗay mo goɗɗum.

Luka 8:29

O batii ka gam Yeesu wi'i ginnaaji ɗin wurtoo e makko, gam de ɗuuɗɗum ɗi ummantoo mo, ɓee kaɓɓa koyɗe e juuɗe makko e callalluuji, amma o tannya ɗi ɗi fu, ginnaaji ɗin e yaara mo faa der haro.

Luka 9:38

Ɗon der caka jama'aare nen, goɗɗo yanti e huuɓa, e wi'a: «Moodibbo, mi eelii maa, daaru suka am gorko, Ɓiɗɗo am bajjo nun!

Luka 9:40

Mi eelii aahiiɓe maa riiwa ginnool ŋol, amma ɓe baaway.»

Yuhaana 8:44

*Seyɗan woni baaba mooɗon. Jiɗaaɗi baaba mooɗon gaɗoton. Baroowo nun o laatii diga fuɗɗoode. O walaa der gooŋa, gam gooŋa walaa der makko. To oo bata fewre, jikku makko nun, gam oo pewoowo, oo baaba fewre.

Piyer Aranol 5:8

Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Kollitinki 9:11

Malaykaajo ɓunnu lugguŋol kaddi walaa, laatii laamiiɗo majji. Inne makko e Iburaninkeere woni, Abaddon, e Yunaninkeere bo, Apolliyon.