Luka 9:31 - Bible Fulfulde Bénin New Testament

³¹ Ɓe cuppitii e tedduŋal. Ɓee badda e Yeesu dow no o heennyitirta golle makko, e no o maayiroyta *Urusaliima.

Luka 9:31 ပူးပေါင်းရင်းမြစ်များ

Luka 9:22

Yeesu ɓeydi kade o wi'i ɓe: «*Ɓii neɗɗo tooroto sanne, *dottiiɓe, e hooreeɓe *limaamiiɓe e *moodiɓɓe tawreeta woppan mo, ɓe bara mo, amma nyalaane tatawre o fintan.»

Luka 9:30

Ɗon himɓe ɗiɗo wari e badda e makko, kamɓe woni Muusa e *Eliya.

Yuhaana 1:29

Fini mum, Yuhaana yi'i Yeesu e wara to mum, wi'i: «Nani *Jawgiyel Alla ikkinoowel hakkeeji duuniyaaru.

Korintu ɗiɗaɓol 3:18

En fu, enen ɓe geese mum suddaaki, een daara tedduŋal Joomiraawo hande der daanorgal. Oo waylita en, faa nanden e makko, tedduŋal makko ɓeydoo dow meeɗen. Kanjum woni golle Joomiraawo, laatiiɗo Ruuhu.

Filippi 3:21

Kanko o waylitan ɓalli meeɗen centiniiɗi, o nandina ɗi e ɓannu makko tedduŋol, o waɗan ɗum diga e baawɗe kokkuɗe mo laamanaago huune fu.

Koloosi 3:4

To Almasiihu laatiiɗo yonki mooɗon suppitoyke, on cuppitinto e makko onon bo e tedduŋal.

Iburaninkeeɓe 11:22

Diga e goonɗinki nun acci no Yusufu faanii maayugo, o bati ɓiɓɓe Isira'iila haala wurtaago maɓɓe diga leydi Misira. O bati ɓe bo ko ɓe gaɗata e ƴiye makko.

Piyer Aranol 5:10

Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.

Piyer Ɗiɗaɓol 1:15

Amma mi waɗan ko baawumi fu, gam to mi yawti, baawon ko siwtori kujje ɗee wakkati fu.

Kollitinki 7:14

Toonti moo mi: «Joomiraawo am, an nun anni.» Go o wi'immi: «Kamɓe woni ƴiwoyɓe diga toora mawka. Ɓe loonnii toggooje maɓɓe, ɓe dawnini ɗe e ƴiiƴam *Jawgiyel .