Luka 9:26 - Bible Fulfulde Bénin New Testament

²⁶ To goɗɗo sentii am e haala am, Ɓii neɗɗo bo sentan joomum to waroy der tedduŋal mum e ŋal *Baaba, e ŋal malaykaaɓe seniiɓe.

Luka 9:26 ပူးပေါင်းရင်းမြစ်များ

Matiye 16:27

Gam *Ɓii neɗɗo waran e tedduŋal *Baaba mum, e *malaykaaɓe mum. Den o yoɓan moy fu ko waɗi der golle mum.

Matiye 25:31

«To *Ɓii neɗɗo warii e tedduŋal mum e *malaykaaɓe fu, o jooɗoto dow kittaal laamaare makko ŋal tedduŋal.

Matiye 26:64

Yeesu toontii mo, wi'i: «A batii ka. Ka batanmi woni: Diga jooni, on ji'an *Ɓii neɗɗo e jooɗii nyaamo Jom Baawɗe, o waran diga dow kammu.»

Marku 8:38

Neɗɗo fu centuɗo am, e haala am yeeso hakkeeɓe ɓee ɗo, accuɓe Alla, min, *Ɓii neɗɗo bo, mi sentan joomum to mi wardii e malaykaaɓe seniiɓe der tedduŋal baaba am.»

Yuhaana 12:43

Gam ɓee jiɗi manoore himɓe ɓuri manoore Alla.

Yuhaana 5:44

Noy baawirton ko goonɗini, onon teddinontirooɓe hakkune mooɗon, go accuɗon daartugo tedduŋal Alla?

Golle Lilaaɓe 10:22

Ɓe toonti ɓe bi'i: «Korney mawɗo waalde konunkeeɓe nun liloy men. Gorko on gooŋaajo nun, kulɗo Alla, mo lenyol *Yahuduuɓe fu seedantoo geeta. Malaykaajo ceniiɗo holli mo o waɗa men gara men noddee, garaa suudu makko, gam heɓa o nana waaju maa.»

Roma 1:16

Mi sentirtaa *linjiila, gam der makka baawɗe Alla kisinooje goonɗinɗo fu woni, aran *Yahuduuɓe, ɓaawo mum ɓe lenyi janani.

Korintu ɗiɗaɓol 12:10

Kanjum acci mii seyoroo tampe, e jennooje, e caɗeele e tooraaji e ɓillaaje fu, gam Almasiihu. Gam wakkati tampumi, den nun keɓammi semme.

Galaatiya 6:14

Min kan, mi jurortaako goɗɗum to hinaa leggal Joomiraawo meeɗen Yeesu Almasiihu palaaŋal. Diga e maggal duuniyaaru tiggaa gam am, min bo tiggaami gam mayru.

Timote Aranol 5:21

Mi eelii maa yeeso Alla, e Yeesu *Almasiihu, e malaykaaɓe suɓaaɓe, ɗowtana haalaaji ɗii, tawee a suttontiray himɓe, a ɓurontiray ɓe bo.

Timote Ɗiɗaɓol 1:12

Sabbu majjum tooreteemi tooraaji ɗii ɗo, amma mi sentiray ɗum. Gam mii anni mo goonɗinmi. Mii hoolii bo o waawan ko reeni ko o halfinimmi faa nyalaane darŋal yottoo.

Timote Ɗiɗaɓol 2:12

To en munyanii tooraaji, en laamodoto e makko bo, to en calike mo, kanko bo o saloto en.

Iburaninkeeɓe 11:26

O faamii yarugo bone gam *Almasiihu e laatii jawdi ɓuruni jawdi Misira fu manŋu, gam oo daarii riiba gonuka yeeso.

Iburaninkeeɓe 13:13

To non, en burtee taween mo yaasi wanŋarde, jaɓen senteene ne o sentinaa!

Yahuuda 1:14

Anuhu taaniraawo Aadamu jeeɗiɗaɓo, bataniino habaru maɓɓe diga ko ɓooyi, wi'i: «Daaree, Joomiraawo e warida e malaykaaɓe mum seniiɓe uju ujuneeje.

Kollitinki 1:7

Daaree, oo warida e duulere. Himɓe fu yi'an mo, baa yuwunooɓe mo, lenyi duuniyaaru fu simoto gam makko. Ɗum laatoo hande non! Aami .

Kollitinki 20:11

Ɓaawo majjum, ji'umi kittaal laamu manŋal daneyal, e jooɗiiɗo dow maggal. Leydi e kammu doggi yeeso makko, yi'aaka kade.

Kollitinki 21:8

Amma hulhulɓe, e ɓe walaa goonɗinki, e soɓuɓe, e warooɓe himɓe, e jeenooɓe, e waɗooɓe dobo dobooje, e saafooɓe tooruuje, e fewooɓe fu, maayo yiite kuɓɓoowe e kibiriita nun woni geɗu maɓɓe. Kanjum woni maayde ɗiɗawre.»

Kollitinki 3:5

Hande non, jaaliiɗo fu ɓornoto kolte daneeji. Mi moytataa inne makko diga dewtere yonki pay. Mi seedoto yeeso *Baaba am e yeeso malaykaaɓe mum, oo laatii mo am.