Luka 8:44 - Bible Fulfulde Bénin New Testament

⁴⁴ O ɓattii Yeesu ɓawɓawre, o meemi kommulol toggoore mum. Ɗon maa ɗon, ilol ƴiiƴam ɗam haggii.

Luka 8:44 ပူးပေါင်းရင်းမြစ်များ

Matiye 20:34

Yeesu yurmii ɓe, meemi gite maɓɓe. Ɗon maa ɗon ɓe bumti, ɓe tokki mo.

Matiye 8:3

Yeesu foorti junŋo mum, meemi mo, wi'i: «Mii yiɗi, nyawta!» Ɗon maa ɗon, gorko on nyawtii.

Matiye 9:20

Den debbo gom, mo lefol mum salii ko haggii diga duuɓi sappo e ɗiɗi, ƴiwi ɓawɓawre Yeesu, meemi kommulol toggoore makko.

Marku 6:56

To Yeesu yahi fu, diga e ci'e pamare faa e genniije mawɗe e gureeje, himɓe e waddana mo nyawɓe mum der jaayri wuro, ɓee eela mo o acca ɓe meema baa kommulol toggoore makko, nunnun bo, meemuɓe ŋol fu e yoofoo.

Luka 13:13

O yowi mo juuɗe, ɗon maa ɗon debbo on foortii, yanti e teddina Alla.

Luka 7:38

o darii ɓaawo Yeesu, ley koyɗe mum. Oo wulla, ko gonɗi makko e soofina koyɗe Yeesu, oo moyta gonɗi ɗii e gaasa makko, o mammilii ɗe, o misi ɗe wardi.

Luka 8:43

Debbo gom bo e tawaa ɗon mo lefol mum salii ko haggii diga duuɓi sappo e ɗiɗi. [o nyaami ko o woodi fu to nyawtooɓe] amma goɗɗo maɓɓe waaway ko nyawti mo.

Luka 8:45

Yeesu ƴami: «Moy nun meemimmi?» Ɓe fu ɓe jeddi, go Piyer wi'i: «Moodibbo, jama'aare e tummu maa e ɓiɗɗee.»

Yuhaana 5:13

Amma nyawtaaɗo on annaano mo, gam Yeesu mutii caka himɓe sabbu no ɓe ɗuuɗiri e nokkuure nen.

Golle Lilaaɓe 19:12

Faa lincon naa bo gineeji meemuɗi ɓannu makko e yaaree, e yowee e nyawɓe. Den nyawuuji maɓɓe e heennya, ginnaaji bonɗi e wurtoo e maɓɓe.

Golle Lilaaɓe 5:15

faa ɓee gadda nyawɓe, ɓee burtina ɓe e laabi, ɓee pukkinee dow leece e daage, heɓa to Piyer warii, baa belbeldi muuɗum meema woɓɓe mum.