Luka 8:22 - Bible Fulfulde Bénin New Testament

²² Nyalaane gom, Yeesu naati der laana diyam e aahiiɓe mum, o wi'i ɓe: «En jolee fonŋo maayo far ni,» ko ɓe jawti.

Luka 8:22 ပူးပေါင်းရင်းမြစ်များ

Matiye 14:22

Ɗon maa ɗon, Yeesu dooli aahiiɓe mum naata laana, ardoo, jola fonŋo maayo. Wakkati mum, oo waynoo jama'aare.

Matiye 8:18

Yeesu yi'i jama'aare ɗuunne e huuritii ɗum, o wi'i aahiiɓe makko ɓe jola fonŋo far to.

Marku 5:21

No Yeesu naati laana witti fonŋo maayo, jama'aare ɗuunne wari e howii ɗum kade fonŋo ɗon.

Marku 6:45

Ɓaawo mum Yeesu yawɗini aahiiɓe mum ɓe naata laana diyam, gam ɓe ardoo mo ŋabboygo fonŋo maayo far Baytisayda, wakkati mum kanko e hoore makko oo waynoo jama'aare.

Marku 8:13

Ɓaawo majjum, o acci ɓe, o naati laana diyam, o joli fonŋo far to.

Luka 5:1

Nyalaane gom, Yeesu e darii takkol maayo Genesaret, go jama'aare ɗuunne e ɓiɗɗontira ley makko, gam ɓee jiɗi nanugo haala Alla.

Luka 8:23

Wakkati ɓe jolata, Yeesu ɗaani. Tifere woore, hennu mawkol gom yanti e wifa dow maayo ŋon faa laana e hebba diyam, go ɓee tawaa der kaliire.

Luka 8:33

Ginnaaji ɗii wurtii diga e tagaaɗo on, naati der afaaji. Darne afaaji nen fu, dirtoy diga dow e doggudu, ɗi joolii der maayo.

Yuhaana 6:1

Ɓaawo majjum Yeesu joli maayo *Galili, bi'eteeŋo Tiberiya.

Golle Lilaaɓe 27:2

Men naati laana ƴiwuka Adaramitiya jahoowa jipporɗe laanaaji diyam, der leydi Asiya, men jawti. Emen gondi e Aristarkus gorko Maseduwaan tawaaɗo Tesalonika.