Luka 7:47 - Bible Fulfulde Bénin New Testament

⁴⁷ Gam majjum, mii wi'ee: No hakkeeji makko ɗuuɗiri fu, ɗi jaafaama, gam majjum o yiɗimmi puy. Amma jaafanaaɗo seɗɗa, yiɗan nun seɗɗa.»

Luka 7:47 ပူးပေါင်းရင်းမြစ်များ

Matiye 10:37

«Jiɗuɗo baaba mum, ɗum bo inna mum faa ɓurinimmi, joomum fotay laataago mo am. Jiɗuɗo ɓiɗɗo mum gorko naa bo debbo, faa ɓurinimmi, joomum fotay laataago mo am.

Luka 7:39

No Farisaajo noddinɗo Yeesu nyaamɗe on yi'i ɗum, o wi'i der ɓerne makko: «To neɗɗo oo e laatino annabiijo, o annitanno no debbo meemoowo mo on, hakkeejo nun.»

Luka 7:46

A waanjay nebbam e hoore am, amma kanko o waanjii wardi e koyɗe am.

Luka 7:48

Go Yeesu bati debbo on wi'i: «Hakkeeji maa yaafaama.»

Golle Lilaaɓe 5:31

Kanko nyaamo Alla etti, waɗi mo hooreejo e kisinoowo, gam o waɗa himɓe Isira'iila tuuba, ɓe keɓa yaafuye hakkeeji.

Roma 5:20

Tawreeta Muusa warii gam hakke ɓeydoo. Amma to hakke ɓeydii, ɗon nun moƴƴere Alla ɓuri ɓeydaago.

Korintu ɗiɗaɓol 5:14

Yidde *Almasiihu nun jogii men, menen annitinɓe no gooto maayanii himɓe fu, den himɓe fu nun maayi ɗon.

Galaatiya 5:6

To goɗɗo hawtii e Yeesu Almasiihu, juulnol e dullere juulnol fu laataaki goɗɗum. Ko nafata woni, goonɗinki gollotooki e yidde.

Efesu 6:24

Yiɗuɓe Joomiraawo meeɗen Yeesu Almasiihu fu, e yidde ne heennyataa, moƴƴere Alla laatanoo ɗum.

Filippi 1:9

Ko eelananmi on Alla woni, ɓeydoɗon yeeso yeeso, dow yidde, e dow annal, e suttontirgo gooŋa e fewre,

Timote Aranol 1:14

Moƴƴere Joomiraawo ɗuuɗanii am puy. O hokkii am goonɗinki e yidde ƴiwune diga e Yeesu Almasiihu.

Yuhaana Aranol 1:7

Amma to een jaha der jayŋol hande no kanko e hoore makko o wonori der jayŋol, den kan een laatii gootum hakkune meeɗen, kade bo ƴiiƴam *Ɓiɗɗo makko Yeesu e laaɓina en diga hakkeeji men fu.

Yuhaana Aranol 3:18

Sukaaɓe am, haanay yidde meeɗen laatoo e haala belka tan, sey ka laatoo e gaɗu gooŋawu.

Yuhaana Aranol 4:19

Enen een jiɗi Alla gam kanko arti yiɗi en.

Yuhaana Aranol 5:3

Tokkugo oodaaji makko woni yiɗugo mo. Oodaaji makko laataaki doongal,