Luka 7:21 - Bible Fulfulde Bénin New Testament

²¹ Der wakkati mum, Yeesu nyawti nyawɓe ɗuuɓɓe, yoofini ɓe e nyawuuji maɓɓe, o faabii ɓe ginnaaji toorata, o wuntini bo wumuɓe ɗuuɓɓe.

Luka 7:21 ပူးပေါင်းရင်းမြစ်များ

Matiye 4:23

Yeesu woositii leydi *Galili fu. Oo janŋina der cuuɗi *baajorɗi, oo waajoo *linjiila dow *Laamaare Alla, oo nyawta himɓe ɓe nyawuuji feere feere, e toorotooɓe.

Matiye 4:24

Habaru makko sankitii der leydi Siriya fu. Ɓee gaddana mo nyawɓe nyawuuji feere feere, hande ɓe ginnaaji toorata, e yanooɓe paɗɗe, e moofiɗinɓe, o nyawti ɓe.

Marku 3:10

O nyawtii ɗuuɓɓe, kan waɗi nyawɓe fu e hanƴontira gam ɓe meema mo.

Marku 5:29

Ɗon maa ɗon ƴiiƴam haggii ilugo e makko, o maati o yoofake.

Marku 5:34

Yeesu wi'i mo: «Ɓiyam debbo, goonɗinki maa nyawtii maa. Hootu jam! A yoofake e nyaw maa!»

Luka 7:20

No ɓe jottii to Yeesu, ɓe bi'i mo: «Yuhaana gaɗoowo *batisi nun liloy men men ƴamee: ‟An nun laatii garoowo naa, naa men kettinoo goɗɗo?”»

Iburaninkeeɓe 12:6

Gam Joomiraawo e elta mo o yiɗi fu, oo fiya ɓe o daari sukaaɓe makko .»