Luka 6:20 - Bible Fulfulde Bénin New Testament

²⁰ Yeesu daari aahiiɓe mum wi'i: «Barke laatanii on onon talakaaɓe, gam *Laamaare Alla e wonanii on!

Luka 6:20 ပူးပေါင်းရင်းမြစ်များ

Matiye 11:5

wumuɓe e wunta, moofiɗinɓe e yaha, sesseɓɓe e nyawtee, pahiɗinɓe e nana, maayɓe e finta, talakaaɓe bo e waajee habaru *Laamaare Alla.

Matiye 25:34

Den, laamiiɗo wi'an wonuɓe junŋo mum nyaamo: ‟Garee, onon ɓe *Baaba am barkiɗini, jaɓee donŋu laamaare ne ciriyanaɗon diga fuɗɗoode duuniyaaru.

Matiye 5:1

No Yeesu yi'i jama'aare ɗuunne, o eenci dow waanne, o jooɗii. Aahiiɓe makko hawritii ley makko.

Luka 12:32

«To on kulee onon koggel pettel! Gam *Baaba mon e woodi seyo hokkugo on laamaare mum.

Luka 13:28

Ɗon nun bulloton, ƴakkontiron nyiiƴe, to on ji'ii Iburahiima e Isiyaaku e Yaakuubu e annabiiɓe fu der *Laamaare Alla, go onon, oon boppaa yaasi!

Luka 14:15

Gooto der jooɗodiiɓe e Yeesu gam ɓe nyaama, no nani haalaaji ɗin wi'i: «Barke laatanii nyaamoowo nyaamdu mum der *Laamaare Alla!»

Luka 16:25

Den Iburahiima wi'i mo: “Ɓiɗɗo am, siwtor no a heɓii jawdi der guurnam maa, amma Lasar kan heɓii tooraaji sanne. Jooni, o nani ɗo oo deƴiti, amma an, aa tooro.”

Luka 4:18

«*Ruuhu Joomiraawo na'on der am o suɓii am e mootugo am nebbam gam mi waajoo talakaaɓe linjiila. O liloy am gam mi bata haɓɓaaɓe der kasu habaru fiirteego, wumuɓe heɓa wuntineego, tooreteeɓe bo heɓa yoofeego.

Golle Lilaaɓe 14:22

ɓee cemmiɗina ɓerɗe goonɗinɓe, ɓe baajii ɓe ɓe daroo der goonɗinki, ɓe bi'i: «Sey e tooraaji ɗuuɗɗi naatirten *Laamaare Alla.»

Korintu ɗiɗaɓol 6:10

Ɓee biisa ɓerɗe amen, amma emen ceyii. Emen nandi hande talakaaɓe, amma emen laatina ɗuuɓɓe jom jawdiiɓe. Emen daaree hande ɓe walaa goɗɗum, amma menen woodi huune fu.

Korintu ɗiɗaɓol 8:2

Ɓe poonnaama e ɓillaaje ɗuuɗɗe. Amma seyo maɓɓe e mawni puy. Gam majjum ɓe kokki dokke ɗuuɗɗe e ɓerɗe goote baa no ɓee talakiɗi puy.

Korintu ɗiɗaɓol 8:9

Oon anni moƴƴere Joomiraawo meeɗen Yeesu *Almasiihu. Kanko jom jawdiijo, o laatinii hoore makko talakaajo gam mooɗon, gam laatoɗon jom jawdiiɓe diga e talakaaku makko.

Tesalonika Aranol 1:6

On yemminii men, on yemminii Joomiraawo bo gam no jaɓuɗon haala Yeesu, on tooraama sanne, e nun fu, on jaɓii ka e seyo ŋo *Ruuhu Ceniiɗo hokkata.

Tesalonika Ɗiɗaɓol 1:5

Tooraaji ɗin laati nun ko hollitinta kiita Alla poonnitiika, gam laatoɗon fotuɓe naatugo der *Laamaare Alla, ne gam mum tooreteɗon.

Yaakuuba 1:12

Barke laatantoo tinniiɗo der tooraaji jarbotooɗi ɗum. Gam to tinnaare makko tabitii, o heɓan tedduŋal, kan woni yonki tabitiiki, ki Alla haɓɓani yiɗuɓe ɗum alkawru.

Yaakuuba 2:5

Banniraaɓe am yiɗaaɓe, kettinee! Alla bane suɓi ɓe duuniyaaru daari talakaaɓe gam o hokka ɓe jawdi gooŋaari der goonɗinki, ɓe naata *Laamaare Alla ŋu o haɓɓani yiɗuɓe mo alkawru na?

Kollitinki 2:9

Mii anni toora maa, e talakaaku maa, baa no aa jom jawdiijo. Mii anni kalluka ka wi'ooɓe e laatii *Yahuduuɓe batata dow maa. Amma fewre, ɓe laati nun jama'aare saafooɓe *Seyɗan.