Luka 4:41 - Bible Fulfulde Bénin New Testament

⁴¹ Ginnaaji wurtii diga e nyawɓe ɗuuɓɓe, ɗii kalɓa ɗii bi'a: «An laatii *Ɓiɗɗo Alla.» Amma Yeesu falmi ɗi e semme, haɗi ɗi batugo, gam ɗii anni no kanko nun woni Almasiihu.

Luka 4:41 ပူးပေါင်းရင်းမြစ်များ

Matiye 26:63

Amma Yeesu toontaaki gokka. Hooreejo limaamiiɓe on wi'i mo: «Mii eele e inne Alla yonkinteejo, batu men to an nun woni *Almasiihu, *Ɓiɗɗo Alla.»

Matiye 4:3

Ɗon Jarbotooɗo on ɓattii mo, wi'i: «To a laati nun *Ɓiɗɗo Alla, batu kaaƴe ɗee ɗo waylitoo peen.»

Matiye 8:16

No kiikiiɗe waɗi, Yeesu waddanaa himɓe ɗuuɓɓe, ɓe ginnaaji woni e mum. O riiwi ɗi e haala makko, o nyawti nyawɓe fu.

Matiye 8:29

Ɓe darii ɓee bata e semme, ɓee bi'a: «An *Ɓiɗɗo Alla, ume jiɗuɗaa waɗugo men? A warii ɗo gam tooraa men diga wakkati waɗay na?»

Matiye 8:4

Den Yeesu wi'i mo: «Hakkil! Taa batu ka goɗɗo. Amma yahu holloy hoore maa *limaamiijo. Den, gaɗaa sadaka ka Muusa wi'i on gaɗon, gam anninaa ɓe a yoofake.»

Marku 1:25

Yeesu falmi ginnool ŋol, wi'i: «Jeeɗa, wurta e makko!»

Marku 1:32

No naaŋe muti, kiikiiɗe, himɓe waddani mo nyawɓe fu ɓe ginnaaji toorata.

Marku 1:34

O nyawti nyawɓe ɗuuɓɓe, ɓe nyawuuji feere feere. O riiwi ginnaaji ɗuuɗɗi, o accay ɗi ɗi bata, gam ɗii anni moy o laatii.

Marku 3:11

Wakkati on to wooduɓe ginnaaji yi'i mo, jiccoto nun e bata e semme e wi'a: «An a laati nun *Ɓii Alla!»

Luka 4:39

Yeesu jimminii dow makko, falmi yontere nen e semme, go ne acci mo, o ummii o hiinnii ɓe.

Yuhaana 20:31

Ɗii ɗo winnaama gam goonɗinon Yeesu laati nun Cuɓaaɗo, *Ɓii Alla, gam to on goonɗinii mo, keɓon yonki sabbu makko.

Yaakuuba 2:19

A goonɗinii Alla laati nun gooto na? E wooɗi! Amma baa ginnaaji bo e goonɗini ɗum faa ɗii diwna sabbu kulol!