Luka 3:11 - Bible Fulfulde Bénin New Testament

¹¹ O toontii ɓe o wi'i: «Gooduɗo toggooje ɗiɗi fu, hokkora mo woodaa woore, gooduɗo nafa bo waɗa hande nun.»

Luka 3:11 ပူးပေါင်းရင်းမြစ်များ

Matiye 25:40

Laamiiɗo on toontoto ɓe, wi'a: ‟E gooŋa batanmi on: ko gaɗanɗon gooto der ɓuruɗo faanɗugo caka sakikiraaɓe am ɓee, min nun gaɗanɗon ɗum.”

Luka 11:41

Kokkee talakaaɓe sadaka ko tawaa der ɓerɗe mooɗon, den ko horii laatanto on laaɓuɗum.

Luka 18:22

No Yeesu nani ka wi'i mo: «Gootum tan jaccu maa, sippu jawdi maa fu, ceennanaa talakaaɓe ceede mum, den mum, a heɓan jawdi gonni der kammu, ɓaawo mum garaa tokkaa am.»

Luka 19:8

Jakee ummii darii yeeso Joomiraawo, wi'i: «Daa Joomiraawo, mi hokkan feccere jawdi am talakaaɓe, to mi ƴoyriino goɗɗo jaɓumi ceede mum, mi yoɓan ɗe joomum de naay.»

Yuhaana 13:29

Gam Yahuuda nun jogotono ceede maɓɓe, woɓɓe e miijii Yeesu wi'u nun o soodaa goɗɗum gam juulɗe, maa o heɓa ko o hokki talakaaɓe.)

Golle Lilaaɓe 10:2

O laati nun kulɗo Alla, kanko e himɓe wuro makko fu ɓe kulɓe Alla. Oo sakka *Yahuduuɓe sadakaaji ɗuuɗɗi, oo du'oo wakkati fu.

Golle Lilaaɓe 10:31

wi'i am: ‟Korney, Alla jaɓanii maa du'aare maa, o yeggitanay sadakaaji maa.

Golle Lilaaɓe 10:4

O fattinani mo gite sabbu kulol, o wi'i: «Joomiraawo, ume nun?» Malaykaajo on wi'i mo: «Alla jaɓanii maa du'aaje maa e sadakaaji maa, o yeggitanay maa bo.

Efesu 4:28

Bujjannooɗo acca guyka mum, waɗa golle geete e semme ɓannu mum, gam heɓa ko wallirta wooduɓe haaje.

Timote Aranol 6:17

Batu wooduɓe jawdi der duuniyaaru ɗo, to ɓe mawnito. To ɓe kooloo jawdi ni tabitintaako, amma ɓe kooloo Alla. Kanko nun hokkata en huune fu, faa heƴa, gam ceyoroɗen ɗum.

Timote Aranol 6:18

Batu ɓe ɓe gaɗa ko wooɗi. Waɗugo geetum laatoo jawdi maɓɓe. Ɓe laatoo hokkitirooɓe, siriyiiɓe wallugo woɓɓe e jawdi maɓɓe.

Iburaninkeeɓe 6:10

Gam Alla laataaki mo fonnitaaki. O yeggitintaa gaɗu mon, e yidde ne kollitinɗon gam inne makko. On kollitii yidde nen e golle ɗe gaɗuɗon, e ɗe gaɗoton faa hanne gam himɓe Alla.

Yaakuuba 1:27

Diina laaɓuka, seniika yeeso Alla *Baaba meeɗen nani: Wallugo goonɗaaɓe e rewɓe talakaaɓe ɓe worɓe mum maayi, e reenugo hoore mum e tuuni duuniyaaru.

Yaakuuba 2:14

Banniraaɓe am, ume ɗum nafi to goɗɗo wi'ii e goonɗini Alla go golle makko hollitintaa emo goonɗini? Goonɗinki kin waawan ko hisini mo na?

Yuhaana Aranol 3:17

To jom jawdiijo yi'ii banniraawo mum e talakiɗi, ko yurmaaki mo, noy yidde Alla waawirta ko woni e makko?

Yuhaana Aranol 4:20

Bi'uɗo e yiɗi Alla, go e wanyi banniraawo mum laati nun pewoowo. Gam mo yiɗay banniraawo mum ji'eteeɗo, waawataa ko yiɗi Alla mo yi'ataake.